Yona 2:7 - AHYERƐLƐ KRONGRON

⁷ Na mmerɛ bɔ me kra botole wɔ me nu ne, ngayele AWURADE, na me mbaeɛ dwuli wɔ berɛ, wɔ w’asɔneyɛɛ sua krongron ne anu.

Yona 2:7 Iomraidhean Croise

2 Aberɛso Dwirɛ 30:27

Yeɛ asɔfo nemɔ ne Lewifoɛ nemɔ bedwɔso begyinane berɛ beyirale maen ne. Nyameɛ tiele bɛ mbaeɛ, na bɛ mbaeɛ ne oodwuli ye nekaa krongron bɔ ɔte wɔ nyameɛso ne.

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Edwein 142:3

Sɛ me kra boto a, wɔ yeɛ ɛse m’atee ɔ. Atee bɔ mefa so ne, basua me ngaen bafea wɔ so.

Edwein 143:5

Mekaye daa tete ne, medwenedwene wɔ nnwumaa amukoraa nwo. Mekayekaye wɔ sa noa nnwumaa.

Edwein 18:6

Nzu mvrɛle AWURADE wɔ m’amaneɛ nu, na ndeane nu mvrɛle me Nyameɛ kyɛ ɔboka me. Ɔwɔ ye asɔneyɛɛ sua nu dɔ yeɛ ɔtele me komvi ɔ, na me sufrɛ dwuli ye so anu.

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Edwein 27:13

Mede medi kyɛ ngonwu AWURADE paayɛlɛ ne wɔ ateasefoɛ aseɛ ye aso.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 65:4

Bɛ bɔ ɛneanea nu ɛtwe bɛ bata wɔ nwo, kyɛ bɛɛtena w’abrannaa nu ne, benya saleɛ. W’awuro bɔ yeɛ ole w’asɔneyɛɛ sua krongron ne, nu nningyein paa ne, ɔma yɛ nwo tɔ yɛ.

Yesaya 38:17

Amba, me yeeyɛlɛ ti yeɛ nwuni amaneɛ piri ɔ. Ɛnate wɔ ɔdɔ so aye me kra afi ewue kumaa nu, ofikyɛ agyi me bɔne amukoraa agua wɔ si dɔ.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yona 2:4

Yeɛ ngane kyɛ, ‘Afoa me afi wɔ nyunu, nakoso ngosa ngɔto me nye ngɔnea w’asɔneyɛɛ sua krongron ne.’

Mika 1:2

Ɛ́mɔtie, maen maen mɔ amukoraa; ao aseɛ ne bɔ ɔwɔ so amukoraa, ɛ́mɔyɛ asoɛ bétie, mesrɛ kyɛ AWURADE Nyameɛ ooli adanzeɛ otia ɛmɔ; kyɛ AWURADE ófi ye asɔneyɛɛ sua krongron ne anu yeɛ ɔ́yɔ sɔ ɔ.

Habakuku 2:20

Nakoso AWURADE wɔ ye asɔneyɛɛ sua krongron ne anu, na odi kyɛ aseɛ amukoraa yɛ konn wɔ ye nyunu.

Hebrifoɛ 12:3

Ɛ́mɔnea Yesu bɔ ogyinane pindinn wɔ bɔnefoɛ ɛpɔen worawora noa ne, amaa ɛmɔ koso b’abasanu ammu na ɛmɔ wora ammɔ.

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.