Yosua 11:16 - AHYERƐLƐ KRONGRON

¹⁶ Yiti Yosua ho fale aseɛ hemɔ amukoraati: mmokaa aseɛ ne, ngwaen dɔ aseɛ ne amukoraa, Gosen aseɛ ne amukoraa, aseɛ frɛtɛɛ ne, Araba ne, Yisrael mmokaa aseɛ ne ɔne ye aseɛ frɛtɛɛ ne;

Yosua 11:16 Iomraidhean Croise

Edwein 105:44

Ɔfale maen maen mɔ b’aseɛ mane Yisraelfoɛ, ɔmane Yisraelfoɛ bɛ sa hane bɔ maen maen nemɔ bafɛ banya ɔ,

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Hesekiel 17:23

Yisrael bokaa tendenn ne aso yeɛ ngolua ye ɔ. Ɔkɔyeye mmaen frɔmfrɔm ná wasu mmaa, na ɔkɔyɛ sida bakaa nyemenenyemene. Nnomaa mukoraa bɛkɔtenatena ye bo, na ye mmaen fɔnwoo ne anu yeɛ kaka biala bɔ ole ndaa ɔ ɔkɔnwo ye saen ɔ.

Hesekiel 36:8

“Nakoso ɛmɔ, Yisrael mmokaa, ɛmɔkɔfefɛ ɛmɔ mmaen, na ɛmɔkosu ɛmɔ mmakaammaa bɛkɔma me maen Yisrael, ofikyɛ ɔngɔhyɛ né basa bawa.

Deuteronomi 1:7

Ɛ́mɔtu ɛmɔ bo bɛ́toa ɛmɔ ateetulɛ ne aso, ná ɛmɔhɔ Amorifoɛ mmokaa aseɛ ne aso dɔ, ɔne mbɔtam berɛ mɔ: mekyire Araba ne anu, mmokaa aseɛ ne aso, ɔne kongonyi nemɔ anu, ngwaen dɔ aseɛ ne aso, mboanoa, Kanaanfoɛ aseɛ so ne Lebanon alaa bɔ ɔkwaadwu asue piri Yufreti noa ne.

Yosua 10:40

Yiti Yosua lili ngonim wɔ aseɛ ne aso amukoraati: mmokaa aseɛ ne ne ngwaen dɔ aseɛ ne, aseɛ frɛtɛɛ ne, mmokaa ndoroleɛ ne anu, ɔne b’ahemvo ne amukoraa so ngonim. Wanyakyi sona ko po, na mmom ohuhuni nikyee biala bɔ nwomeɛ wɔ ye nu ɔ, kyɛbɔ AWURADE Yisrael Nyameɛ hyɛle ne.

Yosua 10:41

Yosua lili bɛ so ngonim alaa fite Kadese Banea oodwuli Gasa, fite Gosen mbɔtam mukoraati maa oodwuli Gibeon.

Yosua 11:15

Na kyɛbɔ AWURADE hyɛle ye somvoɛ Mose nen, sɔ ala yeɛ Mose hyɛle Yosua ɔ, na sɔ ala yeɛ Yosua koso yɔle ɔ. Nikyee biala bɔ AWURADE hyɛle Mose kyɛ ɔyɔ nen, nu ko po nne berɛ bɔ Yosua anyɔ ɔ.

Yosua 11:2

ahemvo mɔ bɔ bɛwɔ sorɔ dɔ mmokaa aseɛ ne aso ne, bɛ bɔ bɛwɔ Araba ne anu wɔ Kinerote ngwaen dɔ ne, bɛ bɔ bɛwɔ aseɛ frɛtɛɛ ne aso, ɔne bɛ bɔ bɛwɔ Nafɔte Dɔɔ wɔ eyia atɔleɛ ne.

Yosua 11:21

Sɔ mmerɛ ne, Yosua hɔle oohuhuni Anakefoɛ. Na ɔmane bɛ boso nuane fili mmokaa aseɛ ne aso, Hebron, Dɛbi, Anabo, Yuda mmokaa aseɛ ne amukoraa so, ɔne Yisrael mmokaa aseɛ ne amukoraa so. Yosua huhuni bɛ bɔkɔɔ, na ɔsɛkyele bɛ nguro nemɔ bɔkɔɔ.

Yosua 12:8

mmokaa aseɛ ne, aseɛ frɛtɛɛ ne, Araba ne, mmokaa nemɔ nye abo, ɛserɛ ne, ngwaen dɔ aseɛ ne, yeɛ Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ b’aseɛ ne).

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.