Yosua 11:21 - AHYERƐLƐ KRONGRON

²¹ Sɔ mmerɛ ne, Yosua hɔle oohuhuni Anakefoɛ. Na ɔmane bɛ boso nuane fili mmokaa aseɛ ne aso, Hebron, Dɛbi, Anabo, Yuda mmokaa aseɛ ne amukoraa so, ɔne Yisrael mmokaa aseɛ ne amukoraa so. Yosua huhuni bɛ bɔkɔɔ, na ɔsɛkyele bɛ nguro nemɔ bɔkɔɔ.

Yosua 11:21 Iomraidhean Croise

Yeremia 3:23

Amba, dede bɔ ɔwɔ mmokaa nemɔ aso ne, ɔne mmokaa nemɔ aso anigye ne, ɔte mbaen. Amba, AWURADE yɛ Nyameɛ nu yeɛ Yisrael ngoalelɛ wɔ ɔ.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Numeri 13:33

Yɛnwuni Nefilifoɛ wɔ berɛ (Anakefoɛ te Nefilifoɛ mɔ bosofoɛ); na yɛnea yɛ nwo a, né yɛte kyɛ torɔka mɔ, na sɔ ala yeɛ bɛ koso benwu yɛ ɔ.”

Deuteronomi 1:28

Nisua paa yeɛ yɛkɔ ye? Y’eliɛma mɔ amaneɛ bɔ bɛɛbɔle ne ama y’ahone atu. Bɛnwa: ‘Mmenia nemɔ mbiri ne bɛ ndendenn tra yɛ; nguro nemɔ te mbiri, na bale bɛ nwo waen bahɔ anwuro anwuro paa. Yɛnwuni Anake ye bosofoɛ po wɔ berɛ!’ ”

Deuteronomi 2:21

Ɔte maen pirikua, bɛsone, na bɛwoware kyɛ Anakefoɛ ne ala. Nakoso AWURADE huhuni bɛ fili Amonfoɛ nyunu. Amonfoɛ tuli bɛ fili berɛ, na bɛtenane b’aseɛ ne aso.

Deuteronomi 9:2

bɛte mmenia ndendenn bɔ bɛ nwo yɛ se ɔ, Anake bosofoɛ, kyɛbɔ ɛse bɛ ne, ɔne kyɛbɔ ate bɛ nwo dwirɛ kyɛ, ‘Nwa yeɛ ɔkɔhora kogyina Anake bosofoɛ nyunu ɔ?’

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.

Nyekyire 6:2

Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.

Maenbulɛfoɛ 1:20

Yisraelfoɛ fale Hebron bɛmane Kalebo, kyɛbɔ Mose hyɛle ne; na Kalebo tuli Anake mma mmienzua nza nemɔ fili berɛ.