Yona 1:10 - AHYERƐLƐ KRONGRON

¹⁰ Na afei mmenia nemɔ surole paa, na besele ye kyɛ, “Nzu ati yeɛ ayɔ sɔ nikyee ye?” Né mmenia nemɔ banwu kyɛ wanwati wafi AWURADE nyunu, ofikyɛ né wahã wahyire bɛ.

Yona 1:10 Iomraidhean Croise

Gyenesise 3:13

Na AWURADE Nyameɛ bisale braa ne kyɛ, “Nzikyɛ nikye yeɛ ayɔ ye?” Na braa ne buale kyɛ, “Ewoo ne yeɛ ɔlakalakale me maa nnili ɔ.”

2 Samuel 24:3

Yeɛ Yoabo buale Nana Dawide kyɛ, “Nana, w’adaworoma, AWURADE wɔ Nyameɛ ma mmenia ne bɛ somaa ɔyɛ mmɔhoɛ ɛyaa, maa ɛfa wɔ nye nwu ye a, ahaa ye de ye paa nu ɔ. Nakoso nzu ati yeɛ ekuro kyɛ ɛyɔ sɔ nikyee ye ɔ?”

YOB NWOMAA NE 27:22

Ɔbɔ ye kɔ bɔ onnwu ye anwumvoin ɔ, na otu amirika serɛserɛ kyɛ ɔnwati fi ye sa nu.

Yona 1:11

Yeɛ bebisale ye kyɛ, “Nzikyɛ yeɛ yɛfa yɛyɔ wɔ ɔ, bɔ ɔkɔmaa ɛpo ne kɔla dinn kɔma yɛ ɔ? Ofikyɛ né ɛpo ne tɛ gu so obu fa so.

Yona 1:3

Nakoso Yona dwɔsole kyɛ ɔnwati fi AWURADE nyunu ɔkɔ Tasise. Ɔhɔle Yopa, na onwuni ɛlɛen bie bɔ ɔkɔ Tasise ɔ. Yiti otuale ye ɛlɛen sikaa ne, na ɔfo ɔtenane nu kyɛ ɔnwati fi AWURADE nyunu ɔne bɛ kɔ Tasise.

Yohane 19:8

Na Pilato tele edwirɛ he nen, ɛserɛ hane ye trale daa ne.

Yosua 7:25

Na Yosua sele kyɛ, “Nzikyɛ amaneɛ yeɛ aahwe abrɛ yɛ ye? AWURADE kɔma amaneɛ kɔto wɔ ɛnɛ kyẽa ye.” Na Yisraelfoɛ amukoraati bɛborole ye nyɔboɛ behuni ye. Bɛfale see bɛyerale bɛ, na bɛsesale nyɔboɛ beguale bɛ so.