Yosua 1:6 - AHYERƐLƐ KRONGRON

⁶ Gyina pindinn ná ma w’ahone yɛ se; ofikyɛ aseɛ bɔ ndale ye nwo ndaen ngyirele mmenia hemɔ bɛ nana mɔ kyɛ ngɔfa ngɔma bɛ nen, wɔ yeɛ ekoli mmenia ne nyunu maa bɛkɔɔfa bɛkɔyɛ bɛ deɛ ɔ.

Yosua 1:6 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

2 Samuel 10:12

Gyina pindinn. Na ɔnate yɛ maen, ɔne yɛ Nyameɛ nguro nemɔ ati, maa yɛhyire yɛ bienzua. Mesrɛ kyɛ AWURADE ɔyɔ bɔ okuro ɔ.”

1 Ahemvo 2:2

“Wahã kãa né mafi aseɛ ye aso maatoa me mbanyi mɔ. Gyina pindinn, ma wɔ hue yɛ se,

1 Aberɛso Dwirɛ 22:13

AWURADE ahyɛdeɛ ne nhyehyɛleɛ bɔ ɔnate Mose so fa mane Yisrael ne, sɛ ɛnea ná edi so a, okoyie wɔ yé. Gyina pindinn ná ma wɔ hue yɛ se. Nnɛsuro, yeɛ nnɛma wɔ kunu tete wɔ.

1 Aberɛso Dwirɛ 28:10

Nea yé, ofikyɛ AWURADE awuro bɔ ɔte nekaa krongron ne, wɔ yeɛ waneanea nu waye wɔ kyɛ esi ɔ. Gyina pindinn ná yɔ adwuma ne.”

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

2 Aberɛso Dwirɛ 15:7

Nakoso ɛmɔ de, ɛ́mɔgyina pindinn. Nnɛma ɛmɔ abasa nu dwo, ofikyɛ ɛmɔkonya ɛmɔ adwuma nwo akatuaa.”

2 Aberɛso Dwirɛ 20:11

bɔ bɛfa betua yɛ kerɛ ole kyɛ bɛbaafoa yɛ befi w’aseɛ bɔ afa ama yɛ kyɛ yɛfa yɛyɛ y’agyapadeɛ ne aso.

2 Aberɛso Dwirɛ 20:7

Yɛ Nyameɛ, aso nna wɔ yeɛ ɛfoane mmenia bɔ né bɛte aseɛ ye aso fili wɔ maen Yisrael nyunu, ná ɛfa mane wɔ damvo Abraham ye boso ama afebɔɔ ɔ?

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Daniel 10:19

Na osele me kyɛ, “O, wɔ bɔ Nyameɛ kuro wɔ dwirɛ paa ɔ, nnɛsuro, asomdwee hã wɔ, gyina pindinn, ná ma w’ahone yɛ se.” Na odwudwo hyirele me nen, me nwo yɛle me se, na ngane kyɛ, “Me mene, dwudwo, ofikyɛ ama me nwo ayɛ me se.”

Hagae 2:4

Nakoso afei de, Serubabɛl, si wɔ hue, AWURADE noa dwirɛ ɛne; Yehosadake awa ɔsɔfo panyi Yosua, si wɔ hue; yeɛ aseɛ ne aso ama mukoraa, ɛ́mɔsi ɛmɔ hue, AWURADE noa dwirɛ ɛne. Ɛ́mɔyɔ adwuma ne, ofikyɛ ngyi ɛmɔ si, Asafo AWURADE noa dwirɛ ɛne.

Sakaria 8:9

Asafo AWURADE nwa nyoo, “Ɛ́mɔmia ɛmɔ nye, amaa ɔnate so ɛmɔasi asɔneyɛɛ sua ne, ɛmɔ bɔ sɔ mmerɛ ye anu ɛmɔate edwirɛ hemɔ bafi ngɔmhyɛlɛfoɛ nemɔ bɛ noa ne, ngɔmhyɛlɛfoɛ bɔ né bɛwɔ berɛ ofi kyẽa bɔ bɛtole Asafo AWURADE awuro ne fapem nen.

Numeri 26:53

“Ɛhemɔ yeɛ odi kyɛ ɛkyɛ aseɛ ne ma bɛ ɔ, kyɛbɔ bɛ mmenia bɔ baha bɛ ne somaa te ɔ, maa ɔyɛ b’agyapadeɛ.

Numeri 33:53

ná ɛ́mɔfa aseɛ ne bɛtena so, ofikyɛ mafa aseɛ ne mama ɛmɔ kyɛ ɛmɔfa.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Deuteronomi 1:21

Tie, AWURADE wɔ Nyameɛ afa aseɛ ne wama wɔ. Kɔ ná kɔfa tena so, kyɛbɔ AWURADE wɔ nana mɔ Nyameɛ wahyɛ wɔ bɔ ne. Nnɛsuro, yeɛ nnɛma wɔ kunu tete wɔ.

