Yosua 10:20 - AHYERƐLƐ KRONGRON

²⁰ Yosua ne Yisraelfoɛ huhuni bɛ pasaa yiele nen, bɛ nu kãa bie yeɛ benyane bɛ ti bedidili nu ɔ, na bɛnwatili bɛhɔle nguro bɔ bato bɛ nwo fasue nemɔ anu bɛɛbɔle bɛ nwo adwaa.

Yosua 10:20 Iomraidhean Croise

2 Samuel 20:6

Yeɛ Dawide sele Abisae kyɛ, “Afei de, nikyee bɔ Bikri awa Hyeba kɔfa kɔyɛ yɛ ne, ɔkɔtra Absalom deɛ ne po. Yiti fa me koɛhonɛfoɛ nemɔ ná po ye so. Anyɔ a, ɔkɔɔfea nguro bɔ bato bɛ nwo fasue ne bie anu, bɔ yɛ sa ngɔhã ye ɔ.”

1 Ahemvo 20:21

Yisrael hene fitele fale koɛ ɔɔtoale mbɔngɔ nemɔ ne teaseɛnam nemɔ, na olili ngonim wɔ Siriafoɛ so huhuni bɛ pasaa.

2 Aberɛso Dwirɛ 13:17

Abiya ne ye koɛhonɛfoɛ nemɔ behuhuni bɛ pasaa, na Yisraelfoɛ bɔ bɛse koɛ ko paa ne, bɛ nu apee ɛyaa nnu totɔle.

Yeremia 4:5

Ɛ́mɔfa bɛ́to dwaa wɔ Yuda, ná ɛ́mɔbɔ ye dawure wɔ Yerusalem kyɛ, “Ɛ́mɔhu totorobɛndo bɛ́fa aseɛ ne aso; ɛ́mɔtea nu bɛhã kyɛ, ‘Ɛ́mɔboaboa ɛmɔ noa maa yɛhɔ nguro bɔ bato bɛ nwo fasue nemɔ aso!’

Yeremia 8:14

Yɛtɛ te berɛ yɛyɔ nzu? Ɛ́mɔboaboa ɛmɔ noa, ná ɛ́mɔma yɛhɔ nguro bɔ bato bɛ nwo fasue nemɔ anu yɛɛwuwu wɔ dɔ, ofikyɛ AWURADE yɛ Nyameɛ wanoma yɛ kyɛ yɛwuwu, na wama yɛ nzue bɔ ɛborɔ wɔ nu ɔ kyɛ yɛno, ofikyɛ yayɔ bɔne yatia AWURADE.

Deuteronomi 20:16

Nakoso maen maen hemɔ bɛ nguro bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ nen, nnɛma nu nikyee biala bɔ nwomeɛ wɔ ye nu onya ngoa.

Yosua 10:10

Na AWURADE mane bɛ nye so tanene bɛ wɔ Yisraelfoɛ nyunu. Yisraelfoɛ huhuni bɛ paa wɔ Gibeon, na bɛfoane bɛ maa bɛɛfale Bete Horon pambaa atee ne aso, na behuhuni bɛ alaa beedwuli Aseka ne Makeda.

Yosua 10:19

Nakoso ɛmɔ ngaa ne de, nnɛma ɛmɔgyina berɛ. Ɛ́mɔfoa ɛmɔ pɔfoɛ nemɔ, ná ɛ́mɔfite bɛ si béhuhu bɛ. Nnɛmɔma bɛnwati bɛkɔ bɛ nguro nemɔ anu, ofikyɛ AWURADE ɛmɔ Nyameɛ wafa bɛ wawura ɛmɔ sa.”

Yosua 10:21

Nakoso Yisraelfoɛ de, bɛ mukoraa besa bɛwale Yosua berɛ asomdwee nu wɔ asikyeleɛ ne anu wɔ Makeda. Na ebiala angora wamva ye dwirɛ wamma Yisraelfoɛ so.

Yosua 11:12

Yosua lili sɔ nguro ne amukoraa ne bɛ hene amukoraa so ngonim, na ɔfale ngrandɛ huhuni bɛ; ohuhuni bɛ bɔkɔɔ kyɛbɔ AWURADE somvoɛ Mose hyɛle ne.

Yosua 11:8

AWURADE fale bɛ wurale Yisrael sa. Behuhuni bɛ, na bɛfoane bɛ toonn beedwuli Sidon Piri ne Misrefote Maim nwo, ɔne Misepe bɔnza nu wɔ eyia afiteleɛ. Behuhuni bɛ toonn bɔ bɛ nu ko po anga ɔ.

Yosua 8:24

Yisraelfoɛ huhuni Ayefoɛ amukoraati wɔ ɛserɛ pralaa ne aso yiele. Berɛ yeɛ Ayefoɛ foane Yisraelfoɛ hɔle ɔ, na bɛ mukoraa bɛtotɔle ngrandɛ noa maa beyiele bɔkɔɔ nen, Yisraelfoɛ amukoraa sa wale Aye, na bɛfale ngrandɛ beehuhuni mmenia bɔ baha berɛ ne.