Yosua 12:3 - AHYERƐLƐ KRONGRON

³ ɔne Araba ne bɔ ɔkwaadwu Kinerote ɛpo eyia afiteleɛ, bɔ ɔkwaadwu Araba ɛpo ne, bɔ ɔte Ngyee po ne, wɔ Bete Yesimote atee so dɔ, bɔ ɔwɔ Pisiga bokaa ne aseɛnwo, wɔ ngwaen dɔ ne;

Yosua 12:3 Iomraidhean Croise

Gyenesise 14:3

Sɔ ahemvo nnu hemɔ boaboale b’ɛlɔen noa bɛbɔle nu wɔ Sidim bɔnza (bɔ besa bɛfrɛ ye Ngyee Po) ne anu.

Gyenesise 19:25

Ɔsɛkyele sɔ nguro nemɔ ne aseɛ frɛtɛɛ ne amukoraa, nguro ne anu mmenia mukoraa, yeɛ nikyee biala bɔ wafifi aseɛ ne aso ɔ.

1 Ahemvo 15:20

Ben Hadade lele Nana Asa dwirɛ ne tole nu, na ɔsomane ye safohene mɔ maa bɛɛho belili Yisrael nguro hemɔ aso ngonim: Yiyon, Dan, Abel Bete Maaka, Kinerote amukoraa, ɔne Nafetali aseɛ amukoraa.

Hesekiel 25:9

Yiti tie, ngɔma atee kɔla Moabo nwo ngofi ye nguro bɔ bɛlela ye wɛen so ne aso, nguro bɔ bɛte ye animnyam ne, bɔ bɛ ole Bete Yesimote, Baal Meon ne Kiriatim ne.

Numeri 21:20

na befili Bamote bɛhɔle bɔnza bɔ ɔla Moabo mbɔtam, bɔ ɔwɔ Pisiga ti afia bɔ ye nye nea ɛserɛ pralaa ne aso ne.

Numeri 34:11

na ɛwɛen ne kɔtorotoro kofi Sefam koodwu Ribla bɔ ɔwɔ Ayin eyia afiteleɛ ne. Ɛwɛen ne kɔtorotoro koodwu Kinerete Ɛpo eyia afiteleɛ ndoroleɛ nu.

Luka 5:1

Na ɔwale kyɛ, né mmenia ahyere ye so kyɛ bɛbaatie Nyameɛ dwirɛ ne. Né ogyi Gɛnesarɛte mboanoa.

Yohane 6:1

Ɛhe asi ne, Yesu pɛle Galilea ɛpo bɔ besa bɛfrɛ ye Tiberia ɛpo ne hɔle ye si dɔ.

Deuteronomi 3:17

Aseɛ ne, asue Yɔɔdan wɔ ye eyia atɔleɛ, wɔ Araba ne anu dɔ, fite Kinerete kɔpem Araba po bɔ besa bɛfrɛ ye Ngyee po ne, wɔ Pisiga bokaa ne aseɛnwo dɔ, wɔ eyia afiteleɛ.

Deuteronomi 4:49

ɔne Araba mukoraati bɔ ɔla asue Yɔɔdan eyia afiteleɛ ne, bɔ ɔkwaadwu Araba ɛpo ne noa wɔ Pisiga bokaa ne aseɛnwo dɔ ne.

Yosua 11:2

ahemvo mɔ bɔ bɛwɔ sorɔ dɔ mmokaa aseɛ ne aso ne, bɛ bɔ bɛwɔ Araba ne anu wɔ Kinerote ngwaen dɔ ne, bɛ bɔ bɛwɔ aseɛ frɛtɛɛ ne aso, ɔne bɛ bɔ bɛwɔ Nafɔte Dɔɔ wɔ eyia atɔleɛ ne.

Yosua 13:20

Bete Peɔ, Pisiga bokaa ne ngyɛnu, ɔne Bete Yesimote:

Yosua 15:2

Bɛ ngwaen dɔ ɛwɛen ne, ɔhyɛ ye bo fi Ngyee Po noa dɔ, ɔne mboanoa bɔ ye nye nea ngwaen dɔ ne.

Yosua 15:5

Ngyee Po ne yeɛ ɔte Yuda eyia afiteleɛ ɛwɛen ɔ, na ɛwɛen ne kɔ alaa kodwu asue Yɔɔdan abɔleɛ. Sorɔ dɔ ɛwɛen ne trɛ fi Ngyee Po ne noa bɔ ɔwɔ asue Yɔɔdan abɔleɛ ne.

Yosua 3:16

nzue bɔ ɔtengyɛ fi ye sorɔ dɔ ne gyinane. Ye noa boale ko wɔ nziɛ nziɛ, wɔ Adam, kuro bɔ opingye Saretan ne. Na nzue bɔ ɔtengyɛ kogua Araba ɛpo, bɔ bɛfrɛ ye Ngyee Po ne anu ne, ye koso ɔpɛle koraa. Yiti mmenia ne pɛle nu Yeriko ndendeneɛ so.