Yosua 1:15 - AHYERƐLƐ KRONGRON

¹⁵ kɔpem kyɛ AWURADE kɔbɔ ɛmɔ aliɛma nemɔ atenaseɛ asomdwee nu, kyɛbɔ wayɔ wama ɛmɔ ne, kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ ne ɔ. Ɛhe asi ne, né ɛmɔasa bawa baafa ɛmɔ bɔbɔ b’aseɛ deɛ ne, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si, wɔ eyia afiteleɛ bue nu dɔ ne.”

Yosua 1:15 Iomraidhean Croise

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

1 Korintofoɛ 13:5

Ɔdɔ mma ye nye ndra ye ndo nwiaa, ɔtte pɛsɛmangomenya, ɔmvɛ yaa mbaen mbaen, yeɛ ɔmva bɔne nzie ye ti anu.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Deuteronomi 3:18

“Sɔ mmerɛ ne, nhyɛle ɛmɔ kyɛ, ‘Ɔwɔ nu kyɛ AWURADE ɛmɔ Nyameɛ afa aseɛ he wama ɛmɔ kyɛ ɛmɔfa bɛtena so de, nakoso ɔsɛ kyɛ ɛmɔ koɛhonɛfoɛ ne amukoraa bɛfa akodeɛ bɛse bedi ɛmɔ aliɛma mɔ Yisraelfoɛ nyunu.

Deuteronomi 3:20

kɔpem kyɛ AWURADE kɔma ɛmɔ aliɛma mɔ konya nekaa kole bɛ nwome, kyɛbɔ wayɔ wama ɛmɔ ne; kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ wɔ asue Yɔɔdan si dɔ ne ɔ. Na ɛhe asi ne, ebiala kɔhora kosa kɔɔfa ye aseɛ bɔ mafa mama ɛmɔ ne.’

Deuteronomi 9:1

“Yisrael, tie! Ɛnɛ kyẽa ye, maen maen bɔ bɛ mbiri ne b’anwoserɛ tra wɔ ɔ, ɛkwaapɛ asue Yɔɔdan ekode b’aseɛ, ɔne bɛ nguro mbiri bɔ bato bɛ nwo fasue bahɔ ewienu ɔ;

Filipifoɛ 2:4

Nnɛma ɛmɔ nu biala pena ye ngome ye deɛ, na mmom ɔsɛ kyɛ ɔma ye mmango deɛ koso hia ye.

Yosua 1:1

AWURADE somvoɛ Mose wue asi ne, AWURADE ha hyirele Nun awa Yosua, bɔ ɔte Mose bokafoɛ ne kyɛ,

Yosua 1:14

Ɛmɔ aye mɔ, ɛmɔ mma mɔ, ɔne ɛmɔ nyɛmmoa kɔha asue Yɔɔdan si aseɛ bɔ Mose fa mane ɛmɔ ne aso. Nakoso ɛmɔ nu koɛhonɛfoɛ ne amukoraa de, ɔsɛ kyɛ bɛfa b’akodeɛ bɛpɛ asue ne bedi ɛmɔ aliɛma nemɔ anyunu moa, ná bɛboka bɛ,

Yosua 1:16

Na bebuale ye kyɛ, “Ahyɛdeɛ bɔ ahyɛ ama yɛ ne amukoraa, yɛkɔyɔ, yeɛ nekaa biala bɔ ɛkɔha kyɛ yɛhɔ ne, yɛkɔhɔ.

Yosua 22:1

Afei Yosua tole ye sa frɛle Rubenfoɛ, Gadefoɛ ne Manase abusua kure ne bue maa beyiale,