Yona 1:5 - AHYERƐLƐ KRONGRON

⁵ Afei né ɛlɛenhanɛfoɛ nemɔ besuro. Yiti bɛ nu biala sũ frɛle ye nyameɛ, na befindini ɛlɛen ne anu nningyein beguale ɛpo ne anu, kyɛbɔ ɔkɔmaa ɛlɛen ne anu kɔyɛ nyera ɔ. Nakoso Yona de, né wadwu wahɔ ɛlɛen ne akunu dɔ paa waala hatee.

Yona 1:5 Iomraidhean Croise

1 Ahemvo 18:26

Yiti bɛyele nandwie nyii ne ko, behuni ye bɛpepɛle nu ahuronzi ahuronzi, na besu bɛfrɛle Baal fi ngyerɛmɔ maa oodwuli eyiagyina. Bɛteateane nu kyɛ, “O Baal, tie yɛ e!” Nakoso ebiala andɛ bɛ so, bannya mmuayɛɛ biala. Na afɔleɛ bokyea bɔ basi ne, behuruhuru bego bɛfale ye nwo.

YOB NWOMAA NE 2:4

Na Satan buale AWURADE kyɛ, “Na ye nwonaen koso ɛ! Bɔ sona le ye amukoraa, okuro kyɛ ɔkɔmaa ɔkɔhwere ye, ná wanya ngoa.

Edwein 107:25

Ofikyɛ ɔhyɛle mvrama piri maa otuli, na mvrama ne mane ɛpo asorɔkye pagyale.

Edwein 148:8

see ne asukɔtwea nyɔboɛ, asukɔtwea ne ɛborɔ, mvrama bɔ otu serɛserɛ di Nyameɛ ahyɛdeɛ so ɔ,

Nworɛ Dwirɛhanɛniɛ 3:6

nikyee penalɛ le ye mmerɛ, yeɛ nikyee minilɛ le ye mmerɛ; nikyee fa sielɛ le ye mmerɛ, yeɛ ye gyigualɛ le ye mmerɛ,

Yesaya 45:20

“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.

Yeremia 2:28

Nakoso wɔ mmosoen bɔ agyinagyina ama wɔ bɔbɔ wɔ nwo ne, bɛwɔ nisua? Sɛ bɛkɔhora bɛkɔpepɛ bekole wɔ wɔ w’amaneɛ mmerɛ nu a, maa bedwɔso e! Ao Yuda, kyɛbɔ wɔ nguro nemɔ bɛ somaa te ne, sɔ ala yeɛ wɔ mmosoen nemɔ bɛ somaa te ɔ.

Hosea 7:14

Bemvi b’ahone nu benzu bɛmvrɛ me, na mmom bɛbɔ awuye wɔ bɛ bɛen so; bɛpepɛ bɛ nwo naen bɛpena aburoo ne nzaa, na bɛyɛ me nwo lɔen.

Yona 1:14

Yiti bɛteane nu besu bɛfrɛle AWURADE kyɛ, “Ao AWURADE, yɛsrɛ wɔ, akoaa he wue ne, nnɛmaa yiti yɛwuwu, yeɛ nnɛmaa yɛdi mogya bɔ odi be ɔ nwo fɔ, ofikyɛ wɔ, AWURADE, bɔ ekuro yeɛ ayɔ ɔ.”

Yona 1:16

Yeɛ mmenia nemɔ surole AWURADE paa, na bɛbobɔle afɔleɛ bɛmane AWURADE, na bɛbobɔle ye anohoba.

Yona 1:6

Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.

Mateo 25:5

Na ɔhyɛle bɔ né atɔmvorɛ biaa ne ɔmma ɔ, yiti bɛ mukoraa bɛ nye hone, na bɛlafelafele.

Mateo 26:43

Na ɔwale bɛ nwo berɛ oonwuni kyɛ balela bieku, ofikyɛ né bɛ nye twaa so.

Mateo 26:45

Yeɛ osa wale asuafoɛ nemɔ nwo berɛ, na osele bɛ kyɛ, “Yiti ɛmɔtɛda, ɛmɔtɛde ɛmɔ nwome? Ɛ́mɔnea! Mmerɛ ne adwu bɔ bɛbaaye Sona Awa ne bewura bɔnefoɛ mɔ sa ɔ.

Asomafoɛ 27:38

Afei ebiala ko yili yiele nen, begyili ɛlɛen ne anu atokoɔ ne beguale ɛpo nu maa ɛlɛen ne anu yɛle nyera.

Maenbulɛfoɛ 16:19

Delila fale Samson ti tole ye sɔ so maa ɔlafele, na ɔfrɛle biaa bie maa ɔɔpoane ye ti nwiaa mbɛsɛmbɛsɛ nzoo ne. Na Samson hyɛle ye bo yɛle mmerɛ, na ye anwoserɛ tu minini.

1 Samuel 24:3

Sɔɔlo oodwuli mmoaennduin biemɔ anwo wɔ atee ne noa. Né nyɔboɛ bie asi sua wɔ berɛ, na owurale nu kyɛ ɔkɔ bakaa so. Nyɔbotaen bɔ wasi sua ne, né Dawide ne ye mmenia nemɔ baawurawura ye kunu dɔ paa.