Yohane 9:34 - AHYERƐLƐ KRONGRON

³⁴ Na bebuale ye kyɛ, “Bɛwole wɔ bɛtole bɔne nu buroburoburo, na afei wɔ yeɛ ekyirekyire yɛ ɔ?” Na bɛfoane ye befili nyianu sua ne anu.

Yohane 9:34 Iomraidhean Croise

Gyenesise 19:9

Nakoso besele ye kyɛ, “Dwɔso berɛ kɔ dɔ!” Na besa bɛhane kyɛ, “Sɔ akoaa he te amanvraniɛ yeɛ waatena wa ɔ, nakoso wayɛ ye nwo ndɛenbualɛniɛ! Bɔ yɛkɔfa yɛkɔyɔ wɔ ne, ɔkɔtra bɛ deɛ ne!” Afei bɛhɔle Lɔto so, na bɛhɔle anoa ne anwo kyɛ bɛkwaatu ye bo.

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

YOB NWOMAA NE 14:4

Nwa yeɛ ɔkɔhora konya bɔ ye nwo te okofi bɔ ye nwo nde ɔ nu ɔ? Ebiala ngɔhora!

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

Edwein 51:5

Amba, amumuyɛɛ nu yeɛ bɛwole me ɔ, na bɔne nu yeɛ me maame nwonzɛle me ɔ.

Ɛksadɔso 2:14

Na obuale kyɛ, “Nwa yeɛ ɔyɛle wɔ yɛ so panyi ne ndɛenbualɛniɛ ɔ? Ɛpena kyɛ eku me kyɛbɔ ehuni Misraimniɛ ne anaa?” Yiti edwirɛ ne mane Mose surole, na ɔhane ye ye ti anu kyɛ, “Eh, edwirɛ ne afite amba!”

Anyandera 22:10

Foa ngorohoɛniɛ ne, na ngondii so kɔpɛ; aporowaa ne nzoaa bo kɔpɛ.

Anyandera 26:12

Yeɛ anwu sona bɔ obu ye nwo kyɛ ye de ɔse nworɛ ɔ? Sɔ sona ne, anyelasoɛ wɔ berɛ ma ngwaseafoɛ tra ye.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Yesaya 65:5

mmenia bɔ bɛnwa: ‘Pingye dɔ, nnɛfa wɔ nwo kã me, ofikyɛ me de, me nwo te tra wɔ!’ Sɔ mmenia nemɔ bɛte kyɛ nwosina bɔ ɔkɔ me ti anu ɔ, bɛma m’ahone hu kyɛ see bɔ ogye daa biala ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Luka 11:45

Yeɛ mmeraa nwo nimdeɛfoɛ nemɔ anu ko sele ye kyɛ, “Kyerɛkyerɛniɛ, sɛ ɛkã sɔ de a, né awɔ yɛ koso safure!”

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Luka 18:17

Nahorɛ nu, mekã mekyire ɛmɔ kyɛ, ebiala bɔ wanne Nyameɛ ahennie ne wando nu kyɛ akwadaa ne, ɔngɔhɔ nu le.”

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Yohane 8:41

Ɛmɔ baba yɔleɛ yeɛ ɛmɔyɔ ɔ.” Na bebuale ye kyɛ, “Yɛ de yɛtte adwaman mmaa; yɛ Baba te komapɛ twe, ye ole Nyameɛ.”

Yohane 9:2

Na ye asuafoɛ nemɔ bisale ye kyɛ, “Rabi, nwa yeɛ ɔyɔle bɔne ɔ, biaa he anaa ye awofoɛ, bɔ ɔmaa ɔnate so bɛwole ye anyesiniwaaniɛ ye?”

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

Yohane 9:35

Na Yesu tele kyɛ bafoa ye bafi nyianu sua ne anu, na onwuni ye nen, obisale ye kyɛ, “Ede Sona Awa ne di anaa?”

Yohane 9:40

Yeɛ Farasiifoɛ ne anu biemɔ bɔ né bɛwɔ ye nwo berɛ ne, bɛtele sɔ dwirɛ ne, na bebisale ye kyɛ, “Yɛ koso, yɛte anyesiniwaafoɛ anaa?”

1 Korintofoɛ 5:13

Na Nyameɛ yeɛ okobua bɛ bɔ bɛnne ɛmɔ fekue ne anu ndɛen ɔ. Yiti ɛmɔfoa amumuyɛɛniɛ ne béfi ɛmɔ nu.

Galatiafoɛ 2:15

Yɛ de, bɛwole yɛ Yudafoɛ, na bannwo yɛ Amaenmaensofoɛ bɔnefoɛ.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

3 Yohane 1:10

Yiti sɛ meba a, ngɔfa bɔ ɔyɛ ne ngɔto dwaa: odi nzekure yeayea fa yɛ nwo. Nna ɛhe angome, afei koso onzikye aliɛmaa mɔ wɔ ye awuro. Asa koso osi bɛ bɔ bekuro kyɛ bede aliɛmaa nemɔ bɛto nu ne ate, na ɔfoa bɛ fi asɔre ne anu.

3 Yohane 1:9

Mahyerɛ krataa maama asɔre ne, nakoso Diotrefe bɔ okuro kyɛ ɔyɛ ye nwo panyi tra ebiala ne, onne yɛ ndo nu.

Nyekyire 13:17

maa ɔnate so ebiala ngora ndɔ nikye anaa ɔnyɛ ye atɔen, sana sona bɔ ole nzorɛhyɛlɛ ne, bɔ ɔte kaka ne dumaa anaa ye dumaa ngondaa nzorɛhyɛlɛ ne ngome