Yohane 9:24 - AHYERƐLƐ KRONGRON

²⁴ Yiti besa bɛfrɛle biaa bɔ mmerɛ bie né ɔte anyesiniwaaniɛ ne, na besele ye kyɛ, “Fa animnyam ma Nyameɛ! Yɛ de, yɛse kyɛ biaa he ɔte bɔnefoɛ.”

Yohane 9:24 Iomraidhean Croise

Ɛsra 10:11

Yiti odi kyɛ ɛmɔde ɛmɔ bɔne bɛto nu bekyire AWURADE ɛmɔ nana mɔ Nyameɛ ne, ná ɛmɔyɔ bɔ ɔsɔ ye nye ɔ. Ɛmɔhwe ɛmɔ nwo befi aseɛ ne aso mmenia nwo, ɔne Amaenmaensofoɛ mmrasua nwo.”

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Marko 15:27

Bɛbɔle awerɔm awuefoɛ nyɔ mmeamudua nu bɛbokale ye so, ko wɔ ye sa famaa so, yeɛ ko wɔ ye sa bɛen so.

Luka 15:2

Yeɛ Farasiifoɛ ne ahyerɛlɛfoɛ nemɔ bɛyɛle nwuhunwuhu kyɛ, “Biaa he ode bɔnefoɛ to nu, na osa ne bɛ bedidi.”

Luka 19:7

Na ɛlɔen ne nwuni ye sɔ nen, bɛ mukoraa bɛyɛle nwuhunwuhu kyɛ, “Biaa bɔnefoɛ he yeɛ wahɔ waasikye ye awuro ɔ.”

Luka 7:39

Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Yohane 18:30

Na bebuale ye kyɛ, “Sɛ akoaa he ɔtte mmeraatolɛniɛ a, ahaa yamva ye yammrɛ wɔ.”

Yohane 19:6

Na asɔfo mbanyi nemɔ ne awɛmvoɛ nemɔ benwuni ye ne, bɛteateane nu kyɛ, “Bɔ ye mmeamudua nu! Bɔ ye mmeamudua nu!” Na Pilato sele bɛ kyɛ, “Ɛmɔ bɔbɔ bɛfa ye bɛɛbɔ ye mmeamudua nu! Ofikyɛ me de, mennwu kyɛ odi fɔ biala ɔ.”

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Yohane 8:46

Ɛmɔ nu nwa yeɛ obua me foɛ wɔ bɔne bie nwo ɔ? Na sɛ mekã nahorɛ ne a, nzu ati yeɛ ɛmɔnne me benni ɔ?

Yohane 8:49

Na Yesu buale kyɛ, “Me de, nnne sunzummɔne; na mmom medi me Baba ni, na ɛmɔ de, ɛmɔnni me ni.

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.

Yohane 9:25

Yeɛ obuale kyɛ, “Sɛ ɔte bɔnefoɛ a, me de menze; nikyee komapɛ yeɛ mese ɔ: ahaa né nde anyesiniwaaniɛ, nakoso kekesaala ye de menwu nikye.”

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Yosua 7:19

Na Yosua sele Akan kyɛ, “Mma, fa animnyam ma AWURADE Yisrael Nyameɛ, ná ka nahorɛ wɔ ye nyunu. Nikyee bɔ ayɔ ne, ka kyire me kekesaala ye. Nnɛfa fea me.”

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.