Deuteronomi 1:8

Tie! Aseɛ bɔ maye masie berɛ mama ɛmɔ ne yeɛ ɔla ɛmɔ nyunu dɔ ne. Yiti ɛmɔhɔ bɛɛfa aseɛ bɔ me bɔbɔ AWURADE ndale ndaen ngyirele ɛmɔ nana mɔ Abraham, Yisake ne Yakob kyɛ ngɔfa ngɔma bɛ ne bɛ bosofoɛ bɔ bɛkɔwa nziɛ ye ne.’

Deuteronomi 11:8

“Yiti mmeraa dwirɛ bɔ méhyɛ méma ɛmɔ ɛnɛ ye, ɛ́mɔli ye mukoraati so, amaa ɔnate so ɛmɔanya anwoserɛ baafa aseɛ bɔ ɛmɔkwaapɛ asue Yɔɔdan bɛfa ne,

Deuteronomi 31:23

Afei AWURADE fale ye adwuma wurale Nun awa Yosua sa kyɛ, “Gyina pindinn, ná ma w’ahone yɛ se; ofikyɛ aseɛ bɔ ndale ndaen kyɛ ngɔfa ngɔma Yisraelfoɛ ne, wɔ yeɛ ɛkɔfa bɛ kɔhɔ so ɔ, na ngogyina wɔ si.

2 Timoteo 2:1

Yiti mma, ma wɔ nwo yɛ se wɔ adom bɔ ɔwɔ Kristo Yesu nu ne anu.

Yosua 1:18

Na sona biala bɔ okohwi kɔfa wɔ dwirɛ so, ná wandie wɔ dwirɛ anaa wɔ nhyehyɛleɛ biala nen, ɔsɛ kyɛ beku ye. Wɔ de, gyina pindinn ná ma w’ahone yɛ se.”

Yosua 1:7

Wɔ de, gyina pindinn ná ma w’ahone yɛ se paa; ná nea kyɛ mmeraa mukoraati bɔ me somvoɛ Mose hyehyɛ mane wɔ ne ekoli so ɔ. Nnɛdi ye nwo makyebu kɔ famaa anaa bɛen, amaa ɔnate so wayie wɔ yé wɔ nekaa biala bɔ ɛkɔhɔ ɔ.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 10:25

Na Yosua sele safohene nemɔ kyɛ, “Nnɛma ɛmɔsuro, yeɛ nnɛmɔma ɛmɔ kunu tete ɛmɔ; ɛ́mɔgyina pindinn ná ɛmɔma ɛmɔ ahone yɛ se; ofikyɛ ɛmɔ pɔfoɛ amukoraati bɔ ɛmɔ ne bɛ kɔho ne, sɔ yeɛ AWURADE kɔfa kɔyɔ bɛ ɔ.”

Yosua 13:6

Na Sidonfoɛ amukoraa bɔ bɛtete mmokaa aseɛ ne aso, fite Lebanon bɔ ɔkwaadwu Misrefote Maim ne, me bɔbɔ yeɛ ngɔfoa bɛ ngofi Yisraelfoɛ nyunu ɔ. Na wɔ de, kyekyɛ aseɛ ne ma Yisraelfoɛ maa ɔyɛ b’agyapadeɛ, kyɛbɔ mahyɛ wɔ kyɛ ɛyɔ ne ala.

Yosua 18:3

Yiti Yosua sele Yisraelfoɛ kyɛ, “Aseɛ bɔ AWURADE ɛmɔ nana mɔ Nyameɛ wafa wama ɛmɔ ne, kyinzu koraa yeɛ ɛmɔtwetwe ɛmɔ gya ase maa okoodwu koraka né ɛmɔaafa ɔ?

Yosua 21:43

Yiti aseɛ bɔ AWURADE tale ye nwo ndaen hyirele Yisraelfoɛ bɛ nana mɔ kyɛ ɔkɔfa kɔma bɛ ne, ɔfale ye mukoraa mane bɛ; na bɛfale aseɛ ne bɛtenane so.

Yosua 5:6

Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.

1 Samuel 4:9

Filistifoɛ, ɛ́mɔma yɛ ahone yɛ se, ná yɛhyire kyɛ yɛte mmienzua, ná yanyɛ Hebrifoɛ nganga, kyɛbɔ bɛte yɛ nganga ye. Ɛ́mɔma yɛhyire kyɛ yɛte mmienzua ná yɛho.”