Yohane 9:3 - AHYERƐLƐ KRONGRON

³ Na Yesu buale kyɛ, “Nna biaa he, anaa ye awofoɛ yeɛ bɛyɔle bɔne ɔ; na mmom kyɛ Nyameɛ nnwumaa kɔla ali wɔ ye nu ti ɔ.

Yohane 9:3 Iomraidhean Croise

YOB NWOMAA NE 21:27

“Nea, manwu ɛmɔ adwene, ɔne porɛ bɔ ɛmɔabɔ bafa me nwo ɔ.

YOB NWOMAA NE 32:3

Ye ahone huli Yob nnamvo nza nemɔ koso so, kyɛ bangora banye Yob dwirɛ ne noa ɔ, nakoso babua ye fɔ ɔ.

YOB NWOMAA NE 42:7

Na AWURADE hane sɔ dwirɛ ne hyirele Yob yiele nen, AWURADE sele Temanniɛ Elifase kyɛ, “Mafɛ wɔ ne wɔ damvo nyɔ nemɔ so yaa piri paa, ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Yohane 11:4

Na Yesu tele ɛhe nen, ɔhane kyɛ, “Sɔ anwonyerɛ he, nna ewue anwonyerɛ ɔ; na mmom Nyameɛ animnyam ti ɔ, amaa ɔnate ɛhe aso bahyɛ Nyameɛ Awa ne animnyam.”

Yohane 11:40

Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”

Asomafoɛ 28:4

Na mmerɛ bɔ supɔ ne aso ama nwuni kyɛ ewoo ne abrabra ye sa nen, besisele bɛ nwo kyɛ, “Aporowaa biala nne ye nwo, biaa he te wudiniɛ. Ɔwɔ nu kyɛ wanya ye ti ngoa wafi ɛpo nu de, nakoso ye bɔne nwo asohwenɛ bɔ oli ye si ngɔma ongonya ngoa.”

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.

1 Yohane 4:9

Kyɛbɔ Nyameɛ yele ye dɔ ne ali wɔ yɛ nu ɛhe: Nyameɛ somane Ɔwa komapɛ twe ne maa ɔwale wiase, amaa ɔnate ye so yanya ngoa.