Yona 1:9 - AHYERƐLƐ KRONGRON

⁹ Na obuale bɛ kyɛ, “Me, nde Hebriniɛ. Mesɔne AWURADE, nyameɛso Nyameɛ bɔ ɔbɔle ɛpo ne aseɛ wosee ne.’”

Yona 1:9 Iomraidhean Croise

Gyenesise 1:10

Nyameɛ tole nekaa wosee ne dumaa Aseɛ, yeɛ nzue bɔ ye noa aboa ne koso, ɔtole ye dumaa Ɛpo. Na Nyameɛ nwuni kyɛ ɔte paa.

Gyenesise 14:13

Ebie nwatili fili koɛ ne anoa, na ɔɔbɔle Hebriniɛ Abram amaneɛ. Né Abram te pingye Amoriniɛ Mamre eluii mmakaa ne. Né Mamre aliɛma mɔ Ɛseko ne Anere bɛte Abram koɛ nu bokafoɛ.

Gyenesise 24:7

Ofikyɛ AWURADE, nyameɛso Nyameɛ bɔ ɔfale me fili me baba awuro, ɔne aseɛ bɔ bɛwole me wɔ so ne, odwudwo hyirele me, na ɔtale ndaen hyirele me kyɛ, ‘Wɔ bosofoɛ yeɛ ngɔfa sɔ aseɛ he ngɔma bɛ ɔ.’ Na ye ala yeɛ ɔkɔsoma ye abɔfo maa okoli wɔ nyunu ɔ, ná aagya braa dɔ abrɛ mma ne ɔ.

Gyenesise 39:14

ɔteane nu frɛfrɛle awuro berɛ ama sele bɛ kyɛ, “Ɛ́mɔnea oo, me hu waafa Hebriniɛ wawa yɛ wa kyɛ ɔɔgoro yɛ nwo; ɔwale kyɛ ahaa ɔne me baala, nakoso ndeateane nu serɛ paa!

2 Ahemvo 17:25

Mmerɛ bɔ bɛɛtenane aseɛ ne aso ne, banzɔne AWURADE, yiti AWURADE somane gyata mɔ maa bɛwale bɛ nu beehuhuni bɛ nu biemɔ.

2 Ahemvo 17:28

Yiti asɔfo nemɔ bɔ bɛhyele bɛ bɛfale bɛ befili Samaria ne, bɛ nu ko hɔle ɔɔtenane Betel, na ohyirehyirele bɛ kyɛbɔ besi bɛsɔne AWURADE ɔ.

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 5:11

Na mmuayɛɛ bɔ bɛfa bɛmane yɛ ɛhe, ‘Anwuro ne aseɛ Nyameɛ ne, yɛte ye ngoaa. Yɛsa yɛsi awuro bɔ daa tetetete besili, bɔ ɔte awuro bɔ Yisrael hene piri bie osi yiele korakora ɔ.

Nehemia 1:4

Na ndele sɔ dwirɛ ne nen, ndenane ase nzuni, nnili aworabɔlɛ ngyẽa pee, na nyɛle akɔngyere mmɔle mbaeɛ wɔ nyameɛso Nyameɛ ne nyunu.

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

YOB NWOMAA NE 1:9

Na Satan buale AWURADE kyɛ, “Esurolɛ bɔ Yob suro Nyameɛ ye, aso nna nikyee bie ti ɔ?

Edwein 136:26

Ao, ɛ́mɔfa asennaa bɛ́ma nyameɛso Nyameɛ ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Ɛksadɔso 1:15

Afei Misraim hene sele Hebri mmrasua bɔ bede aworɛ, bɔ bɛ nu ko li Sifra, ná ko wora li Pua ne kyɛ,

Ɛksadɔso 2:13

Aleɛ hyene ne, ofitele, edwirɛ nwanwa, onwuni Hebrifoɛ nyɔ kyɛ bɛ́ko ɔ. Na obisale bɔ ye dwirɛ nyɛ fɛ ne kyɛ, “Nzu ati yeɛ ɛ́bo eliɛngo ɔ?”

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Filipifoɛ 3:5

Ye ɛlɛbɔtwɛ ne aso yeɛ bɛpɛle me bienzua ɔ. Mvi Yisrael bosofoɛ nu, mvi Benyamin abusua kure nu, Hebrifoɛ nu Hebriniɛ; na mmeraa ne aso lilɛ de, nde Farasiiniɛ;

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 16:11

Na ɔnate ye yealɛ ne bɛ nwo ngena ngena ne ati, bɛkekane musue dwirɛ betiale nyameɛso Nyameɛ ne, na banzakyera b’adwene bamvi bɛ yɔleɛ nwo.