Yona 2:6 - AHYERƐLƐ KRONGRON

⁶ Ndwu ngɔle mmokaa nemɔ abo dɔ paa, ndwu ngɔle aseɛ ne aso; aseɛ bɔ ye mmuralɛ bɔ ɔbrambram ye pambim mɔ asi ne, ɔhane me miane afebɔɔ ne. Nakoso ao AWURADE me Nyameɛ, ɛyele me ngoa fili ɛborɔ kumaa nu dɔ fite wale.

Yona 2:6 Iomraidhean Croise

YOB NWOMAA NE 33:24

onwu sɔ sona ne anwumvoin ɔka kyɛ, ‘De ye ngoa, nnɛmaa ɔkɔ ɛborɔ kumaa nu, ofikyɛ manya bɔ mefa meyɛ ye ti nyɔboɛ mede ye ngoa ɔ;

YOB NWOMAA NE 33:28

Na mmom wapepɛ wale me kra, wamma wangɔ ɛborɔ kumaa nu, na wamaa matena ngoa nu manwu kanea ne.’

Edwein 104:6

Ɛfale buma katale so kyɛ ɛtena, na nzue mɔ katale mmokaa nemɔ aso.

Edwein 104:8

Bebu bɛfale mmokaa nemɔ aso, na bɛwale ase beeguale bɔnza nemɔ anu, nekaa bɔ ɛhyehyɛle mane bɛ ne.

Edwein 116:3

Ewue nyamaa brabrale me. Ɛborɔ dɔ yealɛ sɔle me nu; nwuni amaneɛ ne aworabɔlɛ.

Edwein 143:7

Ao AWURADE, yɛ ndɛ bua me; me sunzum wora abɔ. Nnɛye wɔ nye fea me; ɔba ye sɔ a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 16:10

Ofikyɛ ɛngɔma me kra ngɔha ɛborɔ, yeɛ ɛngɔma w’anwoteeniɛ ne ngɔporɔ ɛborɔ kumaa nu.

Edwein 18:5

ɛborɔ dɔ nyamaa mendale me, na ewue ngaen wale me so kyɛ ɔbaahye me.

Edwein 30:3

Ao AWURADE, aye me kra afi ɛborɔ kumaa nu, na amaa mafi ɛborɔ kumaa nu masa mawa ngoa nu.

Edwein 30:9

“Sɛ mewu a, anaa sɛ mekɔ ɛborɔ kumaa nu a, nzikyɛ mvasoɛ yeɛ ɔwɔ so ɔ? Aso mvuture kɔye wɔ ayɛ anaa? Aso ɔkɔbɔ wɔ nahorɛlilɛ nwo dawure anaa?

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Edwein 65:6

W’anwoserɛ yeɛ ɔfale mmokaa penapenane berɛ ɔ, afa tumi abɔ abɔsoɛ.

Edwein 69:2

Meme mekɔ aseɛnwo wɔ asaa pɛkyɛpɛkyɛ nu, bɔ mennya nekaa memva me gya mendindim ɔ; maadwu buma nu, na asue ne wayi wabu wafa me so.

Yesaya 38:10

Mmerɛ bɔ me ngoa hale kaaba bie ne, ngane kyɛ: Mebaafi wa, mebaahɔ ɛborɔ dɔ pambim ne anu, m’afoɛ bɔ waha ne, béde béfi me sa nu.

Yesaya 38:17

Amba, me yeeyɛlɛ ti yeɛ nwuni amaneɛ piri ɔ. Ɛnate wɔ ɔdɔ so aye me kra afi ewue kumaa nu, ofikyɛ agyi me bɔne amukoraa agua wɔ si dɔ.

Yesaya 40:12

Nwa yeɛ wabɔ ye sa nonongu wasusu ɛpo nzue ɔ, anaa wafa ye sa mmɛseka wasusu ewienu ɔ, anaa wafa kwangoa wasusu aseɛ so mvuture ɔ, anaa wafa tonyi wahari mmokaa mɔ ɔ, anaa wafa asusudeɛ wahari pambaa mɔ ɔ?

Hesekiel 26:20

ye de, ngɔfa wɔ ngɔboka bɛ bɔ ofi tetetete bedwu ase bɛkɔ ɛborɔ kumaa nu ne aso, na ngofindi wɔ ngɔto ase. Ngɔmaa ɛkɔtena aseɛ bo dɔ, nekaa bɔ berɛ te aworabɔlɛ fi tetetete ne, ɛne bɛ bɔ bedwu ase bɛkɔ ɛborɔ kumaa nu ne, amaa ɔnate so ebiala wandena wɔ nu ko, na ngɔma animnyam kɔwa ateasefoɛ aseɛ so.

Hesekiel 31:14

Mayɔ sɔ, amaa ɔnate so asue noa mmakaa nu biala wamva ye tendenn wanhoahoa ye nwo, anaakyɛ wamma ye ti anwuro wangɔanga munungum ne anu dɔ. Na bakaa biala bɔ onya nzue ne, ongonyi ngɔhɔ anwuro sɔ; ofikyɛ ewue la berɛ ɔnwondɛ bɛ mukoraa, bɛkɔhɔ aseɛ bo dɔ bɛkɔɔboka adasa mmaa so, bɛ ne bɛ bɔ bɛkɔ ɛborɔ kumaa nu ne.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

Habakuku 3:6

Ɔte gyinane, na ɔwosole aseɛ. Ɔtole ye nye neane, na ɔbɔle maen maen mɔ sandene; mmokaa bɔ bɛwɔ berɛ afebɔɔ ne, bedwiri beguale, na daa tete pambaa nemɔ, bɛbɔle bɛ nu ase. Ye atee mɔ wɔ berɛ afebɔɔ.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.