Yosua 10:40 - AHYERƐLƐ KRONGRON

⁴⁰ Yiti Yosua lili ngonim wɔ aseɛ ne aso amukoraati: mmokaa aseɛ ne ne ngwaen dɔ aseɛ ne, aseɛ frɛtɛɛ ne, mmokaa ndoroleɛ ne anu, ɔne b’ahemvo ne amukoraa so ngonim. Wanyakyi sona ko po, na mmom ohuhuni nikyee biala bɔ nwomeɛ wɔ ye nu ɔ, kyɛbɔ AWURADE Yisrael Nyameɛ hyɛle ne.

Yosua 10:40 Iomraidhean Croise

1 Ahemvo 15:29

Baasa lili bia ne pɛ, ohuhuni Yeroboam abusuafoɛ amukoraa. Wanyakyi Yeroboam abusuaniɛ ko po maa wanya ye ti wannidi nu, kɔpem kyɛ ohuhuni bɛ mukoraa ɔ, kyɛbɔ AWURADE dwirɛ bɔ ɔnate ye somvoɛ Silonniɛ Ahiya so hane ne, ɔte ne ala.

Nehemia 9:24

Yiti bɛ boso ama nemɔ, bɛhɔle aseɛ ne aso bɛɛfale, na Kanaanfoɛ bɔ bɛ yeɛ né bɛte aseɛ ne aso mmenia ne, ɛfale bɛ wurale Yisraelfoɛ bo. Na ɛfale bɛ ne b’ahemvo ne aseɛ ne aso ama wurale Yisraelfoɛ sa kyɛ bɔ bekuro ne, bɛfa bɛyɔ bɛ.

Edwein 9:17

Bɔnefoɛ bekowu bɛkɔhɔ ɛborɔ, maen maen amukoraa bɔ bɛ wora fi Nyameɛ ne koso, sɔ ala.

Ɛksadɔso 34:12

Aseɛ bɔ ɛ́kɔ so ne, nea yé ná ɛne so ama anyɛ apam, ná wanyɛ wɔ so ngaen.

Numeri 13:17

Mose somane bɛ kyɛ bɛɛtetɛ Kanaan aseɛ ne, na osele bɛ kyɛ, “Ɛmɔɔfa ngwaen dɔ aseɛ ne aso bɛfo bɛhɔ mmokaa aseɛ ne aso,

Deuteronomi 1:7

Ɛ́mɔtu ɛmɔ bo bɛ́toa ɛmɔ ateetulɛ ne aso, ná ɛmɔhɔ Amorifoɛ mmokaa aseɛ ne aso dɔ, ɔne mbɔtam berɛ mɔ: mekyire Araba ne anu, mmokaa aseɛ ne aso, ɔne kongonyi nemɔ anu, ngwaen dɔ aseɛ ne aso, mboanoa, Kanaanfoɛ aseɛ so ne Lebanon alaa bɔ ɔkwaadwu asue piri Yufreti noa ne.

Deuteronomi 2:34

Sɔ mmerɛ ne, yɛho yɛfale ye nguro nemɔ amukoraati, yɛbɔle nguro nemɔ amukoraati bɔkɔɔ, yɛhuhuni mmienzua ne mmrasua ne ngwadaa amukoraati, na yanyakyi bɛ nu ko po.

Deuteronomi 7:24

Ɔkɔfa bɛ hene mɔ kowura wɔ sa, na odi kyɛ ɛma bɛ dumaa mini fi aseɛ ye aso. Na sona biala ngɔhora wɔ nyunu gyina kɔpem kyɛ ekohũhũ bɛ ɔ.

Yosua 10:35

Belili so ngonim sɔ kyẽa ne, na bɛfale ngrandɛ behuhuni kuro berɛ ama mukoraati bɔkɔɔ sɔ kyẽa ne, kyɛbɔ ɔfa yɔle Lakisefoɛ ne ala.

Yosua 10:37

Belili so ngonim. Bɛfale ngrandɛ behuhuni nu mmenia ne nu hene, mbɔtam berɛ nguro nemɔ nu mmenia, na behuni nu mmenia amukoraa. Wanyakyi sona ko po; na kyɛbɔ ɔfa yɔle Eglon nen, sɔ ala yeɛ ɔsɛkyele Hebron bɔkɔɔ ɔ, na ohuhuni nu mmenia mukoraati.

Yosua 10:39

Olili kuro ne, nu hene, ɔne ye nwo nguro mɔ so ngonim. Bɛfale ngrandɛ behuhuni bɛ, na behuni kuro ne anu mmenia mukoraa bɔkɔɔ. Wanyakyi sona ko po. Na nikyee bɔ ɔfa yɔle Hebron, yeɛ Libina ne ye hene nen, sɔ ala yeɛ ɔfa yɔle Dɛbi ne ye hene ɔ.

Yosua 11:16

Yiti Yosua ho fale aseɛ hemɔ amukoraati: mmokaa aseɛ ne, ngwaen dɔ aseɛ ne amukoraa, Gosen aseɛ ne amukoraa, aseɛ frɛtɛɛ ne, Araba ne, Yisrael mmokaa aseɛ ne ɔne ye aseɛ frɛtɛɛ ne;

Yosua 12:8

mmokaa aseɛ ne, aseɛ frɛtɛɛ ne, Araba ne, mmokaa nemɔ nye abo, ɛserɛ ne, ngwaen dɔ aseɛ ne, yeɛ Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ b’aseɛ ne).

Yosua 18:21

Benyamin abusua kure ne, ye mmusua mmusua ne, bɛ nguro nemɔ ɛhe: Yeriko, Bete Hogela, Emeke Kesise,

Yosua 6:17

Ɔsɛ kyɛ ɛmɔsɛkye kuro ne ɔne nu nningyein amukoraati bɔkɔɔ maa ɔyɛ afɔleɛ ma AWURADE. Sana gyanderaniɛ Rahabo ngome, ɔne mmenia bɔ bɛwɔ ye awuro berɛ amukoraati yeɛ bekonya bɛ ti bekodidi nu ɔ, ofikyɛ ye yeɛ ɔfale ɛbɔfoɛ mɔ bɔ yɛsomane bɛ ne feale ɔ.

Yosua 8:2

Nikyee bɔ ɛfa yɔle Yeriko ne ye hene nen, sɔ ala yeɛ fa yɔ Aye ne ye hene ɔ. Koɛ nu nzesadeɛ ne nyɛmmoa bɔ bɛwɔ nu ne, bɛ ngome yeɛ ɔsɛ kyɛ ɛmɔfa ɔ. Ma mmenia bɛɛtɛ kuro ne wɔ ye si dɔ.”

Yosua 8:27

Kuro ne anu nyɛmmoa ne koɛ nu nzesadeɛ ngome yeɛ Yisrael fale ɔ, kyɛbɔ AWURADE hyɛle Yosua ne ala.

Yosua 9:24

Na bebuale Yosua kyɛ, “Ebie ha hyirele wɔ ngoaa mɔ pefee kyɛ, AWURADE wɔ Nyameɛ hyɛle ye somvoɛ Mose kyɛ ɔ́fa aseɛ ne amukoraa ɔ́ma ɛmɔ, ná ohuhu so mmenia amukoraa ofi ɛmɔ nyunu. Na ɔnate ɛmɔ ti, né yɛsuro paa kyɛ yɛ ngoa kofi yɛ sa ɔ; yiti yeɛ ɔmaa yɛyɔle sɔ ne.