Yosua 11:3 - AHYERƐLƐ KRONGRON

³ Bɛɛbɔle ɛhemɔ koso amaneɛ: Kanaanfoɛ bɔ bɛwɔ eyia afiteleɛ ne atɔleɛ, Amorifoɛ, Hitifoɛ, Perisifoɛ ne Yebusifoɛ bɔ bɛwɔ mmokaa aseɛ ne aso ne, ɔne Hiwifoɛ bɔ bɛwɔ Hɛmɔn bokaa ne nye abo wɔ Misepa aseɛ so ne.

Yosua 11:3 Iomraidhean Croise

Gyenesise 31:49

Na osa frɛle berɛ Misepa, ofikyɛ ɔhane kyɛ, “Sɛ yɛpakyepakye nu a, AWURADE osisa yɛ munyɔ.

2 Samuel 24:16

Na mmerɛ bɔ abɔfo ne tengyɛle ye sa Yerusalem so kyɛ ɔsɛkye kuro ne nen, AWURADE adwene sesane wɔ mmenia hunɛ ne anwo, na osele abɔfo bɔ ogu so oku mmenia ne kyɛ, “Wayɛ yee, yakyi.” Sɔ mmerɛ ne, né AWURADE abɔfo ne adwu Yebusiniɛ Arayuna ye nekaa bɔ bɛboro aburoo ne.

2 Samuel 24:7

Afei beedwuli Tiro anwoserɛ afealeɛ ne anwo berɛ, ɔne Hiwifoɛ ne Kanaanfoɛ nguro ne amukoraa so, na beyiele mmeniahalɛ ne wɔ Beɛ Hyeba bɔ ɔwɔ Yuda ngwaen dɔ ne.

1 Ahemvo 15:22

Yeɛ Nana Asa maa bɛbɔle dawure wɔ Yuda amukoraati kyɛ ebiala ɔɔyɔ maen adwuma, na ebiala wanye ye nwo wamvi nu. Nyɔboɛ ne ndaboa bɔ né Baasa wafa watua Rama kuro ne, bɛsesa bɛhɔle, na Nana Asa fa kyekyele nguro hemɔ: Geba bɔ ɔwɔ Benyamin, yeɛ Misepa.

1 Ahemvo 9:20

Amorifoɛ, Hitifoɛ, Perisifoɛ, Hiwifoɛ ne Yebusifoɛ ngaa bɔ bɛhale ne, bɔ nna Yisraelfoɛ ahɔ ɔ ne,

Edwein 133:3

Ɔte kyɛ Hɛmɔn bosue bɔ ɔtɔ gua Sion mmokaa so ɔ. Ofikyɛ berɛ yeɛ AWURADE ahyehyɛ saleɛ, bɔ ɔte ngoa afebɔɔ ɔ.

Edwein 89:12

Wɔ yeɛ ɛbɔle sorɔ ne ngwaen ɔ, Tabɔ ne Hɛmɔn bele anigye bɛye wɔ dumaa ayɛ.

Edwein Nu Dwein 4:8

M’atɔmvorɛ braa, maa yɛfi Lebanon yɛhɔ, maa yɛfi Lebanon yɛhɔ. Fi Amana bokaa ti afia dwu bra, fi Seniri ne Hɛmɔn bokaa ti afia dwu bra, fi gyata mɔ bɛ bue nu bra, fi aboa mmokaa ne aso dwu bra.

Yeremia 40:10

Ɛ́mɔtie, me de ngɔtena Misepa ngɔso Kaldeafoɛ bɔ bɛkɔwa yɛ wa ne, na ɛmɔ de, ɛ́mɔboaboa nzaa ne borɔdoma ne ngoo noa. Ɛ́mɔfa bégua ɛmɔ nningyein nu, ná ɛ́mɔtena ɛmɔ nguro bɔ ɛmɔatena so nemɔ aso.”

