Yosua 13:14 - AHYERƐLƐ KRONGRON

¹⁴ 14 Lewi abusua kure ne angome de, Mose amma bɛ aseɛ ne bie. Afɔleɛ bɔ bɛbɔ ye see so bɛma AWURADE Yisrael Nyameɛ ne yeɛ ɔte b’agyapadeɛ ɔ, kyɛbɔ ɔha hyirele bɛ ne.

Yosua 13:14 Iomraidhean Croise

Hesekiel 44:28

“Na bɔ ɔkɔyɛ b’agyapadeɛ de, me AWURADE yeɛ nde b’agyapadeɛ ɔ. Nnɛma ɛmɔma bɛ kyɛfa biala wɔ Yisrael, na me yeɛ nde bɛ kyɛfa ɔ.

Hesekiel 44:29

Aleɛ afɔleɛ, bɔne nwo afɔleɛ ne foɛlilɛ afɔleɛ yeɛ bekoli ɔ; ɔne nikyee biala bɔ batu basie berɛ wɔ Yisrael yeɛ ɔkɔyɛ bɛ deɛ ɔ.

Deuteronomi 10:9

Na ɔnate ɛhe ati, abusua agyapadeɛ bɔ Lewi aliɛma nemɔ nyane ye nen, ye de wannya nu kyɛfa biala; AWURADE yeɛ ɔte ye agyapadeɛ ɔ, kyɛbɔ AWURADE wɔ Nyameɛ ha hyirele ye ne.)

Deuteronomi 12:12

Na ɛmɔkoli ahurusi wɔ AWURADE ɛmɔ Nyameɛ nyunu, ɛmɔ ne ɛmɔ mma mmienzua ne mmrasua, ɛmɔ ngoaa ne afaneɛ mɔ, ɔne Lewifoɛ bɔ bɛte ɛmɔ kuro, ofikyɛ bɛ de belle kyɛfa anaa agyapadeɛ biala kyɛbɔ ɛmɔ de ɛmɔanya ye ne.

Deuteronomi 12:19

Na mmerɛ biala bɔ ɛte w’aseɛ ne aso de, nea yé né ammu wɔ nye angua Lewiniɛ so.

Yosua 13:13

Nakoso Gesurefoɛ ne Maakatifoɛ de, Yisraelfoɛ andu bɛ amvi berɛ, yiti Gesurefoɛ ne Maakatifoɛ tɛ te Yisraelfoɛ nu maa waadwu ɛnɛ.

Yosua 13:15

Mose fale aseɛ ne bie mane Ruben abusua kure ne, kyɛbɔ bɛ mmusua mmusua nemɔ te ɔ.

Yosua 13:33

Nakoso Lewi abusua kure ne de, Mose amma bɛ aseɛ biala, AWURADE Yisrael Nyameɛ yeɛ ɔte b’agyapadeɛ ɔ, kyɛbɔ ɔha hyirele bɛ ne.

Yosua 18:7

Lewifoɛ mɔ de, bengonya aseɛ biala wɔ ɛmɔ nu, ofikyɛ AWURADE sɔfolilɛ adwuma ne yeɛ ɔte b’agyapadeɛ ɔ. Na Gade abusua kure, Ruben abusua kure, ɔne Manase abusua kure ne bue de, banya b’agyapadeɛ deɛ wɔ Yɔɔdan si eyia afiteleɛ, na sɔ aseɛ ne yeɛ AWURADE somvoɛ Mose fa mane bɛ ne.”