Yohane 9:16 - AHYERƐLƐ KRONGRON

¹⁶ Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.

Yohane 9:16 Iomraidhean Croise

Mateo 12:10

Na yieee, né biaa bie wɔ berɛ bɔ ye sa ko awu ɔ. Na bebisale Yesu kyɛ, “Aso mmeraa ma ate kyɛ bɛsa anwonyerɛ afofikyẽa anaa?” Né bɛpena edwirɛ bɛfa bɛbɔ ye kwaadu.

Mateo 12:2

Na mmerɛ bɔ Farasiifoɛ nemɔ nwuni sɔ ne, besele ye kyɛ, “Nea, w’asuafoɛ nemɔ bɛ́yɔ bɔ otia mmeraa kyɛ bɛyɔ ye afofikyẽa ɔ!”

Luka 13:14

Nakoso nyianu sua ne anu panyi ne fɛle yaa kyɛ Yesu asa anwonyerɛ afofikyẽa ɔ, na osele mmenia ne kyɛ, “Elesia yeɛ ɔsɛ kyɛ yɛfa yɛyɔ adwuma ɔ. Sɔ ngyẽa nemɔ yeɛ ɛmɔbra ma bɛsa ɛmɔ anwonyerɛ ɔ, na ɔnzɛ kyɛ ɔyɛ afofikyẽa.”

Yohane 10:19

Na ɔnate edwirɛ hemɔ ati, Yudafoɛ nemɔ anu hyehyɛle bieku.

Yohane 14:11

Ɛmɔle me beli kyɛ nwɔ Baba ne nu, ná Baba ne koso ɔwɔ me nu ɔ; na sɛ ɔtte sɔ de a, nzaade nnwumaa ne ala ti ɛmɔle me beli!

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 2:11

Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 5:10

Yiti Yudafoɛ nemɔ sele biaa bɔ ye nwo asa ne kyɛ, “Ɛnɛ te afofikyẽa, yiti mmeraa mma ate kyɛ ɛkɔsoa wɔ bɛen ɔ.”

Yohane 5:36

Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ.

Yohane 6:52

Na ɛhe mane Yudafoɛ nemɔ bɛpɛle bɛ nwo besuli bɛ nwo aporowaa kyɛ, “Ɔkɔyɛ sɛɛ né biaa he wahora wafa ye nwonaen wamaa yali?”

Yohane 7:12

Na mmenia nemɔ yɛle nwuhunwuhu pee bɛfale ye nwo. Ebiemɔ hane kyɛ, “Ɔte sona paa.” Yeɛ ebiemɔ koso nwa, “Daabi, ɔlakalaka mmenia.”

Yohane 7:23

Na sɛ ɛmɔpɛ ebie bienzua afofikyẽa, kyɛbɔ ɔkɔyɛ bɔ ɛmɔngobu Mose mmeraa so a, né nzu ati yeɛ ɛmɔafɛ me so yaa kyɛ mama sona mumua wate apɔ wɔ afofikyẽa ɔ?

Yohane 7:43

Na ɔnate ye ti mmenia ne anu hyehyɛle.

Yohane 9:24

Yiti besa bɛfrɛle biaa bɔ mmerɛ bie né ɔte anyesiniwaaniɛ ne, na besele ye kyɛ, “Fa animnyam ma Nyameɛ! Yɛ de, yɛse kyɛ biaa he ɔte bɔnefoɛ.”

Asomafoɛ 14:4

Nakoso kuro berɛ ama nu hyɛle nyɔ; bue ko gyi Yudafoɛ nemɔ si, yeɛ bue ko koso gyi asomafoɛ nemɔ si.