Yohane 9:7 - AHYERƐLƐ KRONGRON

⁷ na osele ye kyɛ, “Kɔ, ná konwunzi so wɔ ɛkwaa Siloam nu,” (bɔ ye bo kyire: Bɔ basoma ye ɔ). Yiti osili nu hɔle oonwunzini so, na osa wale nen, né onwu nikye.

Yohane 9:7 Iomraidhean Croise

Nehemia 3:15

Na Salum bɔ ye baba ole Misepa manzini amrado Kolhose ne, ɔyɔle Mbombonzue Pambim ne, osa sili, ɔkatale so, na otuatuale ye anoa nemɔ, na bɛfale mberɛgoo bemiamiane mmuralɛ bɔ ɔbrambram ye si ne anu. Na Sela Ɛkwaa fasue bɔ ɔwɔ Nana ye turo ne anu ne, osili alaa oodwuli atweleɛ bɔ ɔtoro kɔ Dawide kuro ne anu nwo.

Edwein 146:8

AWURADE te anyesiniwaafoɛ bɛ nye, AWURADE ma bɛ bɔ baboto ɔ so, AWURADE kuro teneneefoɛ bɛ dwirɛ.

Ɛksadɔso 4:11

Na AWURADE bisale ye kyɛ, “Nwa yeɛ ɔyɔle kuro sona noa ɔ? Nwa yeɛ ɔmaa ɔyɛ emumu anaa asotiniwaaniɛ, ɔmaa onwu nikye anaa ɔyɛ ye anyesiniwaaniɛ ɔ? Yiti nna me AWURADE ɔ?

Yesaya 32:3

Bɛ bɔ benwu nikyee ne, bɛ nye so ngɔyɛ bɛ wusiwusi, yeɛ bɛ bɔ bɛte dwirɛ ne, bɛ koso bekotie.

Yesaya 35:5

Na ɛhe kɔma anyesiniwaafoɛ bɛ nye kɔte, asotiniwaafoɛ bɛ so kɔte dwirɛ;

Yesaya 42:7

kyɛ, ɛ́tete anyeɛ mɔ bɔ basi ɔ, kyɛ ɛ́ye kukunufoɛ efi kuku nu, ɔne kyɛ ɛ́ye bɛ bɔ bɛte awosii nu ɔ efi kuku nu.

Yesaya 43:8

Maen bɔ bɛ nye asi, nakoso bele anyeɛ ne, bɔ bɛ so ati, nakoso bele asoɛ ne, fa bɛ bra!

Yesaya 8:6

“Ɔnate kyɛ maen he apo Siloa asue bɔ ɔsẽ dinn ne, ná bama Resin ne Remalia awa ne nwo suronyi atɔ bɛ so ne ati,

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Luka 13:4

Anaa mmenia buru ne mmɔtwɛ bɔ Siloam abandenden bu guale bɛ so huni bɛ ne, ɛmɔdwene kyɛ né bɛte bɔnefoɛ bɛtra mmenia amukoraa bɔ bɛte Yerusalem anaa?

Luka 2:32

kanea bɔ ɔkɔla wɔ ali kohyire Amaenmaensofoɛ ɔ bɔ ɔte wɔ maen Yisrael animnyam ne.”

Yohane 10:36

né nzu ati yeɛ bɔ Baba ne ayɛ ye krongron, ná wasoma ye maa wawa wiase ne, ɛmɔkã ye nwo dwirɛ kyɛ, ‘Ahã musue dwirɛ,’ ofikyɛ ngane kyɛ, ‘Nyameɛ Awa ne ole me?’

Yohane 11:37

Nakoso bɛ nu biemɔ hane kyɛ, “Biaa he bɔ ɔtele anyesiniwaaniɛ nye ye, yiti ahaa ɔngɔhora ngɔyɔ ye nwo hwee bɔ ɔngɔma biaa he ongowu ɔ?”

Yohane 9:11

Na obuale kyɛ, “Biaa bie bɔ bɛfrɛ ye Yesu ne, ye yeɛ ɔdɔnene nnɛterɛ fa wasale me nye so ɔ, na ɔhã hyirele me kyɛ, ‘Kɔ ɛkwaa Siloam nu konwunzi so.’ Na ngɔnwunzini so, yiti yeɛ ɔmaa menwu nikyee ye.”

Yohane 9:39

Na Yesu hane kyɛ, “Ndɛenbualɛ ti yeɛ mmale wiase ɔ, amaa ɔnate so bɛ bɔ bennwu nikyee ne banwu nikye; ná bɛ bɔ benwu nikyee ne koso bakakyi anyesiniwaafoɛ.”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,