Yosua 12:1 - AHYERƐLƐ KRONGRON

¹ Aseɛ ne aso ahemvo bɔ Yisraelfoɛ lili bɛ so ngonim, bɔ Yisraelfoɛ fale b’aseɛ bɛtenane so wɔ asue Yɔɔdan si, wɔ eyia afiteleɛ bue nu dɔ, fite Anɔn Bɔnza ne anu bɔ ɔkwaadwu Hɛmɔn bokaa ne anwo, ɔne Araba bɔ ɔwɔ eyia afiteleɛ amukoraati ne, bɛ ɛhe:

Yosua 12:1 Iomraidhean Croise

1 Ahemvo 4:19

yeɛ Yuri awa Gebɛre bɔ ɔnea Gileade aseɛ ne aso ne. Berɛ yeɛ né Amori hene Sihon ɔne Ogo hene Baasan bedi hene ɔ. Né panyi ko wora ɔnea Yuda aseɛ so.

Edwein 133:3

Ɔte kyɛ Hɛmɔn bosue bɔ ɔtɔ gua Sion mmokaa so ɔ. Ofikyɛ berɛ yeɛ AWURADE ahyehyɛ saleɛ, bɔ ɔte ngoa afebɔɔ ɔ.

Edwein 136:21

na ɔfale b’aseɛ ne kakyili agyapadeɛ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 89:12

Wɔ yeɛ ɛbɔle sorɔ ne ngwaen ɔ, Tabɔ ne Hɛmɔn bele anigye bɛye wɔ dumaa ayɛ.

Yesaya 16:2

Kyɛbɔ nnomaa mmaa bɔ bafoa bɛ bafi bɛ saen nu bɔ bekyinikyini ne bɛte ne, sɔ yeɛ Moabo mma mmrasua nemɔ bɛkɔyɛ wɔ Anɔn apɛleɛ ɔ.

Numeri 21:13

Befili berɛ ne, besili nu, na bɛɛkyekyele asikyeleɛ wɔ asue Anɔn ye bue dɔ, wɔ ɛserɛ bɔ ɔtrɛ fi Amorifoɛ ɛwɛen so ne aso; ofikyɛ asue Anɔn yeɛ ɔte Moabo ne Amorifoɛ b’ɛwɛen ɔ.

Numeri 21:21

Afei Yisrael tuli ɛbɔfoɛ maa bɛhɔle Amorifoɛ hene Sihon berɛ beesele ye kyɛ,

Numeri 21:24

Yisrael le ngrandɛ huni ye, na bɛfale ye aseɛ ne fite asue Anɔn kɔpem Yabɔko, toonn kɔpem Amorifoɛ nemɔ dɔ; ofikyɛ né Amorifoɛ nemɔ abɔ b’ɛwɛen ne anwo waen pambee.

Numeri 32:19

Yɛ ne bɛ ngɔhyɛ Yɔɔdan si dɔ aseɛ ne, ofikyɛ yɛ sa aha yɛ agyapadeɛ deɛ wɔ Yɔɔdan ye bue faen bɔ ɔkɔ eyia afiteleɛ dɔ ne.”

Numeri 32:32

Yɛkɔfa yɛ akodeɛ, yɛkɔpɛ asue ne AWURADE nyunu yɛkɔhɔ Kaanan aseɛ so. Nakoso y’aseɛ bɔ yanya ye wɔ asue Yɔɔdan bue faen ne, ɔkɔhɔ so kɔyɛ yɛ deɛ.”

Numeri 32:33

Amorifoɛ hene Sihon ye ahennie ɔne Basan hene Ogo ye ahennie: b’aseɛ ne bɛ nguro, ɔne nguro bɔ wapɛ bɛ nwo wayia nemɔ aseɛ ne, Mose fa mane Gadefoɛ, Rubenfoɛ ɔne Yosef awa Manase abusua kure ne bue.

