Yosua 1:2 - AHYERƐLƐ KRONGRON

² “Me somvoɛ Mose wawu. Yiti boaboa wɔ nwo kɔpɛ asue Yɔɔdan, ɛne Yisraelfoɛ hemɔ amukoraati, ná ɛmɔhɔ aseɛ bɔ méfa méma bɛ ne aso.

Yosua 1:2 Iomraidhean Croise

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

Nehemia 9:23

Ɛmane bɛ boso ama bɛtale kyɛ ewienu nzramaa, na aseɛ bɔ ɛhã hyirele bɛ nana mɔ kyɛ bɛɛfa bɛyɛ bɛ deɛ ne, ɛfale bɛ wale so.

YOB NWOMAA NE 1:8

Yeɛ AWURADE bisale Satan kyɛ, “Aso asusu m’akoaa Yob nwo? Kyɛ sona biala nne berɛ bɔ ɔte kyɛ ye ɔ wɔ aseɛ so; kyɛ ɔte sona bɔ ye bra te sannwuu, ná ɔtengyɛ ɔ; kyɛ osuro Nyameɛ, na ɔtwe ye nwo fi bɔne nwo ɔ?”

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Numeri 12:7

Nakoso Mose deɛ de, ɔtte sɔ; me maen amukoraati wura ye sa.

Deuteronomi 3:28

Nakoso fa w’adwuma ne wura Yosua sa, kanyane ye ná hyɛ ye nguraen, ofikyɛ ye yeɛ okotua mmenia hemɔ noa maa bɛkɔpɛ asue ne ɔ, na ye yeɛ ɔkɔma bɛ sa kɔha aseɛ bɔ ekonwu ye ne ɔ.’

Deuteronomi 31:7

Afei Mose frɛle Yosua, na osele ye wɔ Yisraelfoɛ amukoraati bɛ nyunu berɛ kyɛ, “Gyina pindinn, ná ma w’ahone yɛ se, ofikyɛ aseɛ bɔ AWURADE ata ye nwo ndaen wahyire mmenia hemɔ bɛ nana mɔ kyɛ ɔkɔfa kɔma bɛ ne, wɔ yeɛ ɛkɔfa bɛ kɔhɔ so ɔ, na wɔ yeɛ ɛkɔhyɛ kɔma bɛ ɔ.

Deuteronomi 34:5

Afei AWURADE somvoɛ Mose wuli dɔ wɔ Moabo aseɛ so, kyɛbɔ AWURADE noa dwirɛ te ne.

Yosua 1:1

AWURADE somvoɛ Mose wue asi ne, AWURADE ha hyirele Nun awa Yosua, bɔ ɔte Mose bokafoɛ ne kyɛ,

Yosua 1:11

“Ɛ́mɔhyinihyini asikyeleɛ ne anu, ná ɛ́mɔfa ahyɛdeɛ he bɛ́ma mmenia ne kyɛ, ‘Ɛ́mɔboaboa ɛmɔ nwo bɛ́pena aleɛ bésie, ofikyɛ waha ɛlɛsa né ɛmɔkwaapɛ asue Yɔɔdan bɛkɔfa aseɛ bɔ AWURADE ɛmɔ Nyameɛ ɔ́fa ma ɛmɔ maa ɔyɛ ɛmɔ deɛ ne.’ ”