Yosua 10:6 - AHYERƐLƐ KRONGRON

⁶ Yeɛ Gibeonfoɛ somane maa bɛhɔle Gilgal asikyeleɛ ne anu beesele Yosua kyɛ, “Nnɛyakyi wɔ ngoaa mɔ nu; ma wɔ nwo yɛ nyera ná baale yɛ ngoa, baaboka yɛ; ofikyɛ Amorifoɛ bɔ bɛtete mmokaa aseɛ ne aso dɔ ne, bɛ hene mɔ amukoraa bayɛ ko bɛ ne yɛ baaho.”

Yosua 10:6 Iomraidhean Croise

2 Ahemvo 4:24

Yeɛ braa ne siesiele afunum ne, na ɔhã hyirele ye somvoɛ ne kyɛ, “Ma kaka ne ɔhã ye nwo; nnɛmaa ogyina, sana mahã mahyire wɔ kyɛ maa ogyina.”

Edwein 125:2

Kyɛbɔ mmokaa apɛ Yerusalem nwo ayia ne, sɔ ala yeɛ AWURADE apɛ ye maen nwo wayia, ofi ɛnɛ bɔ ɔkwaadwu afebɔɔ ɔ.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Luka 1:39

Na sɔ mmerɛ ne anu, Maria yɛle ndɛndɛ sili nu hɔle mmokaa so Yuda kuro bie anu,

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.

Yosua 10:5

Na Amorifoɛ ahemvo nnu ne: Yerusalem hene, Hebron hene, Yamute hene, Lakise hene ɔne Eglon hene boaboale bɛ koɛhonɛfoɛ mukoraati noa, na bɛ ne koɛhonɛfoɛ ne amukoraa beetuale Gibeon kyɛ bɛ ne bɛ kwaaho.

Yosua 10:7

Yiti Yosua ne ye koɛhonɛfoɛ amukoraa, yeɛ afei koɛhonɛfoɛ ahoneserɛfoɛ amukoraa befili Gilgal bɛfo bɛhɔle.

Yosua 21:11

Bɛfale Kiriate Aba (Aba te Anake baba) bɔ besa bɛfrɛ ye Hebron ne, ɔne ye nwo aseɛ bɔ nyɛmmoa didi so ɔ bɛmane bɛ. Ɔwɔ Yuda mmokaa aseɛ ne aso.

Yosua 5:10

Mmerɛ bɔ né Yisraelfoɛ wɔ asikyeleɛ berɛ wɔ Gilgal nen, bosome ne anu kyẽa bɔ ɔtɔ so buru ne nna ne, ye nɔsoa ne, belili Abɔtra ne wɔ Yeriko aseɛ frɛtɛɛ ne aso.

Yosua 9:15

Yosua ne bɛ yɛle asomdwee apam, bɔ odi agyinamuɛ kyɛ ɔkɔmaa bekonya bɛ ti bekodidi nu ɔ; na Yisrael ɛlɔen ne anu mbanyi tale ndaen foale so.

Yosua 9:6

Bɛhɔle Yosua berɛ wɔ asikyeleɛ ne anu wɔ Gilgal, na besele ye ne Yisraelfoɛ kyɛ, “Yɛfi maen bie anu dedeede yeɛ yawa ɔ, yiti ɛ́mɔma yɛ́yɛ apam.”

Yosua 9:8

Na Gibeonfoɛ buale Yosua kyɛ, “Yɛte wɔ ngoaa.” Na Yosua bisale bɛ kyɛ, “Ɛmɔ ole nwa mɔ, yeɛ ɛmɔfi nisua?”