Yona 3:4 - AHYERƐLƐ KRONGRON

⁴ Yona hyɛle ye bo owurale kuro ne anu, ɔnatele ɛlɛho, na ɔteane nu sele kyɛ, “Waha eleburanna né Ninewe abɔ oo!”

Yona 3:4 Iomraidhean Croise

2 Ahemvo 20:1

Sɔ mmerɛ ne, anwonyerɛ bɔle Hesekia bɔ né ɔla awusu ɔ. Na ngɔmhyɛlɛniɛ Yesaya bɔ ye baba ole Amoso ne, ɔwale Hesekia berɛ oosele ye kyɛ, “AWURADE nwa nyoo, ‘Toto wɔ si yé, ofikyɛ ɛbaawu, na ɛngɔte apɔ.’ ”

2 Ahemvo 20:6

Ngɔto wɔ ngoa nu afoɛ buru ne nnu. Ngɔpepɛ ngole wɔ ne kuro ye ngofi Asiria hene sa nu. Ɔnate me bɔbɔ me ti, ɔne me somvoɛ Dawide ti, ngɔbɔ kuro ye anwo waen.”

Yesaya 30:18

Ye sɔ ne ati, AWURADE ɔnwondɛ kyɛ ɔkɔlo ɛmɔ ɔ, na waboaboa ye nwo kyɛ okonwu ɛmɔ anwumvoin ɔ, ofikyɛ AWURADE te pɛpɛɛpɛyɛlɛ Nyameɛ, na ebiala bɔ ɔfa ye wora wura ye nu ne, onya saleɛ.

Yeremia 42:10

Sɛ ɛmɔkɔhɔ so bɛkɔtena aseɛ he aso a, ye de ngɔma ɛmɔ bo kotimu, na mengodwiri ɛmɔ mengogua ase; ngolua ɛmɔ na mengotutu ɛmɔ bo, ofikyɛ manu me nwo wɔ musue bɔ mbraprale nguale ɛmɔ so ne anwo.

Yona 3:10

Na Nyameɛ nwuni bɔ bɛyɔle ne, kyɛ bayakyi bɛ bɔne yɔleɛ ne, yiti Nyameɛ sesane ye adwene wɔ musue bɔ ɔhane kyɛ ɔkɔprapra kogua bɛ so ne anwo, na wamma wando bɛ.

Mateo 12:41

Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Luka 11:30

Na kyɛbɔ né Yona te sɛngyerɛnneɛ ma Ninewefoɛ nen, sɔ ala yeɛ Sona Awa ne kɔyɛ kɔma ɛnɛmmafoɛ ɔ.

Luka 11:32

Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Deuteronomi 18:22

Tie, sɛ ngɔmhyɛlɛniɛ bie dwudwo AWURADE dumaa nu, nakoso edwirɛ ne anzi anaa wamma nu a, né ɔte edwirɛ bɔ nna AWURADE yeɛ waha ɔ. Ngɔmhyɛlɛniɛ ne wabɔ ye bɔbɔ ye ti anu yeɛ waha ɔ, nnɛma ɛmɔsuro ye.