Yosua 12:8 - AHYERƐLƐ KRONGRON

⁸ mmokaa aseɛ ne, aseɛ frɛtɛɛ ne, Araba ne, mmokaa nemɔ nye abo, ɛserɛ ne, ngwaen dɔ aseɛ ne, yeɛ Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ b’aseɛ ne).

Yosua 12:8 Iomraidhean Croise

Gyenesise 10:17

Hiwifoɛ, Akifoɛ, Sinifoɛ,

Gyenesise 12:9

Abram toale ye ateetulɛ ne aso fale ye nye hyirele ngwaen dɔ aseɛ ne.

Gyenesise 13:7

Na edwudwolɛ wale Abram ngaka neafoɛ nemɔ ne Lɔto ngaka neafoɛ nemɔ afia. Na sɔ mmerɛ ne, né Kanaanfoɛ ne Perisifoɛ wɔ sɔ aseɛ ne aso.

Ɛksadɔso 23:23

Na sɛ m’abɔfo ne di wɔ nyunu fa wɔ kodwu Amorifoɛ, Hitifoɛ, Perisifoɛ, Kanaanfoɛ, Hiwifoɛ ne Yebusifoɛ berɛ a, ngokyikyi bɛ boso bɔkɔɔ.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Deuteronomi 9:1

“Yisrael, tie! Ɛnɛ kyẽa ye, maen maen bɔ bɛ mbiri ne b’anwoserɛ tra wɔ ɔ, ɛkwaapɛ asue Yɔɔdan ekode b’aseɛ, ɔne bɛ nguro mbiri bɔ bato bɛ nwo fasue bahɔ ewienu ɔ;

Yosua 10:40

Yiti Yosua lili ngonim wɔ aseɛ ne aso amukoraati: mmokaa aseɛ ne ne ngwaen dɔ aseɛ ne, aseɛ frɛtɛɛ ne, mmokaa ndoroleɛ ne anu, ɔne b’ahemvo ne amukoraa so ngonim. Wanyakyi sona ko po, na mmom ohuhuni nikyee biala bɔ nwomeɛ wɔ ye nu ɔ, kyɛbɔ AWURADE Yisrael Nyameɛ hyɛle ne.

Yosua 11:16

Yiti Yosua ho fale aseɛ hemɔ amukoraati: mmokaa aseɛ ne, ngwaen dɔ aseɛ ne amukoraa, Gosen aseɛ ne amukoraa, aseɛ frɛtɛɛ ne, Araba ne, Yisrael mmokaa aseɛ ne ɔne ye aseɛ frɛtɛɛ ne;

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

Maenbulɛfoɛ 1:9

Ye si ye, Kanaanfoɛ bɔ bɛte bokaa aseɛ ne aso, ngwaen dɔ aseɛ ne aso, ɔne aseɛ frɛtɛɛ ne aso ne, Yudafoɛ hɔle bɛ ne bɛ bɛɛhone.