Yona 3:5 - AHYERƐLƐ KRONGRON

⁵ Yeɛ Ninewefoɛ belele Nyameɛ dwirɛ ne belili. Bɛfa bɛtole dwaa kyɛ odi kyɛ ebiala obua da, na bɛherale ɛsɛen tena, ofi atitirefoɛ mɔ so bɔ ɔkwaadwu kwahweabaa mɔ so.

Yona 3:5 Iomraidhean Croise

2 Ahemvo 19:1

Nana Hesekia tele sɔ dwirɛ nen, osunzuale ye bɔbɔ ye ndaadeɛ nu, ɔherale ɛsɛen tena, na ɔhɔle AWURADE awuro berɛ.

2 Aberɛso Dwirɛ 20:3

Né Yehosafate suro, yiti osũ frɛle AWURADE, na ɔhyehyɛle akɔngyere wɔ Yuda maen amukoraa nu.

Ɛsra 8:21

Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Ɛseta 4:1

Modekae tele edwirɛ bɔ wasi ne amukoraa nen, osunzuale ye ndaadeɛ nu, ɔherale ɛsɛen tena, ɔfale nzoen yɛle ye nwo, na ole esuɛ ne awuyebɔlɛ hyinini kuro ne anu.

Ɛksadɔso 33:6

Yiti Yisraelfoɛ puropurole bɛ nwo mbembenanneɛ ne, fite mmerɛ bɔ befili Horebo bokaa ne anwo ne.

Yeremia 31:34

Na ebiala ngohyirehyire obiɛngo ko, yeɛ ebiala ngose oliɛma kyɛ, ‘Nwu AWURADE,’ ofikyɛ ofi bɛ nu kwahweabaa so bɔ ɔkwaadwu bɛ nu titire paa so, bɛ mukoraa bekonwu me, AWURADE noa dwirɛ ɛne. Ofikyɛ ngɔfa b’amumuyɛɛ ngɔhyɛ bɛ, na mengɔkaye bɛ bɔne ko.”

Yeremia 36:9

Na ɔwale kyɛ, Yuda hene Yehoakim bɔ ye baba ole Yosia ne, ye ahennie afoɛ bɔ ɔtɔ so nnu ne, bosome ngona ne anu, Yerusalemfoɛ amukoraa ne mmenia amukoraa bɔ befili Yuda nguro nemɔ aso bɛwale Yerusalem ne, bɛyɛle akɔngyere wɔ AWURADE nyunu.

Yeremia 42:1

Yeɛ koɛhonɛfoɛ so safohene nemɔ amukoraa, Karea awa Yohanan, Hosaya awa Yesania, ɔne mmenia ne amukoraa, ofi kwahweabaa mɔ so bɔ ɔkwaadwu atitire mɔ so ɔ, bɛbɔ bepingyele,

Yeremia 42:8

Yeɛ Yeremia frɛle Karea awa Yohanan, koɛhonɛfoɛ so safohene nemɔ amukoraa bɔ né bɛboka ye so ne, yeɛ maen ne amukoraa, ofi kwahweabaa mɔ so bɔ ɔkwaadwu atitire mɔ so ɔ,

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Yoel 1:14

Ɛ́mɔyɛ akɔngyere krongron, ɛ́mɔyɛ nyianu krongron. Ɛ́mɔboaboa mbanyi ne aseɛ ne aso mma amukoraa bɛ noa wɔ AWURADE ɛmɔ Nyameɛ awuro, ná ɛ́mɔsu bɛfrɛ AWURADE.

Yona 3:7

Afei ɔmaa bɛbɔle ye dawure bɛfa bɛtole dwaa wɔ Ninewe kyɛ, “Nana ne ye mbanyi mɔ bahyɛ mmeraa kyɛ, Nnɛma kuro sona anaa kaka, nandwie anaa boaen biala ɔfa nikye fee kã ye noa. Onni kyɛ bedidi, anaa bɛno nzue.

Mateo 12:41

Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Luka 11:32

Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Asomafoɛ 27:25

Yiti, biamɔ, nnɛma ɛmɔ abasa nu bu! Na mede Nyameɛ medi kyɛ bɔ ɔhã hyirele me ne kɔyɛ berɛ pɛpɛɛpɛ.

Asomafoɛ 8:10

Na bɛ mukoraa betiele ye, ofi ngwadaa so kodwu mbanyi so, na bɛhane kyɛ: Biaa he ole Nyameɛ Tumi Piri ne.

Hebrifoɛ 11:1

Gyidie te nikyee bɔ y’anyelasoɛ si pi wɔ nu, ɔne kyɛ yɛkole nikyee bɔ anyeɛ nnwu ye yɛkɔto nu ɔ.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”