Yosua 1:4 - AHYERƐLƐ KRONGRON

⁴ Ɛmɔ aseɛ ne fite ɛserɛ ne aso ɔne Lebanon he, toonn bɔ ɔkwaadwu asue piri Yufreti ɔne Hitifoɛ aseɛ mukoraati bɔ ɔkwaadwu Ɛpo Piri ne wɔ eyia atɔleɛ bue nu dɔ.

Yosua 1:4 Iomraidhean Croise

1 Ahemvo 10:29

Teaseɛnam ko biala bɔ bɛhera befili Misraim ne, ye nyɔboɛ te ɛdwetɛ sekel ɛyaa nzia, yeɛ pɔngɔ ko biala koso te ɛdwetɛ sekel ɛyaa ko aburannu. Yiti Nana Solomon dwadifoɛ nemɔ, né bɛfa bie bɛkɔma Hiti ahemvo ne Siria ahemvo maa bɛtɔ.

1 Ahemvo 4:21

Né Solomon di hene wɔ ahennie amukoraa so, fi asue Yufreti kɔka Filistifoɛ aseɛ noa, maa ɔkɔ alaa kodwu Misraim wɛen so. Betuale toɔ bɛmane Solomon, na bɛsole ye mmerɛ bɔ ɔte ase amukoraa.

1 Aberɛso Dwirɛ 18:3

Soba hene Hadadesa koso, Dawide fale koɛ ɔɔtoale ye lili ye so ngonim alaa oodwuli Hamate, wɔ mmerɛ bɔ né ɔkwaaho trɛ ye ahennie ne anu wɔ asue Yufreti noa ɔ.

1 Aberɛso Dwirɛ 5:9

Na ɔnate kyɛ né bɛ nyɛmmoa nemɔ bata pee wɔ Gileade aseɛ so ne ati, bɛtenane eyia afiteleɛ so alaa beedwuli ɛserɛ bɔ ɔla asue Yufreti nwo ne, ye noa.

Ɛsra 4:20

Ahemvo atitire lili Yerusalem so, bɔ b’ahennie ne ɔtrɛ hɔle asue Yufreti si dɔ mbɔtam ne aso amukoraa ɔ. Na mmenia tuale ɛtoɔ, ndɔ, ɔne aseɛ nwo toɔ bɛmane ahemvo nemɔ.

Ɛksadɔso 23:31

Ngɔto wɔ wɛen ngofi Ɛpo Kɔkorɛ noa maa okoodwu Filistifoɛ mboanoa, fi ɛserɛ so kodwu asue Yufreti noa. Ofikyɛ ngɔmaa ɛmɔkoli aseɛ ne asofoɛ so ngonim, ná afoa bɛ afi wɔ nyunu.

Deuteronomi 1:7

Ɛ́mɔtu ɛmɔ bo bɛ́toa ɛmɔ ateetulɛ ne aso, ná ɛmɔhɔ Amorifoɛ mmokaa aseɛ ne aso dɔ, ɔne mbɔtam berɛ mɔ: mekyire Araba ne anu, mmokaa aseɛ ne aso, ɔne kongonyi nemɔ anu, ngwaen dɔ aseɛ ne aso, mboanoa, Kanaanfoɛ aseɛ so ne Lebanon alaa bɔ ɔkwaadwu asue piri Yufreti noa ne.

Deuteronomi 11:24

Nekaa biala bɔ ɛmɔ gya kotia ne, ɔkɔyɛ ɛmɔ deɛ: ɛmɔ aseɛ kɔtrɛ kofi ɛserɛ so kɔɔhã Lebanon, fite asue Yufreti kɔɔhã eyia atɔleɛ ɛpo ne.

Deuteronomi 3:25

Mesrɛ wɔ ala, maa mbɛ asue Yɔɔdan ngɔ ye si dɔ ngɔnea aseɛ paa bɔ ɔla dɔ ne: sɔ mmokaa aseɛ nyemenenyemene ne, ɔne Lebanon.’

Nyekyire 9:14

ná ɔkã kyire abɔfo bɔ ɔtɔ so nzia bɔ otira totorobɛndo ne kyɛ, “Sangye abɔfo nna bɔ bakyekye bɛ wɔ asue piri Yufreti noa ne.”