Yosua 10:8 - AHYERƐLƐ KRONGRON

⁸ Na AWURADE sele Yosua kyɛ, “Nnɛsuro bɛ, ofikyɛ mafa bɛ mawura wɔ sa; na bɛ nu ko po ngɔhora ngogyina wɔ nyunu.”

Yosua 10:8 Iomraidhean Croise

1 Ahemvo 20:13

Afei ngɔmhyɛlɛniɛ bie wale Yisrael hene Ahabo berɛ oosele ye kyɛ, “AWURADE nwa nyoo, ‘Anwu ɛlɔen kandinga he amukoraa? Tie, ngɔfa bɛ ngowura wɔ sa ɛnɛ, na ekonwu kyɛ me ole AWURADE.’ ”

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Deuteronomi 3:2

Nakoso AWURADE sele me kyɛ, ‘Nnɛsuro ye, ofikyɛ mafa ye ne ye lɔen amukoraati ne ye aseɛ mawura wɔ sa. Na nikyee bɔ ɛfa yɔle Amorifoɛ hene Sihon bɔ né ɔte Hesebon nen, sɔ ala yeɛ fa yɔ ye ɔ.’

Deuteronomi 7:24

Ɔkɔfa bɛ hene mɔ kowura wɔ sa, na odi kyɛ ɛma bɛ dumaa mini fi aseɛ ye aso. Na sona biala ngɔhora wɔ nyunu gyina kɔpem kyɛ ekohũhũ bɛ ɔ.

Yosua 10:25

Na Yosua sele safohene nemɔ kyɛ, “Nnɛma ɛmɔsuro, yeɛ nnɛmɔma ɛmɔ kunu tete ɛmɔ; ɛ́mɔgyina pindinn ná ɛmɔma ɛmɔ ahone yɛ se; ofikyɛ ɛmɔ pɔfoɛ amukoraati bɔ ɛmɔ ne bɛ kɔho ne, sɔ yeɛ AWURADE kɔfa kɔyɔ bɛ ɔ.”

Yosua 10:9

Yiti Yosua fili Gilgal natele kɔngɔen toonn hɔle Gibeon, na ɔhɔle Amorifoɛ so mvum nu.

Yosua 11:6

Na AWURADE sele Yosua kyɛ, “Nnɛsuro bɛ, ofikyɛ ɛhema bekye sɔa ala, ngohũhũ bɛ mukoraati ngɔma Yisrael. Na odi kyɛ ɛpepɛ bɛ mbɔngɔ mɔ gya ndii nu, ná ɛfa see yera bɛ teaseɛnam nemɔ.”

Yosua 8:1

Afei AWURADE sele Yosua kyɛ, “Nnɛsuro, yeɛ nnɛma wɔ kunu tete wɔ. Fa koɛhonɛfoɛ ne amukoraati boka wɔ nwo so, na fo kɔ Aye. Tie, mafa Aye hene ne ye mmenia, ye kuro ne, ɔne ye aseɛ mawura wɔ sa.

Maenbulɛfoɛ 6:16

Na AWURADE sele ye kyɛ, “Ngogyina wɔ si, na ekohũhũ Midianfoɛ nemɔ amukoraati.”

Maenbulɛfoɛ 7:9

Sɔ kɔngɔen ne ala, AWURADE sele Gideon kyɛ, “Dwɔso, na fa koɛ kɔteta asikyeleɛ ne; ofikyɛ mafa mawura wɔ sa.”

1 Samuel 17:47

Na mmenia bɔ bayia wa ye amukoraa konwu ye kyɛ, AWURADE mva ngrandɛ ne pealɛɛ yeɛ ode ye mmenia ɔ; ofikyɛ AWURADE yeɛ koɛ ne te ye koɛ ɔ, na ɔkɔfa ɛmɔ kowura yɛ sa.”