Yosua 11:15 - AHYERƐLƐ KRONGRON

¹⁵ Na kyɛbɔ AWURADE hyɛle ye somvoɛ Mose nen, sɔ ala yeɛ Mose hyɛle Yosua ɔ, na sɔ ala yeɛ Yosua koso yɔle ɔ. Nikyee biala bɔ AWURADE hyɛle Mose kyɛ ɔyɔ nen, nu ko po nne berɛ bɔ Yosua anyɔ ɔ.

Yosua 11:15 Iomraidhean Croise

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

Numeri 33:50

Moabo aseɛ frɛtɛɛ ne aso, wɔ asue Yɔɔdan bue nu dɔ bɔ opingye Yeriko ne, berɛ yeɛ AWURADE sele Mose kyɛ,

Numeri 33:52

ye de ɛ́mɔfoa aseɛ ne aso ama mukoraa béfi ɛmɔ nyunu. Bɛ mmosoen bɔ bafa nyɔboɛ base ɔne b’amoen mɔ bɔ bahuro nikyee bafa bayɔ amukoraa, ɛ́mɔsɛkye bɛ. Ɛ́mɔbubu b’asɔneyɛɛ amukoraa bégua,

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 11:42

“Ɛmɔ Farasiifoɛ, ɛmɔ yaakɔ! Ofikyɛ, ɛmɔfa ɛmeɛ, ɛmanyire ne nyaanyaa biala buru nu ngyɛmuɛ ko bɛma, nakoso ɛmɔbu bɛ nye begua pɛpɛɛpɛyɛlɛ ne Nyameɛ nwo dɔ so. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Asomafoɛ 20:20

Yeɛ dwaaso ne ɛmɔ awuro nu nzɛmbahanɛ ne ngyerɛkyerɛ bɔ nyɔle ne, mangata nikyee biala bɔ ɔkɔboka ɛmɔ ɔ so;

Asomafoɛ 20:27

ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ.

Deuteronomi 12:32

“Bɔ méhyehyɛ méma ɛmɔ biala, ɛ́mɔnea yé kyɛ ɛmɔkoli so ɔ. Nnɛfa bie boka so, yeɛ nnɛye bie fi nu.

Deuteronomi 31:3

AWURADE wɔ Nyameɛ bɔbɔ okoli wɔ nyunu moa kɔpɛ asue ne; na ɔkɔsɛkye maen maen hemɔ kofi wɔ nyunu maa ɛkɔfa b’aseɛ ne. Na Yosua koso okoli wɔ nyunu kɔpɛ asue ne, kyɛbɔ AWURADE aha ne.

Deuteronomi 31:5

AWURADE kɔfa bɛ kowura ɛmɔ bo, na kyɛbɔ mmeraa dwirɛ bɔ mahyɛ mama ɛmɔ ne amukoraa te ne, sɔ ala yeɛ ɛ́mɔfa bɛ́yɔ bɛ ɔ.

Deuteronomi 31:7

Afei Mose frɛle Yosua, na osele ye wɔ Yisraelfoɛ amukoraati bɛ nyunu berɛ kyɛ, “Gyina pindinn, ná ma w’ahone yɛ se, ofikyɛ aseɛ bɔ AWURADE ata ye nwo ndaen wahyire mmenia hemɔ bɛ nana mɔ kyɛ ɔkɔfa kɔma bɛ ne, wɔ yeɛ ɛkɔfa bɛ kɔhɔ so ɔ, na wɔ yeɛ ɛkɔhyɛ kɔma bɛ ɔ.

Deuteronomi 4:2

Mmeraa bɔ méfa méma ɛmɔ ne, nnɛma ɛmɔfa bie bɛboka so, yeɛ nnɛma ɛmɔye bie befi nu, na mmom ɛ́mɔli AWURADE ɛmɔ Nyameɛ mmeraa dwirɛ bɔ méhyehyɛ méma ɛmɔ ne aso.

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Deuteronomi 7:2

ná sɛ AWURADE wɔ Nyameɛ fa bɛ wura wɔ sa, ná edi bɛ so ngonim a, ye de ɔsɛ kyɛ ekuku bɛ bɔkɔɔ. Nnɛne bɛ yɛ apam, yeɛ nnɛnwu bɛ anwumvoin.

Yosua 1:7

Wɔ de, gyina pindinn ná ma w’ahone yɛ se paa; ná nea kyɛ mmeraa mukoraati bɔ me somvoɛ Mose hyehyɛ mane wɔ ne ekoli so ɔ. Nnɛdi ye nwo makyebu kɔ famaa anaa bɛen, amaa ɔnate so wayie wɔ yé wɔ nekaa biala bɔ ɛkɔhɔ ɔ.

Yosua 11:12

Yosua lili sɔ nguro ne amukoraa ne bɛ hene amukoraa so ngonim, na ɔfale ngrandɛ huhuni bɛ; ohuhuni bɛ bɔkɔɔ kyɛbɔ AWURADE somvoɛ Mose hyɛle ne.

Yosua 11:14

Koɛ nu nzesadeɛ mukoraa ne nyɛmmoa bɔ bɛwɔ sɔ nguro nemɔ anu ne, Yisraelfoɛ fale. Nakoso bɛfale ngrandɛ behuhuni nu mmenia mukoraati, kɔpem kyɛ behuhuni bɛ bɔkɔɔ ɔ, na banyakyi nikyee ko po bɔ nwomeɛ wɔ ye nu ɔ.

Yosua 11:16

Yiti Yosua ho fale aseɛ hemɔ amukoraati: mmokaa aseɛ ne, ngwaen dɔ aseɛ ne amukoraa, Gosen aseɛ ne amukoraa, aseɛ frɛtɛɛ ne, Araba ne, Yisrael mmokaa aseɛ ne ɔne ye aseɛ frɛtɛɛ ne;

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.