Yosua 10:25 - AHYERƐLƐ KRONGRON

²⁵ Na Yosua sele safohene nemɔ kyɛ, “Nnɛma ɛmɔsuro, yeɛ nnɛmɔma ɛmɔ kunu tete ɛmɔ; ɛ́mɔgyina pindinn ná ɛmɔma ɛmɔ ahone yɛ se; ofikyɛ ɛmɔ pɔfoɛ amukoraati bɔ ɛmɔ ne bɛ kɔho ne, sɔ yeɛ AWURADE kɔfa kɔyɔ bɛ ɔ.”

Yosua 10:25 Iomraidhean Croise

Edwein 63:9

Nakoso bɛ bɔ bɛpena me kra beku ye ne, bɛkɔhɔ aseɛ bo dɔ kumaa nu’.

Edwein 77:11

Ngɔkaye AWURADE nnwumaa bɔ ɔyɔ ne; amba, ngɔkaye wɔ daa tete anwanwadeɛ nemɔ.

Romanfoɛ 8:37

Nakoso ɛhemɔ amukoraa nu ne, yɛfa bɔ okuro yɛ dwirɛ ne aso yɛdi ngonim mmorosoɛ.

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Deuteronomi 7:19

nzɔhwɛ mbiri mbiri bɔ ɛfale wɔ nye nwuni ye, nzɛngyerɛnneɛ, anwanwadeɛ, tumi piri ne tumi asaa bɔ AWURADE wɔ Nyameɛ fa yele wɔ fili berɛ ɔ. Na sɔ yeɛ AWURADE wɔ Nyameɛ kɔfa kɔyɔ mmenia bɔ esuro bɛ ne amukoraa ɔ.

Yosua 1:6

Gyina pindinn ná ma w’ahone yɛ se; ofikyɛ aseɛ bɔ ndale ye nwo ndaen ngyirele mmenia hemɔ bɛ nana mɔ kyɛ ngɔfa ngɔma bɛ nen, wɔ yeɛ ekoli mmenia ne nyunu maa bɛkɔɔfa bɛkɔyɛ bɛ deɛ ɔ.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 10:8

Na AWURADE sele Yosua kyɛ, “Nnɛsuro bɛ, ofikyɛ mafa bɛ mawura wɔ sa; na bɛ nu ko po ngɔhora ngogyina wɔ nyunu.”

1 Samuel 17:37

Na AWURADE bɔ olele me fili gyata sa nu, ɔne kwabrafo sa nu ne, okole me kofi sɔ Filistiniɛ he sa nu.” Yeɛ Sɔɔlo sele Dawide kyɛ, “Kɔ, na mesrɛ kyɛ AWURADE ogyina wɔ si!”