Yeremia 40:6

Yeɛ Yeremia hɔle Ahikam awa Gedalia berɛ wɔ Misepa, na ɔne ye bɛɛtenane wɔ mmenia bɔ bayakyi bɛ wɔ aseɛ ne aso nemɔ anu.

Yeremia 41:14

Yiti mmenia bɔ Yismael wahye bɛ nnure wafi Misepa ne amukoraa, besale bɛ si bɛwale, na bɛhɔle Karea awa Yohanan dɔ.

Yeremia 41:3

Asa koso, Yismael huhuni Yudafoɛ amukoraa bɔ né bɛ ne Gedalia wɔ Misepa ne, yeɛ Kaldea koɛhonɛfoɛ bɔ né bɛwɔ berɛ ne.

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Deuteronomi 4:48

fite Aroye bɔ ɔwɔ Anɔn bɔnza ne noa kodwu Sion bokaa (bɔ besa bɛfrɛ ye Hɛmɔn) ne nwo;

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 11:17

fite Halake bokaa, bɔ ɔtrɛ kɔ Sɛre, bɔ ɔkwaadwu Baal Gade, wɔ Lebanon bɔnza nu, wɔ Hɛmɔn bokaa ne nye abo. Yosua hyehyele bɛ hene nemɔ amukoraa, na ohuhuni bɛ.

Yosua 11:8

AWURADE fale bɛ wurale Yisrael sa. Behuhuni bɛ, na bɛfoane bɛ toonn beedwuli Sidon Piri ne Misrefote Maim nwo, ɔne Misepe bɔnza nu wɔ eyia afiteleɛ. Behuhuni bɛ toonn bɔ bɛ nu ko po anga ɔ.

Yosua 13:11

Yeɛ Gileade, Gesurefoɛ ne Maakatifoɛ aseɛ, Hɛmɔn bokaa ne amukoraa, Basan amukoraa bɔ ɔkwaadwu Saleka ne.

Yosua 13:5

Gebalfoɛ aseɛ, Lebanon amukoraa bɔ ɛfa kɔ eyia afiteleɛ dɔ ne, fite Baal Gade bɔ ɔwɔ Hɛmɔn bokaa ne nye abo bɔ ɔkwaadwu Lebo Hamate ne.

Yosua 15:38

Dilan, Misepe, Yokete Ɛl,

Yosua 15:63

Nakoso Yebusifoɛ bɔ né bɛte Yerusalem ne de, Yudafoɛ angora andu bɛ bamvi berɛ; yiti Yebusifoɛ ne Yudafoɛ batena Yerusalem toonn maa waadwu ɛnɛ.

Yosua 18:26

Misepe, Kefira, Mosa,

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

Maenbulɛfoɛ 20:1

Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

Maenbulɛfoɛ 21:8

Na bebisale kyɛ, “Yisrael mmusua kure ne, aso nu bie wamma AWURADE nyunu wɔ Misepa anaa?” Benwuni kyɛ ebiala wamvi Yabese Gileade wamma dwaabɔlɛ ne bie wɔ asikyeleɛ ne anu.

Maenbulɛfoɛ 3:3

Maen nemɔ ole Filistifoɛ ahemvo nnu ne, Kanaanfoɛ amukoraa, Sidonfoɛ, ɔne Hiwifoɛ bɔ bɛte Lebanon bokaa ne aso ne, ofi Baal Hɛmɔn bokaa ne aso bɔ ɔkwaadwu Lebo Hamate ne.

Maenbulɛfoɛ 3:5

Yiti Yisraelfoɛ bɛ ne Kanaanfoɛ, Hitifoɛ, Amorifoɛ, Perisifoɛ, Hiwifoɛ ɔne Yebusifoɛ bɛbɔle nu bɛtenane aseɛ ne aso.

1 Samuel 10:17

Samuel tole asaa frɛle Yisrael maen ne maa bɛwale AWURADE nyunu wɔ Misepa,