Yohane 9:29 - AHYERƐLƐ KRONGRON

²⁹ Yɛse kyɛ Nyameɛ dwudwo hyirele Mose, nakoso sɔ biaa he de, yɛnze nekaa bɔ ofi ɔ!”

Yohane 9:29 Iomraidhean Croise

1 Ahemvo 22:27

Na kã kyire bɛ kyɛ, ‘Nana nwa nyoo: Ɛ́mɔfa akoaa he bɛto kuku nu, na ɛmɔte ye aleɛ ne ye nzue so, kɔpem kyɛ ngofi koɛ ye noa ngosa ngɔwa asomdwee nu ɔ.’ ”

2 Ahemvo 9:11

Yehu sa wale ye mene ye safohene nemɔ anwo berɛ ne, bebisale ye kyɛ, “Nikyee biala te bɔkɔɔ de? Nzu ati yeɛ akoaa bɔnamvoɛ ne wale wɔ berɛ ɔ?” Yehu buale bɛ kyɛ, “Naa ɛmɔse sɔ biaa ne, ɔne kyɛbɔ osi kekã ye dwirɛ ɔ.”

Edwein 103:7

Ɔlale ye atee ali hyirele Mose, na ɔlale ye nnwumaa ali hyirele Yisraelfoɛ.

Edwein 105:26

Ɔsomane ye somvoɛ Mose, yeɛ Aarɔn bɔ ɔneaneane nu yele ye ne.

Edwein 106:16

Bɛ nye borole Mose wɔ asikyeleɛ ne anu, ɔne AWURADE krongronniɛ Aarɔn koso.

Edwein 22:6

Nakoso me de, nde esuronyi, na nnde sona, mmenia sere me, adasa bu me animtia.

Malaki 4:4

“Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye.

Numeri 16:28

Yeɛ Mose sele kyɛ, “Ɛhe yeɛ ɔkɔmaa ɛmɔkonwu kyɛ AWURADE yeɛ wasoma me kyɛ mmanyɔ sɔ nningyein he amu ɔ; na mmom nna me bɔbɔ yeɛ medi me ti piri ɔ.

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 26:61

na bɛhane kyɛ, “Sɔ akoaa he hane kyɛ, ‘Ngɔhora ngobubu Nyameɛ asɔneyɛɛ sua ne, ná mafa ɛlɛsa masi.’ ”

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 7:27

Nakoso biaa he de, yɛse nekaa bɔ ofi ɔ; na Kristo ne de, sɛ ɔba a, ebiala ngonwu nekaa bɔ ofi ɔ.”

Yohane 7:28

Na Yesu gu so bɔ ɔyɛ ngyerɛkyerɛ wɔ asɔneyɛɛ sua ne anu nen, ɔteane nu hane kyɛ, “Ɛmɔse me, yeɛ ɛmɔse nekaa bɔ mvi ɔ. Nakoso nna me bɔbɔ me tumi so yeɛ mva mmale ɔ; na bɔ ɔsomane me ne te nahorɛniɛ, na ɛmɔnze ye.

Yohane 8:14

Na Yesu buale bɛ kyɛ, “Sɛ medi me bɔbɔ me nwo adanzeɛ po a, m’adanzeɛ ne te nahorɛ; ofikyɛ mese nekaa bɔ mvi mmale ɔ, ɔne nekaa bɔ mékɔ ɔ. Nakoso ɛmɔ de, ɛmɔnze nekaa bɔ mvi mmale ɔ anaa nekaa bɔ mékɔ ɔ.

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.

Yohane 9:24

Yiti besa bɛfrɛle biaa bɔ mmerɛ bie né ɔte anyesiniwaaniɛ ne, na besele ye kyɛ, “Fa animnyam ma Nyameɛ! Yɛ de, yɛse kyɛ biaa he ɔte bɔnefoɛ.”

Yohane 9:30

Na biaa ne buale bɛ kyɛ, “Edwirɛ nwanwa ɛhe! Ɛmɔnze nekaa bɔ ofi ɔ, nakoso me de, ɔtele me nye!

Asomafoɛ 22:22

Ɛlɔen ne tiele Pɔɔlo tonn maa oodwuli edwirɛ he aso, na afei bɛteateane nu kyɛ, “Behu sɔ akoaa he befi aseɛ ye aso! Ɔnate kyɛ ɔmvata kyɛ ɔtena ase ɔ.”

Asomafoɛ 26:22

Nakoso Nyameɛ abɔ me nwo waen alaa maa waadwu ɛnɛ kyẽa ye; yiti yeɛ ɔmaa ngyi wa medi adanzeɛ mekyire mmenia mukoraa ɔ: atitire ne kwahweabaa mɔ. Na edwirɛ bɔ ngɔmhyɛlɛfoɛ ne Mose hã tole berɛ kyɛ okosi ne ala yeɛ mekã ɔ:

Asomafoɛ 7:35

“Sɔ Mose he bɔ Yisraelfoɛ pole ye na besele ye kyɛ, ‘Nwa yeɛ ɔfale wɔ sili yɛ so panyi ne ndɛenbualɛniɛ?’ nen, ye komapɛ ne ala yeɛ Nyameɛ somane ye kyɛ, ɔfa abɔfo bɔ ɔyele ye nwo ali hyirele ye wɔ ngyɛkyerɛ ne anu so na ɔɔyɛ bɛ so panyi ne defoɛ ɔ.

Deuteronomi 34:10

Ngɔmhyɛlɛniɛ foforɛ biala nne berɛ bɔ wadwɔso wɔ Yisrael bɔ ɔte kyɛ Mose ɔ. Ye yeɛ AWURADE maa ogyinane ye nyunu ɔne ye bedwudwole ɔ;

Hebrifoɛ 1:1

Daa tete ne, mmerɛ pee nu ne atee ahoroɔ so yeɛ Nyameɛ nate ngɔmhyɛlɛfoɛ so dwudwo hyirele yɛ nana mɔ ɔ;

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.