Yosua 11:6 - AHYERƐLƐ KRONGRON

⁶ Na AWURADE sele Yosua kyɛ, “Nnɛsuro bɛ, ofikyɛ ɛhema bekye sɔa ala, ngohũhũ bɛ mukoraati ngɔma Yisrael. Na odi kyɛ ɛpepɛ bɛ mbɔngɔ mɔ gya ndii nu, ná ɛfa see yera bɛ teaseɛnam nemɔ.”

Yosua 11:6 Iomraidhean Croise

2 Samuel 8:4

Dawide hyele Hadadesa pɔngɔhanɛfoɛ nemɔ anu apee ko ɛyaa nzoo, ɔne koɛhonɛfoɛ bɔ bɛnate ase ɔ apee aburanyɔ. Mbɔngɔ amukoraa bɔ teaseɛnam sosɔ bɛ ne, Dawide pepɛle bɛ gya si ndii nu, nakoso ɔyakyili mbɔngɔ ne bie bɔ bɛkɔfa teaseɛnam ɛyaa ko bɛkɔsosɔ bɛ ɔ.

2 Ahemvo 6:16

Elisa buale kyɛ, “Nnesuro, ofikyɛ yɛ lɔen bɔ begyi yɛ si ne, bɛsone bɛtra bɛ lɔen deɛ ne.”

2 Aberɛso Dwirɛ 20:16

Ɛhema ɛ́mɔfa koɛ bɛɛtoa bɛ. Bɛkɔfa Sise pambaa ne aso bɛkɔfo bɛkɔwa. Ɛmɔkonwu bɛ wɔ bɔnza ne anoa, wɔ Yeruɛl ɛserɛ so atee ne aso dɔ.

Edwein 46:10

“Ɛ́mɔyɛ konn, ná ɛ́mɔnwu kyɛ me ole Nyameɛ! Medi hene wɔ maen maen mɔ so, medi aseɛ ye aso hene.”

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Anyandera 20:7

Teneneeniɛ ye bra te sannwuu, na ye mma konya saleɛ wɔ ye si.

Yesaya 30:16

na mmom ɛmɔhane kyɛ, “Daabi, yɛkɔtena mbɔngɔ so yɛkɔnwati yɛkɔhɔ.” Amba, ɛnwatilɛ ala yeɛ ɛmɔkɔnwati ɔ! (Ɛmɔnwa:) “Mbɔngɔ bɔ bɛ nwo yɛ nyera ɔ yeɛ yɛkɔtena so yɛkɔhɔ ɔ.” Na ɔnate sɔ ati, bɛ bɔ bɛfoa ɛmɔ ne, bɛ nwo kɔyɛ nyera.

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Hesekiel 39:9

“Na afei mmenia bɔ bɛtete Yisrael nguro nemɔ aso ne, bɛkɔɔfa akodeɛ nemɔ bekohua see; bɛkɔfa akokyɛm nemɔ, buralɛ ndaadeɛ, agyaen ne agyaen mmakaa, mmopura ne pealɛɛ nemɔ bɛkɔsɔ see, na bɛkɔfa bɛkɔsɔ see afoɛ nzoo.

Hosea 14:3

Asiria ngɔpepɛ ngole yɛ, yɛngɔtenatena mbɔngɔ so, yeɛ yɛngɔhã ngohyire yɛ sa noa nnwumaa ko kyɛ, ‘Ɛmɔte yɛ nyameɛ mɔ’, ofikyɛ wɔ nu yeɛ ayisiaaniɛ onya anwumvoinnwunɛ ɔ.

Nahum 2:13

Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

Deuteronomi 7:16

Na ekohũhũ mmenia bɔ AWURADE wɔ Nyameɛ kɔfa bɛ kowura wɔ sa ne amukoraati. Nnɛnwu bɛ anwumvoin, yeɛ nnɛso bɛ nyameɛ nemɔ, ofikyɛ ɛhe kɔyɛ wɔ so ngaen.

Yosua 10:8

Na AWURADE sele Yosua kyɛ, “Nnɛsuro bɛ, ofikyɛ mafa bɛ mawura wɔ sa; na bɛ nu ko po ngɔhora ngogyina wɔ nyunu.”

Yosua 11:5

Sɔ ahemvo ne amukoraa boaboale bɛ lɔen noa, na bɛbɔle nu bɛɛkyekyele asikyeleɛ wɔ Merom nzue nwo kyɛ bɛ ne Yisrael bɛkwaaho.

Yosua 11:7

Yiti Yosua ne ye koɛhonɛfoɛ ne amukoraa bɛhɔle bɛ so mvum nu wɔ Merom nzue nwo, na bɛfale koɛ bɛtetale bɛ.

Yosua 11:9

Na kyɛbɔ AWURADE hyɛle Yosua kyɛ ɔyɔ ne, sɔ ala yeɛ ɔfa yɔle bɛ ɔ. Ɔpepɛle bɛ mbɔngɔ mɔ gya ndii nu, na ɔfale see yerale bɛ teaseɛnam nemɔ.

Yosua 3:5

Afei Yosua sele mmenia ne kyɛ, “Ɛ́mɔpete ɛmɔ nwo, ofikyɛ ɛhema AWURADE kɔyɔ anwanwadeɛ wɔ ɛmɔ nu.”

Maenbulɛfoɛ 20:28

na Finehase bɔ ɔse ole Aarɔn awa Eleasa ne, ye yeɛ né ɔte sɔfo wɔ Nyameɛ alaka ne nyunu ɔ.) Bebisale AWURADE kyɛ, “Yɛfa koɛ yɛɛteta y’eliɛma mɔ Benyaminfoɛ bieku, anaakyɛ yɛyakyi?” Na AWURADE buale kyɛ, Ɛmɔɔho, ofikyɛ ɛhema ngɔfa bɛ ngowura ɛmɔ sa.”

Maenbulɛfoɛ 7:9

Sɔ kɔngɔen ne ala, AWURADE sele Gideon kyɛ, “Dwɔso, na fa koɛ kɔteta asikyeleɛ ne; ofikyɛ mafa mawura wɔ sa.”

1 Samuel 11:9

Na besele ɛbɔfoɛ mɔ bɔ bɛwale ne kyɛ, “Ɛmɔhɔ beese Yabese Gileadefoɛ kyɛ, ‘Ɛhema, kyɛ odwu eyiagyina ne, né ɛmɔanya defoɛ.’ ” Na ɛbɔfoɛ nemɔ fale amaneɛ bɛɛbɔle Yabesefoɛ nen, ɔyɛle bɛ fɛ.