Yosua 10:36 - AHYERƐLƐ KRONGRON

³⁶ Afei Yosua ne Yisrael ɛlɔen ne amukoraa befili Eglon bɛhɔle Hebron, na bɛfale koɛ bɛtetale ye.

Yosua 10:36 Iomraidhean Croise

Gyenesise 13:18

Yiti Abram tutuli ye ɛtena sua ne, na ɔɔtenane pingyele Mamre eluii mmakaa bɔ bɛwɔ Hebron ne, na osili afɔleɛ bokyea berɛ mane AWURADE.

1 Aberɛso Dwirɛ 12:23

Koɛhonɛ bɔ baboa bɛ nwo kyɛ bɛkɔ koɛ bɔ bɛɛbokale Dawide lɔen so wɔ Hebron ne, bɛ ɛhe. Bɛyɛle adwene kyɛ bɛkakyi Sɔɔlo ahennie ne bewura Dawide sa, kyɛbɔ AWURADE hane ne ala.

1 Aberɛso Dwirɛ 12:28

Sadoke bɔ ɔte koɛhonɛniɛ aberandeɛ ne, ɔne safohene aburanyɔ ne nyɔ bɔ befi ye bɔbɔ ye abusua nu ɔ, bɛboka so.

2 Aberɛso Dwirɛ 11:10

Sora, Ayalɔn ne Hebron nwo waen. Bɛte nguro bɔ babɔ bɛ nwo waen wɔ Yuda ne Benyamin ɔ.

Numeri 13:22

Bɛfo bɛɛfale ngwaen dɔ aseɛ ne aso. Beedwuli Hebron, na berɛ yeɛ né Anake bosofoɛ Ahiman, Sesayi ɔne Talmae bɛte ɔ. (Bɛkyekyele Hebron ɔ, afoɛ nzoo koraka yeɛ bɛkyekye Soan bɔ ɔwɔ Misraim ne ɔ.)

Yosua 10:3

Yiti Yerusalem hene Adoni Sɛdɛke somane maa beesele Hebron hene Hoham, Yamute hene Piram, Lakise hene Yafia ɔne Eglon hene Dɛbi kyɛ,

Yosua 10:35

Belili so ngonim sɔ kyẽa ne, na bɛfale ngrandɛ behuhuni kuro berɛ ama mukoraati bɔkɔɔ sɔ kyẽa ne, kyɛbɔ ɔfa yɔle Lakisefoɛ ne ala.

Yosua 10:37

Belili so ngonim. Bɛfale ngrandɛ behuhuni nu mmenia ne nu hene, mbɔtam berɛ nguro nemɔ nu mmenia, na behuni nu mmenia amukoraa. Wanyakyi sona ko po; na kyɛbɔ ɔfa yɔle Eglon nen, sɔ ala yeɛ ɔsɛkyele Hebron bɔkɔɔ ɔ, na ohuhuni nu mmenia mukoraati.

Yosua 10:5

Na Amorifoɛ ahemvo nnu ne: Yerusalem hene, Hebron hene, Yamute hene, Lakise hene ɔne Eglon hene boaboale bɛ koɛhonɛfoɛ mukoraati noa, na bɛ ne koɛhonɛfoɛ ne amukoraa beetuale Gibeon kyɛ bɛ ne bɛ kwaaho.

Yosua 15:13

Kyɛbɔ AWURADE hyɛle Yosua nen, ɔfale Yuda abusua kure aseɛ ne bie mane Yefune awa Kalebo. Aseɛ ne ole Kiriate Aba, bɔ ye ole Hebron ne. (Né Aba te Anake baba).

Yosua 15:54

Humita, Kiriate Aba (bɔ ye ole Hebron), ɔne Siɔ. Nguro nemɔ te ngona, bɛ ne bɛ namue mɔ.

Yosua 21:13

Ɔsɔfo Aarɔn boso ama ne, bɛfale Hebron bɛmane bɛ. Ɔte mmenia bɔ bali awue nwo adwaabɔlɛ kuro, na ye nwo aseɛ bɔ nyɛmmoa didi so ɔ boka so. Besa bɛfale nguro hemɔ ne bɛ nwo aseɛ bɔ nyɛmmoa didi so ɔ bɛbokale bɛ so: Libina,

Maenbulɛfoɛ 1:10

Yuda ɔɔfale koɛ tetale Kanaanfoɛ bɔ bɛte Hebron ne (daa ne, né bɛfrɛ Hebron Kiriate Aba); na belili Sesayi, Ahiman ne Talmae so ngonim.

Maenbulɛfoɛ 1:20

Yisraelfoɛ fale Hebron bɛmane Kalebo, kyɛbɔ Mose hyɛle ne; na Kalebo tuli Anake mma mmienzua nza nemɔ fili berɛ.