Yohane 9:4 - AHYERƐLƐ KRONGRON

⁴ Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.

Yohane 9:4 Iomraidhean Croise

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Mateo 20:7

Bebuale ye kyɛ, ‘Ofikyɛ ebiala ɔbbɔle yɛ paa’. Yeɛ osele bɛ kyɛ, ‘Ɛmɔ koso, ɛmɔhɔ me bobe boo ne anu bɛɛyɔ adwuma’.

Marko 3:3

Yeɛ osele biaa bɔ ye sa ko awu ne kyɛ, “Baagyina anyunu wa.”

Yohane 10:32

Na Yesu buale kyɛ, “Nnwumaa paa pee bɔ ofi me Baba ne berɛ yeɛ mayɔ mahyire ɛmɔ ɔ; na bɛ nu beni ati yeɛ ɛmɔbaaboro me nyɔboɛ ye?”

Yohane 10:37

Na sɛ nna me Baba nnwumaa yeɛ meyɔ hɔ a, ye de nnɛma ɛmɔde me bedi.

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 17:4

Mahyɛ wɔ animnyam wɔ aseɛ so; mayie adwuma bɔ ɛfa mane me kyɛ nyɔ ne.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 5:19

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.

Yohane 5:36

Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ.

Yohane 7:33

Yeɛ Yesu sele bɛ kyɛ, “Me ne ɛmɔ kɔtena mmerɛ kãa bie, na afei ngɔhɔ bɔ ɔsomane me ne berɛ.

Asomafoɛ 4:20

ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

Ɛfesofoɛ 5:16

Ɛ́mɔnea ɛmɔ mmerɛ so yé, ofikyɛ ngyẽa ne te ngyẽa tɛɛ.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.