Yosua 1:9 - AHYERƐLƐ KRONGRON

⁹ Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 1:9 Iomraidhean Croise

Gyenesise 28:15

Nea, ngyi wɔ si na ngɔbɔ wɔ nwo waen nekaa biala bɔ ɛkɔhɔ ɔ, na ngosa ngɔfa wɔ ngɔwa aseɛ ye aso. Ofikyɛ mengɔyakyi wɔ nu kɔpem kyɛ ngɔyɔ bɔ mafa mahyɛ wɔ bɔ ne amu ɔ.”

Gyenesise 39:2

Na AWURADE gyinane Yosef si, maa ɔɔyɛle sona bɔ ye nwo ba mvorɛ ɔ, na ɔtenane ye mene Misraimniɛ n’awuro.

Gyenesise 39:3

Na ye mene nwuni kyɛ AWURADE gyi ye si, na AWURADE sá ma nikyee biala bɔ ɔyɔ yɛ yee.

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

2 Aberɛso Dwirɛ 15:7

Nakoso ɛmɔ de, ɛ́mɔgyina pindinn. Nnɛma ɛmɔ abasa nu dwo, ofikyɛ ɛmɔkonya ɛmɔ adwuma nwo akatuaa.”

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 43:1

Na afei, O Yakob, AWURADE bɔ ɔbɔle wɔ, O Yisrael, ye bɔ ɔnwone wɔ ne, ɔnwa nyoo: “Nnɛsuro, ofikyɛ maapɔ wɔ male wɔ, mabɔ wɔ dumaa mafrɛ wɔ, ɛte me deɛ.

Yesaya 43:5

Nnɛsuro, ofikyɛ me ne wɔ yeɛ yɛwɔ berɛ ɔ; ngɔfa wɔ bosofoɛ ngofi eyia afiteleɛ ngɔwa, yeɛ ngɔboaboa wɔ noa ngofi eyia atɔleɛ.

Yesaya 8:12

“Nikyee biala bɔ maen he frɛ ye ‘bɛ ti so porɛbɔlɛ’ nen, nnɛma ɛmɔfrɛ ye sɔ bie; yeɛ bɔ besuro ne koso, nnɛma ɛmɔsuro bie, yeɛ nnɛma ɛmɔsuro.

Daniel 10:19

Na osele me kyɛ, “O, wɔ bɔ Nyameɛ kuro wɔ dwirɛ paa ɔ, nnɛsuro, asomdwee hã wɔ, gyina pindinn, ná ma w’ahone yɛ se.” Na odwudwo hyirele me nen, me nwo yɛle me se, na ngane kyɛ, “Me mene, dwudwo, ofikyɛ ama me nwo ayɛ me se.”

Hagae 2:4

Nakoso afei de, Serubabɛl, si wɔ hue, AWURADE noa dwirɛ ɛne; Yehosadake awa ɔsɔfo panyi Yosua, si wɔ hue; yeɛ aseɛ ne aso ama mukoraa, ɛ́mɔsi ɛmɔ hue, AWURADE noa dwirɛ ɛne. Ɛ́mɔyɔ adwuma ne, ofikyɛ ngyi ɛmɔ si, Asafo AWURADE noa dwirɛ ɛne.

Hagae 2:5

Na kyɛbɔ me ne ɛmɔ yɛyɛle apam wɔ mmerɛ bɔ ɛmɔfili Misraim bɛwale ne, sɔ ala yeɛ me Sunzum te ɛmɔ nu ɔ, yiti nnɛma ɛmɔsuro.

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Deuteronomi 1:21

Tie, AWURADE wɔ Nyameɛ afa aseɛ ne wama wɔ. Kɔ ná kɔfa tena so, kyɛbɔ AWURADE wɔ nana mɔ Nyameɛ wahyɛ wɔ bɔ ne. Nnɛsuro, yeɛ nnɛma wɔ kunu tete wɔ.

