Yohane 9:31 - AHYERƐLƐ KRONGRON

³¹ Yɛse kyɛ Nyameɛ ndie bɔnefoɛ mɔ, nakoso sɛ ebie sɔne Nyameɛ ná ɔyɛ ye apɛdeɛ a, ye yeɛ Nyameɛ tie ye ɔ.

Yohane 9:31 Iomraidhean Croise

Gyenesise 19:29

Yiti mmerɛ bɔ Nyameɛ sɛkyele nguro bɔ bɛwɔ aseɛ frɛtɛɛ ne aso nen, ɔkayele Abraham, na amaneɛ bɔ ɔtole nguro bɔ Lɔto tenane so nemɔ maa bɛbɔle ne, ɔyele Lɔto fili nu.

Gyenesise 20:7

Yiti sá fa biaa n’aye kɔma ye: ɔte ngɔmhyɛlɛniɛ, na okoli wɔ ti dwirɛ kɔma wɔ maa ekonya ngoa. Nakoso sɛ amva ye angɔ amma ye a, ye de kaye kyɛ ewue yeɛ ekowu ɔ, ɛne wɔ nwo ama ne wɔ nyɛmmoa mukoraati.”

YOB NWOMAA NE 35:12

Berɛ yeɛ bɛbɔ awuye ɔ, nakoso ebiala ndɛ bɛ so, ɔnate bɔnefoɛ b’anwomasoɛ ti.

YOB NWOMAA NE 35:13

Nahorɛ nu, Nyameɛ ndie esuɛ mbaen mbaen, yeɛ Tuminiɛ ne ɔmva nyɛ huu.

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Edwein 106:23

Yiti ɔhane kyɛ okohũhũ bɛ. Nakoso Mose bɔ waneanea nu waye ye ne, ɔpale kyerɛ mane bɛ wɔ Nyameɛ nyunu, kyɛ ɔma ye ahone ɔtɔ nzue nu, ná nnɛmaa okũkũ bɛ.

Edwein 143:10

Kyirekyire me maa nyɔ w’apɛdeɛ, ofikyɛ wɔ yeɛ ɛte me Nyameɛ ɔ. Ma wɔ Sunzum paa ne oli me nyunu, maa ɔfa me fa atimbire frɛtɛɛ so.

Edwein 145:19

Ɔyɔ bɛ bɔ besuro ye ɔ b’apɛdeɛ ma bɛ; afei koso otie bɛ sufrɛ, na ɔpepɛ de bɛ.

Edwein 18:41

Bɛteateane nu bɛpenane mmokalɛ, nakoso bannya defoɛ biala, besu bɛfrɛle AWURADE, nakoso wandɛ bɛ so.

Edwein 40:8

Ao me Nyameɛ, bɔ mekuro ole kyɛ ngɔyɔ w’apɛdeɛ ɔ; wɔ mmeraa ne wɔ me ti anu.”

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Anyandera 15:29

AWURADE ne bɔnefoɛ b’afia atee wale, nakoso teneneefoɛ de, otie bɛ mbaeɛ.

Anyandera 21:13

Ebiala bɔ mmenia bɔ bɛyɛ anwumvo ɔ besu bɛfrɛ ye a otuatua ye so ne, ye koso osũ frɛ a, ebiala ngɔtɛ ye so.

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yesaya 58:9

Afei ɛkɔfrɛ, na AWURADE kɔtɛ wɔ so, ekosu kɔfrɛ, na ɔkɔhã kyɛ, Me ɛhe. “Sɛ ɛyakyi kɔnnua bɔ ɛfa to mmenia kɔme, anwunanwuna asaa tengyɛlɛ ne ɛsoentolɛ,

Yeremia 11:11

Yiti bɔ AWURADE kã ɛhe: Nahorɛ nu, mebaaprapra musue bɔ bɛngɔhora bɛngɔnwati bengofi nu ɔ megua bɛ so; ɔwɔ nu kyɛ bekosu bɛkɔfrɛ me, nakoso mengɔtɛ bɛ so.

Yeremia 14:12

Sɛ bɛyɔ akɔngyere a, mengotie bɛ sufrɛ. Yeɛ sɛ bɛbɔ naen yeralɛ afɔleɛ ne aburoo afɔleɛ po a, mengole bɛ mengɔto nu. Na mmom ngɔfa ngrandɛ, ɛhɔen ne ewue anwonyerɛ ngohũhũ bɛ pasapasa.”

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Mika 3:4

Afei bekosu bɛkɔfrɛ AWURADE, nakoso ɔngɔtɛ bɛ so. Sɔ mmerɛ ne, ɔkɔye ye nye kɔfea bɛ, ofikyɛ bɛ yɔleɛ te bɔne.

Sakaria 7:13

Na kyɛbɔ ɔfrɛle ná bandie ne, sɔ ala yeɛ bɛfrɛle bɔ me koso mandie ɔ, Asafo AWURADE noa dwirɛ ɛne.

Yohane 11:22

Na kekesaala ye po, mese kyɛ nikyee biala bɔ ekobisa Nyameɛ nen, Nyameɛ kɔfa kɔma wɔ.”

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Yohane 9:30

Na biaa ne buale bɛ kyɛ, “Edwirɛ nwanwa ɛhe! Ɛmɔnze nekaa bɔ ofi ɔ, nakoso me de, ɔtele me nye!

Yohane 9:32

Ofi wiase ahyɛaseɛ, yɛttele ye le kyɛ ebie ate sona bɔ bɛwole ye anyesiniwaaniɛ ɔ ye nye.

Deuteronomi 1:45

Na ɛmɔsa bɛwale beesu behyirele AWURADE, nakoso AWURADE andie ɛmɔ dwirɛ, yeɛ wandɛ ɛmɔ so.

Hebrifoɛ 10:7

Na afei ngane kyɛ, ‘O Nyameɛ, mawa kyɛ mebaayɔ w’apɛdeɛ, kyɛbɔ bahyerɛ bafa me nwo wɔ mmeraa nwomaa ne anu nen.’ ”