Yohane 9:35 - AHYERƐLƐ KRONGRON

³⁵ Na Yesu tele kyɛ bafoa ye bafi nyianu sua ne anu, na onwuni ye nen, obisale ye kyɛ, “Ede Sona Awa ne di anaa?”

Yohane 9:35 Iomraidhean Croise

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Edwein 27:10

Sɛ me baba ne me maame bɛpo me po a, AWURADE de, okole me.

Mateo 14:33

Na bɛ bɔ bɛwɔ ɛlɛen ne anu ne, bɛɛsɔnene ye, na bɛhane kyɛ, “Amba, wɔ ole Nyameɛ Awa ne.”

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Marko 1:1

[Nyameɛ Awa] Yesu Kristo nzɛmba ne, ye ahyɛaseɛ;

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 1:34

Me bɔbɔ manwu ye, na medi adanzeɛ kyɛ ye ole Nyameɛ Awa ne.”

Yohane 10:36

né nzu ati yeɛ bɔ Baba ne ayɛ ye krongron, ná wasoma ye maa wawa wiase ne, ɛmɔkã ye nwo dwirɛ kyɛ, ‘Ahã musue dwirɛ,’ ofikyɛ ngane kyɛ, ‘Nyameɛ Awa ne ole me?’

Yohane 11:27

Na obuale ye kyɛ, “Yoo, Awurade, mede medi kyɛ wɔ ole Kristo ne, Nyameɛ Awa ne bɔ ɔ́ba wiase ne.”

Yohane 20:28

Na Tɔmase buale ye kyɛ, “M’Awurade ne me Nyameɛ!”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 3:36

Na ebiala bɔ ode Baa ne di ne, ole daa ngoa; yeɛ bɔ ɔnyɛ sotie mma Baa nen, ongonya ngoa, na Nyameɛ ahonehulɛ ba ye so.

Yohane 5:14

Nziɛ ye, Yesu nwuni ye wɔ asɔneyɛɛ sua ne anu, na osele ye kyɛ “Nea, ate apɔ, nnɛyɔ bɔne ko, ná nikyee tɛɛ bɔ ɔtra ɛhe ɔ wanyɛ wɔ.”

Yohane 6:69

na yale yali, na yanwu ye kyɛ wɔ ole Nyameɛ ye Krongronniɛ ne.”

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

Yohane 9:34

Na bebuale ye kyɛ, “Bɛwole wɔ bɛtole bɔne nu buroburoburo, na afei wɔ yeɛ ekyirekyire yɛ ɔ?” Na bɛfoane ye befili nyianu sua ne anu.

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Asomafoɛ 8:37

[Na Filipo buale kyɛ, “Sɛ ede di bɔkɔɔ wɔ w’ahone nu de a, bɛbɔ wɔ asu a ɔyɛ yee.” Na ye koso obuale ye kyɛ, “Mede medi kyɛ Yesu Kristo ole Nyameɛ Awa ne.”]

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,

Romanfoɛ 10:20

Afei Yesaya sili ye ahone hane kyɛ, “Bɛ bɔ bambena me si atee ne, banwu me, na maye me nwo ali mahyire bɛ bɔ bammisa me boso ɔ.”

1 Yohane 4:15

Na ebiala bɔ ɔpakye nu kã kyɛ Yesu ole Nyameɛ Awa nen, Nyameɛ te ye nu, na ye koso ɔte Nyameɛ nu.

1 Yohane 5:10

Yiti ebiala bɔ ode Nyameɛ Awa ne di ne, ole sɔ adanzeɛ ne wɔ ye ahone nu. Nakoso ebiala bɔ onne Nyameɛ nni ne, ɔma Nyameɛ yɛ ngondomboniɛ, ofikyɛ onne adanzeɛ bɔ Nyameɛ wali wafa Ɔwa ne nwo nni.

1 Yohane 5:13

Mekyerɛ ɛhemɔ mebrɛ ɛmɔ bɔ ɛmɔde Nyameɛ Awa ne dumaa bedi ne, amaa ɛmɔanwu kyɛ ɛmɔle daa ngoa, na ɛmɔahɔ so bale Nyameɛ Awa ne dumaa bali.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

1 Yohane 5:5

Nwa yeɛ odi wiase so ngonim ɔ? Ye ole sona bɔ ode di kyɛ Yesu ole Nyameɛ Awa ne ɔ.

3 Yohane 1:10

Yiti sɛ meba a, ngɔfa bɔ ɔyɛ ne ngɔto dwaa: odi nzekure yeayea fa yɛ nwo. Nna ɛhe angome, afei koso onzikye aliɛmaa mɔ wɔ ye awuro. Asa koso osi bɛ bɔ bekuro kyɛ bede aliɛmaa nemɔ bɛto nu ne ate, na ɔfoa bɛ fi asɔre ne anu.