Yosua 12:7 - AHYERƐLƐ KRONGRON

⁷ Ɛhemɔ ole aseɛ ne aso ahemvo bɔ Yosua ne Yisraelfoɛ lili bɛ so ngonim, wɔ asue Yɔɔdan eyia atɔleɛ, fite Baal Gade bɔ ɔwɔ Lebanon bɔnza ne anu bɔ ɔkwaadwu Halake bokaa bɔ ɔtrɛ kɔ Sɛre ne. (Yosua hyehyɛle b’aseɛ ne anu mane Yisrael abusua kure nemɔ maa ɔyɛle b’agyapadeɛ, na ɔfale abusua kure biala ye bue deɛ mane ye:

Yosua 12:7 Iomraidhean Croise

Gyenesise 14:6

na bɛɛbole Horifoɛ wɔ bɛ bokaa Sɛre so toonn beedwuli Ɛl Paran bɔ opingye ɛserɛ so ne.

Gyenesise 32:3

Yakob tuli ɛbɔfoɛ maa belili ye nyunu bɛhɔle oliɛma Yisɔ berɛ wɔ Sɛre aseɛ so, Edom maen nu,

Gyenesise 36:20

Horiniɛ Sɛre mma bɔ né bɛte aseɛ ne asofoɛ nemɔ ɛhe: Lotan, Sobal, Sibeon ne Ana,

Gyenesise 36:30

Dison, Esere ne Disan. Ɛhemɔ ole Horifoɛ b’atitire kyɛbɔ bɛ mmusua te wɔ Sɛre aseɛ so ne.

Gyenesise 36:8

Yiti Yisɔ (bɔ besa bɛfrɛ ye Edom ne) ɔɔtenane Sɛre mmokaa aseɛ ne aso dɔ.

Edwein 135:11

Amorifoɛ hene Sihon, ne Basan hene Ogo, ne Kanaan ahennie amukoraa,

Deuteronomi 2:1

Afei yɛsale yɛ si yɛwale ɛserɛ so, wɔ Ɛpo Kɔkorɛ atee ne aso dɔ, kyɛbɔ AWURADE ha hyirele me ne. Na yɛhyinihyinini Sɛre bokaa ne anwo alaa ngyẽa pee.

Deuteronomi 2:4

Ná se maen ne kyɛ, ‘Ɛmɔ aliɛma mɔ Yisɔ bosofoɛ bɔ bɛte Sɛre ne, waha kãa né ɛmɔkwaapɛ nu wɔ b’aseɛ so. Bekosuro ɛmɔ, yiti ɛ́mɔnea ɛmɔ nwo yé,

Yosua 11:17

fite Halake bokaa, bɔ ɔtrɛ kɔ Sɛre, bɔ ɔkwaadwu Baal Gade, wɔ Lebanon bɔnza nu, wɔ Hɛmɔn bokaa ne nye abo. Yosua hyehyele bɛ hene nemɔ amukoraa, na ohuhuni bɛ.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

Yosua 3:17

Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.