Deuteronomi 20:1

“Sɛ ɛne wɔ pɔfoɛ mɔ bɛkwaaho koɛ, ná sɛ enwu mbɔngɔ mɔ ne teaseɛnam mɔ, ɔne ɛlɔen bɔ bɛsone bɛtra wɔ a, nnɛsuro bɛ; ofikyɛ AWURADE wɔ Nyameɛ bɔ ɔyele wɔ fili Misraim aseɛ so wale ne, ogyi wɔ si.

Deuteronomi 31:23

Afei AWURADE fale ye adwuma wurale Nun awa Yosua sa kyɛ, “Gyina pindinn, ná ma w’ahone yɛ se; ofikyɛ aseɛ bɔ ndale ndaen kyɛ ngɔfa ngɔma Yisraelfoɛ ne, wɔ yeɛ ɛkɔfa bɛ kɔhɔ so ɔ, na ngogyina wɔ si.

Deuteronomi 31:28

Ɛ́mɔma ɛmɔ abusua kure mbanyi mukoraati ne mbanyi mɔ bɛɛbɔ dwaa wɔ me nwo wa, ná nga edwirɛ he amukoraa ma bɛte, ná mvrɛ anwuro ne aseɛ ma beli adanzeɛ betia bɛ.

Yosua 1:10

Afei Yosua hyɛle maen mbanyi nemɔ kyɛ,

Yosua 1:17

Na kyɛbɔ yɛtiele Mose dwirɛ fale nikyee biala nwo nen, sɔ ala yeɛ yɛkotie wɔ dwirɛ ɔ. Yɛsrɛ kyɛ, AWURADE wɔ Nyameɛ oli wɔ si, kyɛbɔ olili Mose si nen.

Yosua 1:18

Na sona biala bɔ okohwi kɔfa wɔ dwirɛ so, ná wandie wɔ dwirɛ anaa wɔ nhyehyɛleɛ biala nen, ɔsɛ kyɛ beku ye. Wɔ de, gyina pindinn ná ma w’ahone yɛ se.”

Yosua 10:25

Na Yosua sele safohene nemɔ kyɛ, “Nnɛma ɛmɔsuro, yeɛ nnɛmɔma ɛmɔ kunu tete ɛmɔ; ɛ́mɔgyina pindinn ná ɛmɔma ɛmɔ ahone yɛ se; ofikyɛ ɛmɔ pɔfoɛ amukoraati bɔ ɛmɔ ne bɛ kɔho ne, sɔ yeɛ AWURADE kɔfa kɔyɔ bɛ ɔ.”

Yosua 10:8

Na AWURADE sele Yosua kyɛ, “Nnɛsuro bɛ, ofikyɛ mafa bɛ mawura wɔ sa; na bɛ nu ko po ngɔhora ngogyina wɔ nyunu.”

Yosua 3:7

AWURADE sele Yosua kyɛ, “Ɛnɛ kyẽa ye, ngɔhyɛ ye bo ngɔyɛ wɔ sona bɔ odi mu wɔ Yisraelfoɛ mukoraati bɛ nyunu, amaa ɔnate so banwu ye kyɛ, kyɛbɔ ngyinane Mose si nen, sɔ ala yeɛ ngogyina wɔ si ɔ.

Yosua 6:27

Yiti AWURADE gyinane Yosua si, na bɛtele ye nga wɔ aseɛ ne aso nekaa biala.

Yosua 8:1

Afei AWURADE sele Yosua kyɛ, “Nnɛsuro, yeɛ nnɛma wɔ kunu tete wɔ. Fa koɛhonɛfoɛ ne amukoraati boka wɔ nwo so, na fo kɔ Aye. Tie, mafa Aye hene ne ye mmenia, ye kuro ne, ɔne ye aseɛ mawura wɔ sa.

Maenbulɛfoɛ 6:14

Na AWURADE pɛle ye nye neane ye sele kyɛ, “Anwoserɛ bɔ ele ye ne, fa kɔ kole Yisraelfoɛ fi Midian sa nu. Me yeɛ masoma wɔ ɔ.”

1 Samuel 10:7

Na sɛ sɔ nningyein hemɔ ba nu ma wɔ a, yɔ nikyee biala bɔ ekuro ɔ, ofikyɛ Nyameɛ gyi wɔ si.