Yona 2:4 - AHYERƐLƐ KRONGRON

⁴ Yeɛ ngane kyɛ, ‘Afoa me afi wɔ nyunu, nakoso ngosa ngɔto me nye ngɔnea w’asɔneyɛɛ sua krongron ne.’

Yona 2:4 Iomraidhean Croise

1 Ahemvo 8:42

(ofikyɛ bɛkɔte wɔ dumaa kandinga ne, wɔ tumi piri ne, ɔne wɔ tumi asaa ne nga), ná sɛ amanvraniɛ ne ɔbafa ye nye kyire sua he ɔbɔ mbaeɛ a,

1 Ahemvo 8:48

ná sɛ befi b’ahone ne bɛ kra amukoraati nu benu bɛ nwo wɔ bɛ pɔfoɛ mɔ bɔ bɛhyele bɛ nnure ne b’aseɛ so, ná bɛfa bɛ nye bekyire b’aseɛ bɔ ɛfa mane bɛ nana mɔ ne aso, kuro bɔ aneanea nu aye asie berɛ ama wɔ nwo ne, ɔne sua bɔ masi mafa wɔ dumaa mato so ne, ná bɛbɔ mbaeɛ bekyire wɔ a,

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

2 Aberɛso Dwirɛ 6:38

sɛ befi b’ahone ne bɛ kra amukoraati nu benu bɛ nwo wɔ maen bɔ bahye bɛ nnure bahɔ so ne aso, ná bɛfa bɛ nye bekyire b’aseɛ bɔ ɛfa mane bɛ nana mɔ ne aso, kuro bɔ aneanea nu aye asie berɛ ama wɔ nwo ne, ɔne sua bɔ masi mafa wɔ dumaa mato so ne, ná bɛbɔ mbaeɛ a,

Edwein 31:22

Me kunu tele me ne, ngane kyɛ, “Afoa me afi wɔ nyunu ahɔ dedeede.” Nakoso nzu mvrɛle wɔ ne, etiele me sufrɛ.

Edwein 42:8

AWURADE ye ɔdɔ bɔ onni ngasi ne, ɔye ye ali eyia, na kɔngɔen meto ye dwein mefa mebɔ mbaeɛ mekyire Nyameɛ bɔ otira me ngoa nyamaa nu ɔ.

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Edwein 88:6

Agyi me ato ɛborɔ kumaa kuronn ne anu, wɔ nekaa kuronn tunn ne anu dɔ.

Edwein 88:7

Afɛ me so yaa piri, na ɛma w’asorɔkye amukoraa bungam fa me so. Sela

Yesaya 38:17

Amba, me yeeyɛlɛ ti yeɛ nwuni amaneɛ piri ɔ. Ɛnate wɔ ɔdɔ so aye me kra afi ewue kumaa nu, ofikyɛ agyi me bɔne amukoraa agua wɔ si dɔ.

Yesaya 49:14

Nakoso Sion ahã kyɛ, “AWURADE apo me, m’AWURADE ye wora afi me.”

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 7:15

Na ngɔfoa ɛmɔ ngofi me nyunu, kyɛbɔ mvoane ɛmɔ aliɛma mɔ amukoraa, Efraim boso ama amukoraa ne.

Awuye 3:54

Nzue bu fale me ti so, na ngane kyɛ, ‘Mawu mayie oo!’

Hesekiel 37:11

Yeɛ osele me kyɛ, “Sona awa, mmowue hemɔ ole Yisrael awuro ama amukoraa. Tie, bɛnwa: ‘Yɛ mmowue nwo ayɛ kokwakokwa, yɛ anyelasoɛ atu amini, yeɛ waye ye sa wafi yɛ bo koraa.’

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Yona 2:7

Na mmerɛ bɔ me kra botole wɔ me nu ne, ngayele AWURADE, na me mbaeɛ dwuli wɔ berɛ, wɔ w’asɔneyɛɛ sua krongron ne anu.