Yona 1:2 - AHYERƐLƐ KRONGRON

² “Dwɔso kɔ Ninewe, sɔ kuro piri ne aso, ná bɔ ye dawure kyire bɛ kyɛ b’amumuyɛɛ wafo waadwu me nyunu.”

Yona 1:2 Iomraidhean Croise

Gyenesise 10:11

Ofili sɔ aseɛ ne aso ɔhɔle Asiria ɔɔkyekyele Ninewe, Rehobote Yiri, Kala,

2 Ahemvo 19:36

Yeɛ Asiria hene Senakeribo fili berɛ hɔle ye kuro, na ɔɔtenane Ninewe.

2 Aberɛso Dwirɛ 28:9

Nakoso né AWURADE ngɔmhyɛlɛniɛ bie bɔ bɛfrɛ ye Odɛde wɔ Samaria. Ooyiale koɛhonɛfoɛ bɔ besa bɛba Samaria ne, na osele bɛ kyɛ, “Ɛ́mɔtie! Ɔnate kyɛ AWURADE ɛmɔ nana mɔ Nyameɛ, ɔfɛle Yuda so yaa ne ati, ɔfale bɛ wurale ɛmɔ sa. Nakoso ɛmɔafɛ yaa hahii bahũhũ bɛ ma ye nwo dwirɛ waadwu nyameɛso.

Ɛsra 9:6

na nzele kyɛ, “O me Nyameɛ, ɔyɛ me nya paa, na mafɛre kyɛ ngɔpagya me nye ngɔnea wɔ ɔ. Ofikyɛ me Nyameɛ, y’amumuyɛɛ wasone pee, na yɛ mvomsoɛ wadwu nyameɛso.

Yesaya 37:37

Yeɛ Asiria hene Senakeribo fili berɛ hɔle. Osa hɔle ɔɔtenane Ninewe.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Hesekiel 2:7

Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Hosea 7:2

Na bɛndwene ye nwo wɔ bɛ ti anu kyɛ mekaye bɛ bɔne yɔleɛ amukoraa ɔ. Afei bɛ bɔbɔ bɛ yɔleɛ apɛ bɛ nwo ayia, na me nye tua.

Yona 3:2

“Dwɔso kɔ Ninewe, sɔ kuro piri ne aso, ná kɔbɔ edwirɛ bɔ méka mékyire wɔ ne dawure kyire bɛ.”

Yona 3:3

Yiti Yona dwɔsole sili nu hɔle Ninewe, kyɛbɔ AWURADE hã hyirele ye ne ala. Né Ninewe te kuro piri paa, bɔ ɛlɛsa yeɛ bɛfa bɛnate befi ye ti bɛkɔka ye ti ɔ.

Yona 4:11

Na Ninewe, sɔ kuro piri ne, bɔ nu mmenia bɛ somaa bo apee ɛyaa ko aburanyɔ, bɔ bɛnze bɛ sa bɛen ne bɛ sa famaa nu nzonzoleɛ, kuro bɔ nyɛmmoa pee wɔ nu ne, aso onni kyɛ menwu ye anwumvoin anaa’?”

Mika 3:8

Nakoso me de, AWURADE Sunzum ama me tumi, wama ndɛenbualɛ turoloo ne anwoserɛ ayi me tɛkyɛ, kyɛ mva Yakob ye mmeraatolɛ ndo ye nyunu, ná mva Yisrael koso ye bɔne ndo ye nyunu.

Nahum 1:1

Nyekyire bɔ ɔfa Ninewe nwo ɛhe. Elkoseniɛ Nahum ye nyekyire nwomaa ne ɛhe.

Nahum 3:19

Wɔ ngena nemɔ bɛte kenangɔ, na wɔ ngena nemɔ batu. Ebiala bɔ ɔkɔte wɔ nga ne, ɔkɔbɔ ye sa nu kogua wɔ so, ofikyɛ wɔ bɔne yɔleɛ bɔ ye bo mbɛ ne, nwa yeɛ amva angɔ ye so ɔ?

Mateo 10:18

Ɔnate me ti bɛkɔfa ɛmɔ bekogyina amrado mɔ ne ahemvo nyunu, na ɔkɔyɛ adanzeɛ kohyire bɛ ne Amaenmaensofoɛ.

Mateo 12:41

Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

Nyekyire 18:5

Ofikyɛ ye bɔne yɔleɛ noa aboa waadwu nyameɛso, na Nyameɛ akaye ye amumuyɛɛ nemɔ.