Yosua 10:27 - AHYERƐLƐ KRONGRON

²⁷ Na eyia kwaatɔ ne, Yosua maa bɛyele bɛ befili mmakaa ne aso bɛwale ase, na beegyili bɛ beguale nyɔboɛ bɔ wasi sua bɔ bɛɛfeale nu ne anu. Bɛfale nyɔbotaen betuale nyɔboɛ bɔ wasi sua ne noa, na nyɔboɛ ne tɛ wɔ berɛ maa waadwu ɛnɛ.

Yosua 10:27 Iomraidhean Croise

2 Samuel 18:17

Bɛyele Absalom, befindini ye bɛtole ɛhɔayeɛ ne anu kumaa piri bie anu, na bɛboaboale nyɔboɛ kure kandinga paa beguale ye so. Na Yisrael koɛhonɛfoɛ amukoraa bɛnwati bɛhɔle b’awuro.

Yosua 4:9

(Afei Yosua koso fale nyɔboɛ buru ne nyɔ penapenane asue Yɔɔdan afia, nekaa bɔ asɔfo mɔ bɔ bɛsõ alaka ne gyinagyinane ne; na ɔbaadwu ɛnɛ ye, nyɔboɛ nemɔ tɛ wɔ berɛ).

Yosua 7:26

Na bɛboaboale nyɔboɛ kure kandinga beguale ye so, bɔ nyɔboɛ kure ne tɛ wɔ berɛ maa waadwu ɛnɛ ɔ. Na AWURADE mane ye ahone tɔle nzue nu. Yiti bɛfrɛ berɛ Akɔre bɔnza maa waadwu ɛnɛ.

Yosua 8:29

Na Aye hene de, osinzele ye bakaa so maa oodwuli nɔsoa. Na eyia tɔle ne, Yosua mane Yisraelfoɛ yele ye fuin ne befili bakaa ne aso, befindini ye bɛtole kuro berɛ pambim ne anyunu, na ɔmaa bɛboaboale nyɔboɛ kure kandinga beguale ye so, bɔ ɔtɛwɔ berɛ kekesaala ye ɔ.