Yona 1:4 - AHYERƐLƐ KRONGRON

⁴ Nakoso AWURADE somane mvrama bie bɔ ye noa yɛ hye ɔ maa otu fale ɛpo ne aso, na mvrama piri tu fale ɛpo ne aso, bɔ né ɛlɛen ne ɔpena odwudwa ɔ.

Yona 1:4 Iomraidhean Croise

Edwein 135:6

Bɔ AWURADE kuro biala yeɛ ɔyɔ ɔ, wɔ nyameɛso ne aseɛ so, wɔ ɛpo nu ne buma mɔ amukoraa nu.

Edwein 135:7

Ye yeɛ ɔma munungum fi aseɛ noa dɔ kɔ anwuro ɔ; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Edwein 148:8

see ne asukɔtwea nyɔboɛ, asukɔtwea ne ɛborɔ, mvrama bɔ otu serɛserɛ di Nyameɛ ahyɛdeɛ so ɔ,

Ɛksadɔso 10:13

Yiti Mose mane ye pɔmaa ne aso hyirele Misraim aseɛ ne. Na AWURADE mane eyia afiteleɛ mvrama tuli aseɛ ne aso sɔ kyẽa ne eyia ne kɔngɔen amukoraa. Na aleɛ hyene ngyerɛmɔ nen, né eyia afiteleɛ mvrama ne afa mmɛbɛ nemɔ wawa.

Ɛksadɔso 10:19

Na AWURADE mane eyia atɔleɛ mvrama piri bie tuli, na opiane mmɛbɛ nemɔ ooguale Ɛpo Kɔkorɛ nu. Abɛbɛ ko po anga berɛ wɔ Misraim aseɛ so nekaa biala.

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 15:10

Ɛmane wɔ nwomeɛ tuli mvrama, na ɛpo ne fale bɛ; na bɛmonone kyɛ kungumaboɔ wɔ buma ne anu.

Yeremia 51:16

Ɔbɔ nu kurudududu a, nzue pee ba ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Numeri 11:31

AWURADE mane mvrama bie tuli, na ɔbɔle ayenzii fili ɛpo so maa beeguale asikyeleɛ ne ngyɛnu. Asikyeleɛ ne bue ko ne, ayenzii ne tete guale toonn kɔyɛ atee bɔ bɛfa ɛlɛho yeɛ bɛpɛ ɔ, yeɛ ye bue ko ne koso, beguale toonn kɔyɛ atee bɔ bɛfa ɛlɛho yeɛ bɛpɛ ɔ, maa bɛpɛle asikyeleɛ ne anwo amu beyiale. Né bataataa so bawa anwuro alaa kɔyɛ agyirɛ nyɔ.