Yosua 1:17 - AHYERƐLƐ KRONGRON

¹⁷ Na kyɛbɔ yɛtiele Mose dwirɛ fale nikyee biala nwo nen, sɔ ala yeɛ yɛkotie wɔ dwirɛ ɔ. Yɛsrɛ kyɛ, AWURADE wɔ Nyameɛ oli wɔ si, kyɛbɔ olili Mose si nen.

Yosua 1:17 Iomraidhean Croise

2 Samuel 14:17

Nana, me mene, w’afaneɛ susuli kyɛ, ‘Wɔ noa dwirɛ kɔma me soa nu kɔtɔ me.’ Ofikyɛ Nana, me mene, ɛte kyɛ Nyameɛ abɔfo, na ɛse paa ne bɔne nu nzonzoleɛ. AWURADE wɔ Nyameɛ ne, ogyina wɔ si.”

1 Ahemvo 1:37

Nana, me mene, kyɛbɔ AWURADE gyinane wɔ si ne, sɔ ala yeɛ ogyina Solomon si ɔ. Nana, me mene Dawide, mesrɛ kyɛ Nyameɛ ma Solomon ahennie ɔhɔ so ɔtra wɔ deɛ ne.”

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

Edwein 20:1

Mesrɛ kyɛ AWURADE otie wɔ sufrɛ wɔ amaneɛnwunɛ mmerɛ nu! Yakob Nyameɛ ne, ye dumaa ɔ́bɔ wɔ nwo waen!

Edwein 20:4

Ɔ́ma wɔ sa hã bɔ w’ahone nu ɛpena ɔ, ná ɔ́ma wɔ nzusuleɛ amukoraa ɔ́yɛ berɛ.

Edwein 20:9

Ao, AWURADE, pepɛ de ɛhene ne, na sɛ yɛsu yɛfrɛ wɔ a, tie yɛ.

Numeri 27:18

Na AWURADE buale Mose kyɛ, “Ye Nun awa Yosua, bɔ sunzum ne akanyane ye ne, ná fa wɔ sa gua ye so.

Numeri 27:20

Fa wɔ tumi ne bie wura ye sa, amaa ɔnate so Yisraelfoɛ amukoraa bayɛ sotie bama ye.

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Deuteronomi 34:9

Na nworɛ sunzum yili Nun awa Yosua ti anu tɛkyɛɛ, ofikyɛ né Mose afa ye sa wagua ye so; Yisraelfoɛ tiele Yosua dwirɛ, na belili nhyehyɛleɛ bɔ AWURADE fa mane Mose ne aso.

Yosua 1:16

Na bebuale ye kyɛ, “Ahyɛdeɛ bɔ ahyɛ ama yɛ ne amukoraa, yɛkɔyɔ, yeɛ nekaa biala bɔ ɛkɔha kyɛ yɛhɔ ne, yɛkɔhɔ.

Yosua 1:18

Na sona biala bɔ okohwi kɔfa wɔ dwirɛ so, ná wandie wɔ dwirɛ anaa wɔ nhyehyɛleɛ biala nen, ɔsɛ kyɛ beku ye. Wɔ de, gyina pindinn ná ma w’ahone yɛ se.”

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 4:14

Sɔ kyẽa ne, AWURADE yɛle Yosua sona bɔ odi mu wɔ Yisraelfoɛ amukoraa bɛ nyunu, na bebuli ye wɔ mmerɛ amukoraa bɔ né ɔte ngoa nu ɔ, kyɛbɔ bebuli Mose nen.

1 Samuel 17:37

Na AWURADE bɔ olele me fili gyata sa nu, ɔne kwabrafo sa nu ne, okole me kofi sɔ Filistiniɛ he sa nu.” Yeɛ Sɔɔlo sele Dawide kyɛ, “Kɔ, na mesrɛ kyɛ AWURADE ogyina wɔ si!”

1 Samuel 20:13

Nakoso sɛ me baba anya adwene kyɛ okoli wɔ awue, ná sɛ manna ye ali mangyire wɔ ma angɔ asomdwee nu a, ye de AWURADE otua me Yonatan so kerɛ piri paa. Mesrɛ kyɛ AWURADE ogyina wɔ si, kyɛbɔ ogyi me baba si ne.