Yona 3:9 - AHYERƐLƐ KRONGRON

⁹ Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Yona 3:9 Iomraidhean Croise

2 Samuel 12:22

Na Dawide buale bɛ kyɛ, “Mmerɛ bɔ né akwadaa ne te ase ne, nzuni nyɔle akɔngyere, ofikyɛ nyane adwene kyɛ, ‘Ebie nze, ebiaa né AWURADE alo me ama akwadaa ne anya ngoa.’

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Edwein 85:3

Ɛhwene wɔ yaa piri ne amukoraa sale, ɛmane w’ahone tɔle nzue nu.

Edwein 90:13

Ao AWURADE, sa baanea yɛ! Okoodwu kyinzu? Nwu wɔ somvoɛ mɔ anwumvoin!

Yeremia 26:13

Yiti kekesaala ye, ɛ́mɔsakyera ɛmɔ adwene ne ɛmɔ yɔleɛ, ná ɛ́mɔtie AWURADE ɛmɔ Nyameɛ dwirɛ, na AWURADE kɔsesã ye adwene wɔ musue bɔ wahã kyɛ ɔkɔprapra kogua ɛmɔ so ne anwo.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Yona 1:15

Yiti bɛmane Yona so begyili ye bɛtole ɛpo ne anu, na ɛpo ne yakyili ebulɛ bɔ obu fa so ne.

Yona 1:6

Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.

Sefania 2:3

Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.