Yosua 1:14 - AHYERƐLƐ KRONGRON

¹⁴ Ɛmɔ aye mɔ, ɛmɔ mma mɔ, ɔne ɛmɔ nyɛmmoa kɔha asue Yɔɔdan si aseɛ bɔ Mose fa mane ɛmɔ ne aso. Nakoso ɛmɔ nu koɛhonɛfoɛ ne amukoraa de, ɔsɛ kyɛ bɛfa b’akodeɛ bɛpɛ asue ne bedi ɛmɔ aliɛma nemɔ anyunu moa, ná bɛboka bɛ,

Yosua 1:14 Iomraidhean Croise

Ɛksadɔso 13:18

Yiti ɛserɛ so atee bɔ ɔkɔ Ɛpo Kɔkorɛ nwo ne, Nyameɛ mane mmenia ne makye fale so. Na Yisraelfoɛ tu fili Misraim aseɛ so bɛhɔle kyɛ mmenia bɔ bɛ́kɔ koɛ ɔ.

Numeri 32:26

Yɛ mma mɔ, yɛ ye mɔ, yɛ mmoaen kure mɔ, ɔne yɛ nyɛmmoa amukoraa kɔhɔ so bɛkɔtena Gileade nguro nemɔ anu.

Deuteronomi 20:8

Mbanyi nemɔ kɔhɔ so kodwudwo kohyire ɛlɔen ne kyɛ, ‘Aso ebie wɔ yɛ nu bɔ osuro anaa ye kunu tete ye ɔ? Osa hɔ ye awuro; anyɔ a né wama ye mmango kunu atete bɛ kyɛbɔ ye deɛ tete ye ne.’

Deuteronomi 3:19

Ɛmɔ aye mɔ, ɛmɔ mma mɔ ne ɛmɔ nyɛmmoa mɔ de, (mese kyɛ ɛmɔle nyɛmmoa pee) ɔsɛ kyɛ bɛka nguro bɔ mafa mama ɛmɔ ne anu,

Deuteronomi 33:21

Ɔneaneane nu yele aseɛ paa fale, ofikyɛ né berɛ te safohene kyɛfa; na maen mbanyi nemɔ bɔle dwaa nen, ɔyɔle AWURADE apɛdeɛ bɔ ɔtengyɛ ɔ, na olili ahyɛdeɛ bɔ ɔfa mane Yisrael ne aso.”

Yosua 1:13

“Ɛ́mɔkaye edwirɛ bɔ AWURADE somvoɛ Mose ha hyirele ɛmɔ ne. Ɔnwa: ‘AWURADE ɛmɔ Nyameɛ ɔbaama ɛmɔ nekaa bɔ ɛmɔkɔtena kole bɛ nwome ɔ, na ɔkɔfa aseɛ he kɔma ɛmɔ.’

Yosua 1:15

kɔpem kyɛ AWURADE kɔbɔ ɛmɔ aliɛma nemɔ atenaseɛ asomdwee nu, kyɛbɔ wayɔ wama ɛmɔ ne, kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ ne ɔ. Ɛhe asi ne, né ɛmɔasa bawa baafa ɛmɔ bɔbɔ b’aseɛ deɛ ne, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si, wɔ eyia afiteleɛ bue nu dɔ ne.”

Yosua 4:12

Rubenfoɛ ne Gadefoɛ ne Manase abusua kure ne bue pɛle asue ne. Né betiratira akodeɛ beli Yisraelfoɛ nyunu moa, kyɛbɔ Mose hyɛle bɛ ne.

Nyekyire 17:4

Né braa ne hera ɛtena kɔkorɛ gonn ne afasebire. Né wafa sikaa kɔkorɛ ne mbembenanneɛ ne afire paa wasiesie ye nwo, na né otira sikaa kɔkorɛ kulie bɔ akyiwadeɛ mɔ ne ye adwamanbɔlɛ fiɛ ne wayi ye tɛkyɛ ɔ.