Yona 1:15 - AHYERƐLƐ KRONGRON

¹⁵ Yiti bɛmane Yona so begyili ye bɛtole ɛpo ne anu, na ɛpo ne yakyili ebulɛ bɔ obu fa so ne.

Yona 1:15 Iomraidhean Croise

2 Samuel 21:14

Na besiele Sɔɔlo ne ɔwa Yonatan bɛ mmowue ne wɔ Sɔɔlo baba Kise asieleɛ nu, wɔ Sela, wɔ Benyamin aseɛ so. Bɛyɔle bɔ Nana Dawide ha hyirele bɛ ne amukoraa. Na ye si ye, Nyameɛ tiele aseɛ ne anwo mbaeɛ bɔ bɛbɔle ne.

Edwein 107:29

Ɔmane mvrama piri ne yɛle konn, na ɛpo asorɔkye ne yɛle dinn.

Edwein 65:7

Ɛpo bɔ obu fa so ne, ye asorɔkye wuruwuru ne, ɔne maen maen mɔ bagyabagyayɛle ne, ɛmaa bɛyɛ konn.

Edwein 89:9

Ɛpo bɔ ohu bu fa so ne, wɔ yeɛ ele ye so tumi ɔ; sɛ ye asorɔkye bɔ a, wɔ yeɛ ɛmaa ɔyɛ dinn ɔ.

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Luka 8:24

Na bɛhɔle ye nwo berɛ beetingyele ye, na besele kyɛ, “Yɛ mene, Yɛ mene, yawu yayie!” Odwɔsole, na ɔteateane mvrama ne ne asorɔkye wuruwuru ne, na bɛyakyili bɛyɛle dinn.