Yosua 11:17 - AHYERƐLƐ KRONGRON

¹⁷ fite Halake bokaa, bɔ ɔtrɛ kɔ Sɛre, bɔ ɔkwaadwu Baal Gade, wɔ Lebanon bɔnza nu, wɔ Hɛmɔn bokaa ne nye abo. Yosua hyehyele bɛ hene nemɔ amukoraa, na ohuhuni bɛ.

Yosua 11:17 Iomraidhean Croise

Gyenesise 32:3

Yakob tuli ɛbɔfoɛ maa belili ye nyunu bɛhɔle oliɛma Yisɔ berɛ wɔ Sɛre aseɛ so, Edom maen nu,

Edwein 89:12

Wɔ yeɛ ɛbɔle sorɔ ne ngwaen ɔ, Tabɔ ne Hɛmɔn bele anigye bɛye wɔ dumaa ayɛ.

Deuteronomi 1:7

Ɛ́mɔtu ɛmɔ bo bɛ́toa ɛmɔ ateetulɛ ne aso, ná ɛmɔhɔ Amorifoɛ mmokaa aseɛ ne aso dɔ, ɔne mbɔtam berɛ mɔ: mekyire Araba ne anu, mmokaa aseɛ ne aso, ɔne kongonyi nemɔ anu, ngwaen dɔ aseɛ ne aso, mboanoa, Kanaanfoɛ aseɛ so ne Lebanon alaa bɔ ɔkwaadwu asue piri Yufreti noa ne.

Deuteronomi 2:1

Afei yɛsale yɛ si yɛwale ɛserɛ so, wɔ Ɛpo Kɔkorɛ atee ne aso dɔ, kyɛbɔ AWURADE ha hyirele me ne. Na yɛhyinihyinini Sɛre bokaa ne anwo alaa ngyẽa pee.

Deuteronomi 3:9

(Sidonfoɛ frɛ Hɛmɔn Sirion, yeɛ Amorifoɛ frɛ ye Seniri).

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

Deuteronomi 7:24

Ɔkɔfa bɛ hene mɔ kowura wɔ sa, na odi kyɛ ɛma bɛ dumaa mini fi aseɛ ye aso. Na sona biala ngɔhora wɔ nyunu gyina kɔpem kyɛ ekohũhũ bɛ ɔ.

Yosua 1:4

Ɛmɔ aseɛ ne fite ɛserɛ ne aso ɔne Lebanon he, toonn bɔ ɔkwaadwu asue piri Yufreti ɔne Hitifoɛ aseɛ mukoraati bɔ ɔkwaadwu Ɛpo Piri ne wɔ eyia atɔleɛ bue nu dɔ.

Yosua 11:18

Yosua ne sɔ hene nemɔ bɛhone koɛ mmerɛ pee.

Yosua 11:3

Bɛɛbɔle ɛhemɔ koso amaneɛ: Kanaanfoɛ bɔ bɛwɔ eyia afiteleɛ ne atɔleɛ, Amorifoɛ, Hitifoɛ, Perisifoɛ ne Yebusifoɛ bɔ bɛwɔ mmokaa aseɛ ne aso ne, ɔne Hiwifoɛ bɔ bɛwɔ Hɛmɔn bokaa ne nye abo wɔ Misepa aseɛ so ne.

Yosua 13:5

Gebalfoɛ aseɛ, Lebanon amukoraa bɔ ɛfa kɔ eyia afiteleɛ dɔ ne, fite Baal Gade bɔ ɔwɔ Hɛmɔn bokaa ne nye abo bɔ ɔkwaadwu Lebo Hamate ne.