Yosua 10:39 - AHYERƐLƐ KRONGRON

³⁹ Olili kuro ne, nu hene, ɔne ye nwo nguro mɔ so ngonim. Bɛfale ngrandɛ behuhuni bɛ, na behuni kuro ne anu mmenia mukoraa bɔkɔɔ. Wanyakyi sona ko po. Na nikyee bɔ ɔfa yɔle Hebron, yeɛ Libina ne ye hene nen, sɔ ala yeɛ ɔfa yɔle Dɛbi ne ye hene ɔ.

Yosua 10:39 Iomraidhean Croise

2 Ahemvo 10:11

Yiti Yehu huhuni Ahabo ye nwo ama ngaa bɔ baha ne amukoraa wɔ Yesreel: ye mbanyi mɔ amukoraa, ye damvo paa mɔ, ye asɔfo mɔ, bɔ wanyakyi ye bosoniɛ ko po ɔ.

Obadia 1:18

Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Deuteronomi 3:3

Yiti AWURADE yɛ Nyameɛ fale Basan hene Ogo koso ne ye lɔen amukoraa wurale yɛ sa, yɛhuni ye, na bɛ nu ko po anga.

Yosua 10:33

Gɛsɛre hene Horam fo wale ɔɔbokale Lakisefoɛ, nakoso Yosua huhuni ye ne ye lɔen ne, na wanyakyi sona ko po.

Yosua 10:37

Belili so ngonim. Bɛfale ngrandɛ behuhuni nu mmenia ne nu hene, mbɔtam berɛ nguro nemɔ nu mmenia, na behuni nu mmenia amukoraa. Wanyakyi sona ko po; na kyɛbɔ ɔfa yɔle Eglon nen, sɔ ala yeɛ ɔsɛkyele Hebron bɔkɔɔ ɔ, na ohuhuni nu mmenia mukoraati.

Yosua 10:38

Afei Yosua ne Yisrael ɛlɔen ne amukoraa besa bɛwale Dɛbi, na bɛfale koɛ bɛtetale ye.

Yosua 10:40

Yiti Yosua lili ngonim wɔ aseɛ ne aso amukoraati: mmokaa aseɛ ne ne ngwaen dɔ aseɛ ne, aseɛ frɛtɛɛ ne, mmokaa ndoroleɛ ne anu, ɔne b’ahemvo ne amukoraa so ngonim. Wanyakyi sona ko po, na mmom ohuhuni nikyee biala bɔ nwomeɛ wɔ ye nu ɔ, kyɛbɔ AWURADE Yisrael Nyameɛ hyɛle ne.

Yosua 11:8

AWURADE fale bɛ wurale Yisrael sa. Behuhuni bɛ, na bɛfoane bɛ toonn beedwuli Sidon Piri ne Misrefote Maim nwo, ɔne Misepe bɔnza nu wɔ eyia afiteleɛ. Behuhuni bɛ toonn bɔ bɛ nu ko po anga ɔ.

Yosua 12:13

Dɛbi hene, Gɛdɛ hene;

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”

1 Samuel 15:8

Ɔhyele Amalɛkefoɛ hene Agage anyekaenn so, nakoso mmenia ne amu de, ɔfale ngrandɛ huhuni bɛ bɔkɔɔ.