Yosua 10:13 - AHYERƐLƐ KRONGRON

¹³ Yiti eyia gyinane neka horɛ, na ɛsraen angɔ moa ko, kɔpem kyɛ Yisraelfoɛ tɔle bɛ pɔfoɛ mɔ so wereɛ ɔ. Sɔ dwirɛ he, aso bangyerɛ ye wɔ Yasa nwomaa ne anu? Eyia gyinane afia neka horɛ wɔ ewienu, na kɔyɛ kyẽa ko mumua, wambepere ye nwo kyɛ ɔkwaatɔ ɔ.

Yosua 10:13 Iomraidhean Croise

2 Samuel 1:18

Ɔhyɛle kyɛ edwein bɔ bɛfrɛ ye Agyaen nwo Dwein ne, behyire Yudafoɛ. Na bahyerɛ ye wɔ Yasa Nwomaa ne anu kyɛ,

2 Ahemvo 20:10

Na Hesekia buale kyɛ, “Kyɛ wawoɛ ɔkɔ ye nyunu agyirɛ buru de, ɔnyɛ se, yiti maa osa ye si agyirɛ buru.”

Ɛseta 8:13

Sɔ krataa ne mane Yudafoɛ ate kyɛ bɛkora bɛfa nu dwirɛ bɛhyɛ mmeraa wɔ manzini amukoraa nu, ɔne kyɛ bɛkora bɛbɔ ye nwo dawure bekyire maen maen amukoraa so mmenia. Osa ma Yudafoɛ ate kyɛ bɛboaboa bɛ nwo bɛtɔ bɛ pɔfoɛ mɔ so wereɛ sɔ kyẽa ne.

YOB NWOMAA NE 9:7

Ye bɔ ɔhyɛ eyia kyɛ nnɛmaa opukye a ombukye ɔ, ye bɔ omundu nzramaa mɔ nyunu mma bɛ nda ɔ.

Edwein 148:3

Eyia ne ɛsraen, ɛ́mɔye ye ayɛ; nzramaa mɔ bɔ bɛta amukoraa, ɛ́mɔye ye ayɛ!

Edwein 19:4

nakoso bɛ komvi dwu aseɛ ye aso nekaa biala, na bɛ dwirɛ fi aseɛ ti kɔka ye ti. Wasi ɛtena sua wama eyia wɔ nyameɛso,

Yesaya 24:23

Na afei ɛsraen kɔfɛre, yeɛ eyia nyunu kogua ase, ofikyɛ Asafo AWURADE koli hene wɔ Sion bokaa ne aso ne Yerusalem, na ɔkɔye ye animnyam ali wɔ ye mbanyi mɔ nyunu.

Yesaya 38:8

Tie, eyia bɔ ɔkwaatɔ ne, wawoɛ bɔ wamaa waatɔ Ahase atweleɛ ne aso ne, ngɔmaa okosa ye si mmerɛ nu ngyɛmuɛ buru.” Yiti wawoɛ ne sale ye si mmerɛ nu ngyɛmuɛ buru bɔ né watra ɔkwaatɔ ɔ.

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 3:15

Eyia ne ɛsraen bakakyi awosii, ná nzramaa nemɔ bayakyi talɛ.

Habakuku 3:11

Eyia ne ɛsraen begyinagyinane seinn wɔ b’atenaleɛ, mmerɛ bɔ w’agyaen nemɔ bɛ nwo tete yerɛmyerɛm bɛkɔ, bɔ wɔ pealɛɛ nwo hyɛmhyɛm ne ɔ́ta hyireinn ɔ.

Numeri 21:14

Yiti yeɛ baha ye wɔ AWURADE Koɛ Nwo Nwomaa ne anu kyɛ, “Wahebo bɔ ɔwɔ Sufa ɔne bɔnza nemɔ anu. Asue Anɔn

Numeri 31:2

“Tɔ Midianfoɛ so wereɛ ma Yisraelfoɛ; na ɛhe asi ye, ɛkɔtoa wɔ mbanyi mɔ.”

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Luka 18:7

Na bɛ bɔ Nyameɛ aneanea nu waye bɛ, bɔ besu bɛfrɛ ye eyia ne kɔngɔen ne, sɛ ɔto ye bo ase ɔkyɛ kãa wɔ bɛ nwo a, aso ongoli bɛ dwirɛ ngɔma bɛ anaa?

Asomafoɛ 2:20

Eyia kɔkakyi awosii, na ɛsraen kɔyɛ kyɛ mogya koraka ná Awurade animnyam kyẽa piri ne awa.

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Yosua 10:14

Ofikyɛ AWURADE ho mane Yisraelfoɛ. Kyẽa bɔ ɔte sɔ de, né ebie ɔwwale le, yeɛ ofi sɔ kyẽa ne koso, sɔ kyẽa ne bie amma le, bɔ yeɛ AWURADE tiele kuro sona sufrɛ sɔa ɔ.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Maenbulɛfoɛ 16:28

Yeɛ Samson sũ frɛle AWURADE kyɛ, “AWURADE Nyameɛ, kaye me ná ma me anwoserɛ sɔ mmerɛ ye ala angome, O Nyameɛ; na mandɔ Filistifoɛ so wereɛ ɔnate me nye nyɔ bɔ batutu ne ati.”

Maenbulɛfoɛ 5:2

“Sɛ Yisrael nu koɛhonɛfoɛ di ye nyunu a, sɛ mmenia ne tu bɛ nwo sie berɛ a, ɛ́mɔye AWURADE ayɛ!