Deuteronomi 2:24

Na AWURADE sele kyɛ, ‘Ɛ́mɔdwɔso bɛ́toa ɛmɔ atee ne aso bɛɛpɛ asue Anɔn bɔnza ne. Tie, Hesebon hene Sihon bɔ ɔte Amoriniɛ ne, mafa ye ne ye aseɛ mawura wɔ sa. Fa koɛ toa ye, ná hyɛ ye bo kyɛ ɛkɔfa aseɛ ne ɔ.

Deuteronomi 2:32

Afei Sihon wale yɛ so, ɔne ye lɔen amukoraati, kyɛ bɛ ne yɛ baaho koɛ wɔ Yahase.

Deuteronomi 3:1

Afei yɛkakyili yɛ nwo yɛfale yɛ nye yɛhyirele Basan, na Basan hene Ogo wale yɛ so, ɔne ye lɔen amukoraati, kyɛ bɛ ne yɛ baaho koɛ wɔ Yedrei.

Deuteronomi 4:44

Mmeraa bɔ Mose fa tole Yisraelfoɛ nyunu ne ɛhe.

Deuteronomi 4:46

wɔ asue Yɔɔdan si, bɔnza ne anu, wɔ Bete Peɔ ndendeneɛ so, wɔ Amorifoɛ hene Sihon bɔ né odi hene wɔ Hesebon n’aseɛ so. Ye yeɛ Mose ne Yisraelfoɛ lili ye so ngonim wɔ mmerɛ bɔ befili Misraim bɛwale ne ɔ.

Deuteronomi 4:48

fite Aroye bɔ ɔwɔ Anɔn bɔnza ne noa kodwu Sion bokaa (bɔ besa bɛfrɛ ye Hɛmɔn) ne nwo;

Yosua 1:15

kɔpem kyɛ AWURADE kɔbɔ ɛmɔ aliɛma nemɔ atenaseɛ asomdwee nu, kyɛbɔ wayɔ wama ɛmɔ ne, kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ ne ɔ. Ɛhe asi ne, né ɛmɔasa bawa baafa ɛmɔ bɔbɔ b’aseɛ deɛ ne, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si, wɔ eyia afiteleɛ bue nu dɔ ne.”

Yosua 11:17

fite Halake bokaa, bɔ ɔtrɛ kɔ Sɛre, bɔ ɔkwaadwu Baal Gade, wɔ Lebanon bɔnza nu, wɔ Hɛmɔn bokaa ne nye abo. Yosua hyehyele bɛ hene nemɔ amukoraa, na ohuhuni bɛ.

Yosua 11:3

Bɛɛbɔle ɛhemɔ koso amaneɛ: Kanaanfoɛ bɔ bɛwɔ eyia afiteleɛ ne atɔleɛ, Amorifoɛ, Hitifoɛ, Perisifoɛ ne Yebusifoɛ bɔ bɛwɔ mmokaa aseɛ ne aso ne, ɔne Hiwifoɛ bɔ bɛwɔ Hɛmɔn bokaa ne nye abo wɔ Misepa aseɛ so ne.

Yosua 13:8

Manase abusua kure ne bue ko bɔ waha ne de, né bɛ ne Rubenfoɛ ne Gadefoɛ bali moa banya b’aseɛ deɛ dada. Mose yeɛ ɔfa mane bɛ wɔ asue Yɔɔdan si eyia afiteleɛ bue nu dɔ ɔ, kyɛbɔ AWURADE somvoɛ Mose hyɛ mane bɛ ne:

Yosua 22:4

Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

Maenbulɛfoɛ 11:18

Afei bɛtoale so bɛfale ɛserɛ ne aso, na bɛkondone bɛɛfale Edom aseɛ ne noa ɔne Moabo aseɛ ne noa. Beedwuli Moabo aseɛ ne eyia afiteleɛ so, na bɛkyekyele asikyeleɛ wɔ asue Anɔn si dɔ. Bamva Moabo aseɛ ne aso, ofikyɛ né asue Anɔn yeɛ ɔte Moabo ɛwɛen ɔ.