Yona 4:11 - AHYERƐLƐ KRONGRON

¹¹ Na Ninewe, sɔ kuro piri ne, bɔ nu mmenia bɛ somaa bo apee ɛyaa ko aburanyɔ, bɔ bɛnze bɛ sa bɛen ne bɛ sa famaa nu nzonzoleɛ, kuro bɔ nyɛmmoa pee wɔ nu ne, aso onni kyɛ menwu ye anwumvoin anaa’?”

Yona 4:11 Iomraidhean Croise

Gyenesise 9:10

na me ne abɔdeɛ biala bɔ ngoa wɔ ye nu bɔ ɔboka ɛmɔ so: nnomaa, nyɛmmoa, aseɛ so ngaka mukoraa bɔ bɛboka ɛmɔ so, ɔne ngaka mukoraa bɔ bɛ ne ɛmɔ fili ɛlɛen alaka ne anu befitele yeɛ yɛ́yɛ ɔ, mekyire aseɛ so ngaka mukoraa.

Edwein 104:14

Ɛma ndire fifi ma nyɛmmoa, yeɛ ɛma fieso nningyein fifi bɔ sona yɔ ye nwo adwuma ɔ, kyɛbɔ ɔkɔyɛ bɔ okonya aleɛ kofi aseɛ nu ɔ,

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 37:37

Yeɛ Asiria hene Senakeribo fili berɛ hɔle. Osa hɔle ɔɔtenane Ninewe.

Yesaya 7:16

Ofikyɛ, aseɛ bɔ so ahemvo nyɔ bama ahunundetelɛ atɔ wɔ so ne, ɔkɔkakyi kurofoen koraka né akwadaa ne anwu kyɛ ɔkɔpo bɔne, ɔne kyɛ ɔkɔfa paa ɔ.

Yona 1:2

“Dwɔso kɔ Ninewe, sɔ kuro piri ne aso, ná bɔ ye dawure kyire bɛ kyɛ b’amumuyɛɛ wafo waadwu me nyunu.”

Yona 3:10

Na Nyameɛ nwuni bɔ bɛyɔle ne, kyɛ bayakyi bɛ bɔne yɔleɛ ne, yiti Nyameɛ sesane ye adwene wɔ musue bɔ ɔhane kyɛ ɔkɔprapra kogua bɛ so ne anwo, na wamma wando bɛ.

Yona 4:10

Yeɛ AWURADE sele kyɛ, “Ngomvo bakaa bɔ nna wɔ yeɛ ɛfɛle ye nwo, bɔ nna wɔ yeɛ ɛmaa onyini ɔ, bɔ oogyinane berɛ kɔngɔen, ná owuli kɔngɔen ne, ye po anwu ye anwumvoin.

Mateo 18:33

Aso onni kyɛ ahaa wɔ koso enwu ebiɛngo akoaa anwumvoin kyɛbɔ nwuni wɔ anwumvoin ne anaa?’

Deuteronomi 1:39

Afei koso, ɛmɔ mma ndɔtɔfee nemɔ bɔ ɛmɔdwenene kyɛ bɛkɔhye bɛ nnure ne, ɔne ɛmɔ mma mɔ bɔ kekesaala ye bɛnze paa anaa bɔne ne, bɛ yeɛ bɛkɔhɔ aseɛ ne aso ɔ. Bɛ yeɛ ngɔfa ngɔma bɛ ɔ, na bɛkɔfa kɔyɛ bɛ deɛ.