Yosua 11:11 - AHYERƐLƐ KRONGRON

¹¹ Bɛfale ngrandɛ behuhuni kuro berɛ ama mukoraati. Behuhuni bɛ bɔkɔɔ; banyakyi nikyee ko po bɔ nwomeɛ wɔ ye nu ɔ, na bɛfale see bɛtole Hasɔ nu.

Yosua 11:11 Iomraidhean Croise

Deuteronomi 20:16

Nakoso maen maen hemɔ bɛ nguro bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ nen, nnɛma nu nikyee biala bɔ nwomeɛ wɔ ye nu onya ngoa.

Deuteronomi 3:7

Nakoso yɛfale nguro nemɔ anu nyɛmmoa yɛyɛle yɛ koɛ nu nzesadeɛ, na yɛfene nu nningyein yɛfale.

Deuteronomi 7:2

ná sɛ AWURADE wɔ Nyameɛ fa bɛ wura wɔ sa, ná edi bɛ so ngonim a, ye de ɔsɛ kyɛ ekuku bɛ bɔkɔɔ. Nnɛne bɛ yɛ apam, yeɛ nnɛnwu bɛ anwumvoin.

Yosua 10:40

Yiti Yosua lili ngonim wɔ aseɛ ne aso amukoraati: mmokaa aseɛ ne ne ngwaen dɔ aseɛ ne, aseɛ frɛtɛɛ ne, mmokaa ndoroleɛ ne anu, ɔne b’ahemvo ne amukoraa so ngonim. Wanyakyi sona ko po, na mmom ohuhuni nikyee biala bɔ nwomeɛ wɔ ye nu ɔ, kyɛbɔ AWURADE Yisrael Nyameɛ hyɛle ne.

Yosua 6:21

Afei bɛfale ngrandɛ behuhuni kuro berɛ ama mukoraa bɔkɔɔ: mmienzua ne mmrasua, ngwadaa ne mbanyi, yeɛ behuhuni nandwie, mmoaen ne afunum amukoraa.

Yosua 6:24

Bɛtole kuro ne anu ɔne nu nningyein amukoraati nu see bɛyerale ye. Nu nikyee biala bɔ bafa ɛdwetɛ anaa esikaa kɔkorɛ anaa kɔɔbere anaa buralɛ bayɔ de, bɛsesale beeguale AWURADE awuro nningyein sua ne anu.